Црна хроника
Инциденти и по натпреварот Македонија – Србија
По натпреварот меѓу фудбалските репрезентации на Македонија и Србија се случиле инциденти во Старата скопска чаршија во кои, според неофицијални информации има повредени и приведени.полицијата со солзавец ја разбивала толпата.
Според непотврдени информации, толпа лица од Старата чаршија сакала да го мине Камениот мост во центарот на Скопје за да оди на плоштадот „Македонија“ каде што група навивачи ја прославуваше победата на македонската фудбалска репрезентација, но биле спречени од полициските специјалци.
Од Министерството за внатрешни работи не ги потврдуваат овие информации од граѓани, а очевидци велат дека на почетокот од Старата чаршија биле видливи искршени жардинери, расфрлани маси, столчиња и чадори од околните локали, што посочува на тоа дека се случил помасовен инцидент. На граѓаните не им било дозволено да го минуваат Камениот мост и биле пренасочувани кај мостот кај Холидеј Ин.
По натпреварот што го добија македонските фудбалери со 1:0 беше забележливо и силно полициско обезбедување кај скопската Железничката станица и на плоштадот „Македонија“.
Претходно во текот на денот, пред одигрувањето на квалификацискиот натпревар за Светското фудбалско првенство 2014, се случија два инцидента на локации коишто исто така гравитираат кон Старата скопска чаршија.
Околу 14 часот, тројца навивачи на српската репрезентација кај стоковната куќа „Мост“ беа повредени, од кои едниот беше прободен со нож и е задржан на лекување во скопскиот Ургентен центар. Според скопската полиција, поголема група засега неидентификувани лица ги нападнале тројцата навивачи од Белград на возраст меѓу 19 и 20 година. Тие биле гаѓани со камења и шишиња, а 19-годишниот српски навивач бил прободен со нож во грбот. Кај другите двајца се констатирани тешки повреди.
Малку претходно, околу 12,30 часот на неколку стотини метри од местото на кое подоцна беше прободен српскиот навивач, кај трговскиот центар „Мавровка“ беа нападнати двајца црногорски државјани, Според нивните изјави тие не биле дојдени во Скопје за фудбалскиот натпревар. Во полиција околу 13.30 часот била пријавена тепачка кај трговскиот центар „Мавровка“, но кога полицијата излегла на терен не затекнала ништо. Подоцна од Специјалната болница за хируршки болести „Наум Охридски“ во полиција било пријавено дека кај нив биле примени двајца црногорски државјани со повреди.
Министерството за внатрешни работи во вторникот преземапосебни безбедносни мерки околу Националната Арена „Филип Втори Македонски“ поради одигрувањето на фудбалскиот натпревар меѓу репрезентациите на Македонија и Србија. Српскиот фудбалски сојуз известил дека нема да има организирано патување за навивачките групи, но поради тоа што станува збор за меѓународен натпревар, МВР го третираше како натпревар од висок ризик.
Тензиите започнаа уште изминатиот викенд кога некои белградски медиуми информираа дека околу 300 хулигани се упатиле кон Скопје каде што сакале наводно да се пресметаат со овдешните Албаници/крај/фф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Топ
Петарда експлодира во раката на осумгодишно дете од Врапчиште, заврши на Клиника
Осумгодишно дете од селото Врапчиште, гостиварско, се здобило со сериозни повреди на раката кога му експлодирала петарда.
Настанот бил пријавен на 29 декември 2025 година во 15:10 часот во ОВР Гостивар, од страна на Ургентниот центар во Гостивар, каде што малолетникот бил донесен со повреди.
По излегувањето на полициски службеници на терен, било утврдено дека станува збор за осумгодишно дете кое се повредило кога петарда експлодирала во неговата рака. По укажаната медицинска помош во Гостивар, поради сериозноста на повредите, детето било пренесено на понатамошно лекување во Комплекс клиники „Мајка Тереза“ во Скопје.
Од полицијата информираат дека се преземаат мерки за целосно расчистување на случајот.
Црна хроника
Со нож му го зеле велосипедот на дете во центарот на Скопје
Вчера попладнето малолетно момче било ограбено во Центар, кога две лица му се заканиле со остар предмет и му го одзеле велосипедот.
Според пријавата, напаѓачите му пристапиле на детето на улица, му се заканиле и побегнале со велосипедот.
Од полицијата информираат дека се преземаат мерки за расчистување на случајот.
Црна хроника
Со комбе полно со теписи фатен кај Дебрца – MВР поднесе кривична за скопјанец
52-годишен скопјанец заработи кривична пријава откако полицијата го затекна како нелегално превезува поголема количина теписи и стази во близина на селото Подмољје, општина Дебрца.
Контролата била извршена на 15 декември, кога полициски службеници го запреле товарното возило „форд транзит“ со скопски таблички. При проверката било утврдено дека станува збор за стока поврзана со криумчарење и царинска измама, по што возачот бил лишен од слобода.
Запленетите теписи и стази се предадени на Државниот пазарен инспекторат во Охрид, а против скопјанецот е поднесена кривична пријава.

