Црна хроника
Убиецот од Санта Моника бил роднина на две од жртвите
Непознатиот осомничен за пукањето во близина на колеџ во Санта Монија во сојузната американска држава Калифорнија, бил роднина на две убиени лица чии тела биле пронајдени во изгорен дом, недалеку од местото на инцидентот.Непознатиот осомничен за пукањето во близина на колеџ во Санта Моника во сојузната американска држава Калифорнија, бил роднина на две убиени лица чии тела биле пронајдени во изгорен дом, недалеку од местото на инцидентот.
Претходно беше соопштено дека во пукањето во близина на колеџот во Санта Моника,биле убиени четири лица. Телата на две жртви биле пронајдени во запалена куќа во близина на местото на нападот, пишува Associated Press повикувајќи се на локалните власти.
Според локалните медиуми, во нападот учествувале две лица, едниот од нив убиен во престрелка со полицијата, откако се сокрил во библиотеката. Тој според сѐ уште непотврдените информации бил опремен со јуришна автоматска пушка АР-15 и носел панцирен елек. Вториот напаѓач пукал врз автомобилите кои минувале и кон автобус бил уапсен на самото место.
Полицијата во американската држава Калифорнија во саботата го прецизираше број на жртвите на четири, невклучувајќи го самиот осомничен за нападот./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Познат идентитетот на скопјанецот кој ноќеска загина во сообраќајка на патот Штип -Кочани
Познат е идентитетот на мажот кој ноќеска загина во сообраќајна несреќа на патот Штип -Кочани.
– На 06.05.2024 во 02.45 часот во СВР Штип било пријавено дека на експресниот пат Штип -Кочани, во близина на с.Крупиште, патничко возило „рено лагуна“ со скопски регистарски ознаки, управувано од С.М.(34) од Скопје, излетало надвор од коловозот. По несреќата, возачот и сопатниците, И.М.(39) од Скопје и двајца малолетници биле пренесени во Клиничка болница Штип, каде што кај И.М. била констатирана смрт, додека кај возачот и малолетниците биле констатирани телесни повреди, информираа од полицијата.
Увид на местото извршиле јавен обвинител и увидна екипа од СВР Штип.
Црна хроника
Велосипедист е тешко повреден во сообраќајка во Охрид
Вчера околу 14.45 часот во СВР Охрид било пријавено дека на ул.„Питу Гули“ во Охрид се случила сообраќајна несреќа помеѓу велосипед управуван од Ј.Д.(74) од Охрид и патничко возило „хјундаи “ со охридски регистарски ознаки, управувано од Д.В.(28) од Охрид.
Во несреќата со тешки телесни повреди се здобил велосипедистот, констатирани во специјалната болница „Св.Еразмо“ во Охрид.
Увид на местото извршила екипа од СВР Охрид.
Црна хроника
Скопјанец измамен во менувачница од двајца странски државјани
Скопјанец пријавил дека во менувачница во Старата скопска чаршија бил измамен од страна на двајца странски државјани за сума од 25.000 евра, информираат попладнево од Министерството за внатрешни работи.
Синоќа во 19.15 часот во СВР – Скопје, Х.М., на возраст од 34 години од главниот град на државава, пријавил дека околу 15 часот во менувачница во Старата скопска чаршија бил измамен од двајца странски државјани.
Според пријавеното, откако се договориле во менувачницата да сменат пари за 25.000 евра, лицата дошле со чанта со договорената сума на пари во денари, при што еден од нив ја заменил чантата со денари со друга иста чанта, која во долниот дел била полна со хартиени ливчиња.
Како што пријавил Х.М., тој им ги дал еврата без да ја провери чантата, а откако заминале, сфатил дека е измамен, појаснуваат од МВР.
Се преземаат мерки за расчистување на случајот.