Црна хроника
Со мотика го бранел својот дом од крадец

Гостиварец го одбранил својот дом од кражба, откако сетил дека некој оди по горниот кат од неговата куќа, па зел мотика, со која го удрил крадецот, кој сепак, избегал.
Имено, во неделата, во 13.10 часот во полициската станица во Гостивар Д.К. (41) од Гостивар пријавил дека истиот ден околу 13 часот, додека го средувал дворот, забележал дека некој се движи на горниот кат од куќата. Тој зел мотика, влегол во куќата и видел дека вратите од собите се насилно отворени и дека во нив е направено пребарување. Во една од собите пронашол непознато лице, кое во раката држело проектор, кој го фрлил кон Д.К. и го погодил во ногата, по што почнало да трча по скалите. Пријавителот со мотиката го удрил непознатото лице во пределот на грбот, но крадецот успеал да избега. Увид на местото на настанот извршила полициска екипа од Гостивар и се преземаат мерки за пронаоѓање на сторителот и расчистување на случајот./крај/со/бб
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
Торба со марихуана пронајдена во автобус во затворот Идризово

Торба со марихуана е пронајдена во автобус паркиран во гаража во затворот Идризово.
Според информациите на МВР, денеска околу 01:10 часот во СВР Скопје, од Казнено – поправната установа Затвор Идризово било пријавено дека на 17.08.2025 околу 21:00 часот била извршена контрола и претрес во надворешното отворено одделение и објектите во дворот на установата, при што во стар автобус паркиран во гаражата била пронајдена една торба во која имало марихуана.
Се преземаат мерки за расчистување на случајот.
Црна хроника
Два автомобили и автобус се судрија на патот Кичево – Гостивар, повредени деца

Вчера во 10:00 часот било пријавено дека на магистралниот пат Кичево-Гостивар, кај с.Длапкин дол, се случила сообраќајна несреќа помеѓу „ауди“ со кичевски регистарски ознаки, управувано од К.К.(44) од с.Стрелци, кичевско, „форд“ со скопски регистарски ознаки, управувано од К.П.(47) од Скопје и автобус „сетра“ со скопски регистарски ознаки, управуван од А.Ј.(39) од Скопје.
Во несреќата со тешки телесни повреди се здобил деветгодишен патник во автобусот од Република Турција, додека со телесни повреди се здобиле Ф.А.Д.(44) од Република Турција, исто така патник во автобусот, 13-годишник од Скопје и И.П.(46) од Скопје, сопатници од возилото „форд“ и 11-годишник од с.Стрелци, кичевско, сопатник од возилото „ауди“, констатирани во Медицински центар Кичево.
Известен бил јавен обвинител, увид извршила увидна екипа од ОВР Кичево.
Црна хроника
Обид за убиство во хотел во Охрид

СВР Охрид поднесе кривична пријава против А.Д.(43) од Скопје поради постоење основи на сомнение за сторено кривично дело „убиство“ во обид.
Според информациите на МВР, на 25 јули во хотел на охридското крајбрежје во Охрид, тој физички нападнал жител на Скопје, при што употребил и нож, по што набргу бил совладан и уапсен.