Црна хроника
Мајка, сопруга, ќерка, жртви на насилството на тројца скопјани
Полицијата поднесе кривични пријави против тројца скопјани кои ги претепале своите мајки, сопруги или ќерки.
Првиот случај се случил минатата недела кога дваесет и едногодишен скопјанец и испратил смс порака на мајка си итно да му обезбеди 100 евра, а потоа уште 400 евра за негови лични потреби.
Кога мајката излегла и му кажала дека нема толку пари да му даде , тој почнал да и се заканува дека ќе ја нападне нејзе и целото нејзино семејство. Во тој момент, дошол и неговиот очув кој се обидел да ја заштити сопругата но момчето го нападнало и него со метален боксирач.
Четириесет и тригодишен скопјанец пак се опијанил и ја нападнал својата сопруга. Ја навредувал со погрдни зборови и ја удирал по лицето и главата, а кога неговата ќерка се вмешала да ги смири, тој ја нападнал и неа при што и на двете им нанел видливи телесни повреди. Мајката и ќерката завршиле на лекар.
Во третиот случај, триесет и едногодишен скопјанец во четвртокот во семејниот стан во кој живееле заедно со неговата мајка, се опијанил и провалил во спалната соба во која спиела мајка му,
Влегол и од неа побарал да му го даде нејзиниот мобилен телефон. Мајката одбила, по што синот почнал да ја удира со тупаници и клоци по целото тело.
Од здобиените удари, мајката паднала на подот, меѓутоа пријавениот не престанувал со тепањето.
Сепак некако успеала да му побегне и случајот го пријавила во полиција. Инаку сите тројца се евидентирани во полициската крим евиденција како сторители на разни видови кривични дела. /крај/мвр
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Турчин со „хонда“ удрил во полицаец
Денеска во 02.50 часот, полициски службеници од ОВР Гостивар го лишиле од слобода О.Д.(28) од Република Турција затоа што со патничко возило „хонда” со скопски регистарски ознаки, кое го управувал, удрил во полициски службеник кој извршувал службени дејствија.
Тој е задржан во полициската станица Гостивар и по целосно документирање на случајот против него биде поднесена соодветна пријава.
Црна хроника
Го погодил проектил во нога додека собирал печурки
Маж од Велес собирал печурки и почувствувал убод во левата нога. По лекарски преглед, од коленото му бил изваден проектил од огнено оружје.
„Во СВР Велес вчера во 11 часот, 63-годишниот Д.Ј.од Велес, пријавил дека при собирање печурки во атарот на село Лисиче, Општина Чашка, почувствувал убод на левата нога, по што во Општа болница Велес му бил извршен преглед и од коленото му бил изваден проектил од огнено оружје“, информира денеска Татјана Ѓуровска од СВР Велес.
Таа додаде дека за настанот бил известен јавен обвинител од Основното јавно обвинителство Велес и дека се преземаат мерки за негово расчистување.
Црна хроника
Мигранти од Турција и Ирак најдени на автопат кај Неготино
Полициски службеници од ОВР Неготино пронашле тројца мигранти, двајца од Република Турција и еден од Ирак, соопшти Министерството за внатрешни работи (МВР).
Мигрантите се пронајдени рано утрово, во 02.15 часот, на автопатот А1 кај Неготино по што се предадени на Полициската станица за граничен надзор Михајлово за натамошна постапка.