Црна хроника
Девојче од Македонија продадено, злоставувано и силувано во Италија
Италијанската полиција во понеделникот објави дека спасила 13-годишна Македонка, која откако била продадена од страна на нејзиното семејство поради брак, била страотно злоставувана и малтретирана од новото семејство.
Девојчето на полицијата од Венеција им кажала дека нејзиното семејство, со кое живеело во Македонија, ја продало за 3.000 евра, по што била донесена во Италија за да се омажи за 17-годишно момче, пренесе агенцијата АНСА.Иако таа се противела на таквиот договор, откако дошла во Италија била силувана и психички злоставувана.Според нејзиниот исказ, во еден наврат нејзината свекрва ја држела, додека сопругот ја силувал, а откако била спречена при обид за бекство, за казна била ставена во када со пода, по што ја „палеле“ со електрична жица.Полицијата дознала за случајот, откако локалното население пријавило дека виделе малолетна девојка полна со лузни како моли за помош. Девојчето било веднаш префрлено во болница, каде што се лечат нејзините лузни, а пружена и е психијатриска помош.Полицијата го уапси нејзиниот сопруг и неговата мајка, кои во Венеција се имаат доселено од Наполи. /крајх/ап/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Тешко повредена жена во Охрид, разбојник ја турнал и ја ограбил
СВР Охрид поднесе кривична пријава против 36-годишниот Д.М. од Охрид поради постоење основи на сомнение за сторени кривични дела „разбојништво“ и „тешка кражба на дрзок начин“, извести СВР Охрид.
„Тој, на 28.03.2024 на улицата „Марко Нестороски“ во Охрид турнал 84-годишна жена од Охрид и ѝ одзел чанта со пари и лични документи. Притоа, таа паднала и се здобила со тешки телесни повреди. Исто така, пријавениот на улица „Богомолска“ на сличен начин од 65 – годишна жена одзел чанта со пари и лични документи“, соопшти СВР Охрид.
Црна хроника
Физичка пресметка меѓу охриѓанки: по кавга меѓу две деца, се истепаа мајките
Вчера во 14.50 часот во СВР Охрид е пријавено дека на улицата „Ванчо Питошески“ во Охрид, поради меѓусебно недоразбирање помеѓу две малолетни лица, нивните родители 36-годишната П.В. и 35-годишната М.Т., двете од Охрид, го нарушиле јавниот ред и мир со меѓусебна физичка пресметка, извести СВР Охрид.
По целосно документирање на настанот, ќе биде поднесена соодветна пријава.
Црна хроника
Тешко повреден тетовчанец во судир на два автомобили
Вчера во 11.00 часот во СВР Тетово било пријавено дека на регионален пат Тетово – с.Јажинце, на влез за тетовско Теарце, се случила сообраќајна несреќа помеѓу патничко моторно возило „фолксваген голф“, управувано од Ш.Џ.(74) од тетовско Шемшово и патничко возило „фолксваген голф“, управувано од А.Р.(78) од тетовско Пршовце, двете со тетовски регистарски ознаки.
Во несреќата, А.Р. се здобил со тешки телесни повреди, додека Ш.Џ. се здобил со телесни повреди, констатирани во Клиничка болница Тетово.
Увид на местото извршила екипа од СВР Тетово.