Не е исчезнат , синот единец ми е убиен од соседите, тврди мајката на 25- годишниот велешанец, Ангел Стојанов. Од полицијата таа бараат подетална истрага.

„Времето минува, на секој два дена одам во полиција и во судот, барам информација , но од полиција ми кажуваат дека истрагата е во тек. Но телото го нема, син ми е убиен од соседите, ни кажуваат луѓето кои гледале како го тепале, тој е убиен и ставен во багажникот од нивниот автомобил, ама нека кажат каде го сокриле телото“, рече Весна Стојанова, мајка на исчезнатиот Ангел, за порталот Лисица.

„Нема дилема, синот ми е убиен. Најнапред го тепале а потоа веројатно со убод од нож е усмртен“, вели таткото на исчезнатиот Ангел.

„Убијците се во притвор, да кажат каде го сокриле телото на мојот син. Апелирам до министерката, полицијата да го пребара просторот од Велес до Градско оти нашите сознанија се дека во критичниот временски период, таткото и синот, се движеле на таа локација“, рече братот Сашко Стојанов.

Полицијата вели дека истрага за овој случај интензивно се води. Но лицата кои се во притвор се осомничени за киднапирање, бидејќи телото на Ангел сé уште не е пронајдено./крај/ли/мф