Црна хроника
Запленетите егзотични животни вределе 4.000 евра
Егзотичните животни што беа запленети во четвртокот попладнето се проценуваат на 4.000 евра и се заштитени видови.
Возачот требало да ги пренесе животните на некое лице од Битола, а ги преземал од српски државјанин во близина на Белград. Возачот тврди дека не го познавал српскиот државјанин и дека тој му ги донел животните спакувани во кутија, залепена со селотејп.
Во вторникот околу 20 часот на граничниот премин Табановце во камион со бугарски регистерски таблици беа откриени 20 млади живи егзотични животни. Во кутијата имало кралски питон, пченкарна змија, млечна змија, калифорниски кралски змии, камелеон, леопардов гекон, голема шкорпија.
Животните биле, млади, а со нивното растење и стареење нивната цена се повеќе би растела и би се зголемувала.
Веднаш по откривањето, животните се одземени и сместени во Зоолошката градина Скопје, во соодветни услови за нивно чување./крај/со/фф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Двајца Срби краделе велосипеди во општина Аеродром, полицијата ги фати
Министерството за внатрешни работи информира дека двајца Срби се уапсени под сомнение дека сториле 7 кривични дела, од кои 6 тешки кражби, како и кражба на велосипеди низ општина Аеродром.
„Единицата за внатрешни работи Аеродром и Драчево при СВР Скопје поднесе кривична пријава против Љ.Г.(21) и А.К.(42), двајцата од Р.Србија.
Тие се сомничат дека во изминатиот период извршиле 6 кривични дела „тешка кражба“ и едно кривично дело „кражба“ на велосипеди на подрачјето на општина Аеродром. Двете лица се лишени од слобода, а украдените велосипеди се пронајдени кај пријавените и вратени на сопствениците“, велат од МВР.
Црна хроника
Уапсен дилер од Штип, пронајдена дрога и голема сума пари
МВР информира дека вчера по преземени оперативни мерки и дејствија, полициски службеници од Отсекот за недозволена трговија со дрога и оружје го уапсиле 32 годишниот Б.М. од Штип.
При претрес во неговиот дом во Штип извршен по насоки од надлежен обвинител, биле пронајдени и одземени прашкаста материја, поголема сума на пари и дигитална вага.
„Лицето е задржано во полициска станица и во текот на денот со кривичната пријава ќе биде предаден на судија на претходна постапка за понатамошно постапување“, соопштија од полицијата.
Црна хроника
Стружанец објавувал експлицитна содржина од малолетничка
Полицијата во Тетово поднесе кривична пријава против А.А.(41) од Струга, поради постоење основи на сомнение за сторени кривични дела „злоупотреба на лични податоци“ и „производство и дистрибуција на детска порнографија“.
Пријавениот, на социјална мрежа, објавил фотографии и видео снимки со експлицитна содржина од женско лице, кое во тоа време било малолетно.