Европа
Почна операцијата за подигање на „Коста Конкордија“
Операцијата за подигање на насуканиот италијански крузер „Коста Конкордија“, една од најголемите такви операции во историјата, започна во понеделник, јавуваат светските новински агенции.
Работниците полека го подигаат бродот пумпајќи воздух во резервоарите прикачени на бродот. Операцијата ќе трае шест до седум дена, а бродот потоа ќе биде одвлечен во Џенова каде што ќе биде демонтиран.
„Конкордија“ удри во гребен во близина на италијанскиот остров Гиљо во јануари 2012 година. Во несреќата живото го загубија 32 лица.
Во септември минатата година бродот делумно беше исправен, но со еден дел сè уште е под вода и се потпира на шест челични платформи.
„Најкритична фаза ќе биде првиот ден, кога бродот првпат ќе биде подигнат. Никогаш порано не е изведено извлекување на патнички брод со таа големина“, изјави за France presse Јужноафриканецот Ник Слоан, кој ја води операцијата.
Во најлош можен случај, бродот при подигањето би можел да се распадне.
Трошоците на извлекување на потонатиот брод до сега се проценети на околу 1,1 милијарди евра.
Против капетанот на „Коста Конкордија“ Франческо Счетино во моментот се води судска постапка под обвинение дека го предизвикал бродоломот и го напуштил бродот пред да бидат евакуирани патниците. /крај/хн/ст
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Шолц ја откажа изборната кампања и ги посети поплавените региони во Германија
Германскиот канцелар Олаф Шолц денеска ги посети поплавените региони во западната германска сојузна покраина Сарланд, каде обилните дождови предизвикаа поплави и лизгање на земјиштето, а неколку згради беа евакуирани.
Шолц ја откажа својата изборна кампања во Сар, на границата со Франција, и наместо тоа, го обиколи делумно поплавениот пат во селото Клајнблитерсдорф заедно со регионалниот гувернер Анке Релингер.
Тој ја потврди солидарноста на сојузната влада со Сарланд.
„За жал, не е првпат да треба да се справиме со голема природна катастрофа, па ќе разгледаме што треба да се направи овде и што е неопходно“, им рече Шолц на новинарите.
Службите за итни случаи одговорија на илјадници повици за помош во главниот град на покраината, Сарбрикен.
Европа
Напаѓачот на Фицо доби мерка притвор за да не побегне и да не го повтори делото
Специјалниот кривичен суд во словачкиот град Пезинок, со силно полициско обезбедување денеска му одреди притвор на 71-годишниот Словак Јурај Цинтула, кој на 15 мај годинава во градот Хандлова со пет истрели го застрела премиерот Роберт Фицо и тешко го рани во стомакот.
Притворот за осомничениот е побаран поради опасност да не избега или да го повтори делото.
Осомничениот за нападот врз словенечкиот премиер Јурај Цинтула денеска призна вина.
Адвокатите предупредија дека признавањето на вината е спорно, бидејќи Цинтула веднаш по атентатот и апсењето бил сослушан во шок, без присуство на адвокат.
Европа
Премиерот Фицо уште е во животна опасност, напаѓачот призна вина
Осомничениот за нападот врз словенечкиот премиер Јурај Цинтула денеска пред Специјализираниот кривичен суд во градот Пежинок призна вина. Состојбата на премиерот Фицо и понатаму е сериозна.
Обвинителството вчера побара притвор за 71-годишниот Цинтула поради евентуално бегство или повторување на кривичното дело. Напаѓачот беше спроведен под силно полициско обезбедување, а ниту на новинарите им беше дозволен влез во Судот.
Премиерот на Словачка, Роберт Фицо на 15 мај беше застрелан во градот Хандалова додека се поздравуваше со насобраниот народ. Цинтула веднаш по нападот е приведен.
Тој се соочува со обвинение за обид за убиство од одмазда, за што е предвидена казна од 25 години до доживотен затвор.
Словачките политичари изјавија дека нападот врз Фицо не е политички мотивиран.