Црна хроника
Уште еден уапсен за петкратното убиство кај Смилковци
Уште едно лице е уапсено за петкратното убиство што се случи во април минатата година кај Смилковското езеро.
Според полициски информации, на барање на обвинителството проширена е истрагата за овој случај и уапсен е 28-годишниот Сами Љута кој исто како и останатите уапсени, се товари за тероризам.
Љута бил уапсен на граничниот премин Блаце при обид да излезе од Македонија но засега не се соопштува кога бил уапсен.
Тој веќе бил изведен пред истражен судија кој му одредил 30-дневен притвор. За масакрот кај Смилковското езеро им се суди на четворица обвинети, а уште двајца од обвинетите се наоѓаат во Приштина. Африм Исмаиловиќ и Алил
Демири кои се товарат дека се извршители на убиствата беа уапсени во март и се уште не се екстрадирани од Приштина каде им се суди за нелегално поседување на оружје.
Лани на Велики четврток без причина беа убиени четири момчиња од Радишани и еден рибар од скопското село Црешево.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Тешко повреден тетовчанец во судир на два автомобили
Вчера во 11.00 часот во СВР Тетово било пријавено дека на регионален пат Тетово – с.Јажинце, на влез за тетовско Теарце, се случила сообраќајна несреќа помеѓу патничко моторно возило „фолксваген голф“, управувано од Ш.Џ.(74) од тетовско Шемшово и патничко возило „фолксваген голф“, управувано од А.Р.(78) од тетовско Пршовце, двете со тетовски регистарски ознаки.
Во несреќата, А.Р. се здобил со тешки телесни повреди, додека Ш.Џ. се здобил со телесни повреди, констатирани во Клиничка болница Тетово.
Увид на местото извршила екипа од СВР Тетово.
Црна хроника
Тешко повредена девојка од Скопје откако четирицикл излета од земјен пат во Галичник
Вчера во 15.00 часот во СВР Тетово било пријавено дека од шумски земјен пат во атар на село Галичник, на место викано „Горно стопанче“, излетал четирицикл со скопски регистарски ознаки, управуван од Б.Л.(22) од Скопје.
Во несреќата со тешки телесни повреди се здобила сопатничката А.Ц.(23) од Скопје, додека возачот се здобил со телесни повреди, констатирани во Општа болница „8 Септември“ во Скопје. Увид на местото извршила екипа од ОВР Гостивар.
Црна хроника
Со „цитроен“ во Струмица маж излетал од патот, тешко повреден сопатникот
Во 00.15 часот во СВР Струмица било пријавено дека на бул.„Гоце Делчев“ во Струмица, патничко возило „цитроен“ со струмички регистарски ознаки, управувано од И.Н.(56) од Струмица, излетало надвор од патот.
Во несреќата со тешки телесни повреди се здобил сопатникот Ж.А., констатирани во Медицински центар Струмица. Увид на местото извршила екипа на Полициската станица Струмица.