Црна хроника
Царината заплени стока вредна 420 илјади денари
Во текот на изминатите неколку денови, при редовни контроли, царинските работници од Одделението за оперативни работи спречија повеќе обиди за нелегално внесување на стока во државата при што се запленети стоки чија вкупна вредност се проценува на повеќе од 420 илјади денари
Притоа, поради основано сомневање дека се работи за фалсификати на заштитена трговска марка, привремено се задржани и 1.290 пара спортски обувки со ознака на трговската марка ALL STAR со вредност од 193.500 денари, откриени при царинска контрола на стока со потекло од Кина, пријавена за увозно царинење на царинската испостава Скопје 3 од страна на фирма – увозник од Скопје. Дури 21.500 разни производи, бебешки прибори за повивање, сунѓери за чистење на обувки и жилети, со вредност од 84.800 денари, откриени при царинска контрола на стока со потекло од Турција, пријавена за увозно царинење на царинската испостава Скопје 3, од фирма – увозник од Скопје. Во македонски автомобил на патот Крива Паланка – Куманово се откриени 598 готови текстилни производи (фармерки, тренерки, блузи), со вредност од 48.386. Возилото било запрено за контрола од страна на припадници на Министерството за внатрешни работи, а откако констатирале дека во него има поголемо количество стока од трговски карактер, возачот, македонски државјанин од Куманово, и возилото биле предадени на мобилните царински тимови. Исто така, кај Крива Паланка се откриени 373 готови текстилни производи (тренерки, јакни и пижами) и 28 мерачи за крвен притисок, со вредност од 47.290 денари, при царинска контрола на автомобил со бугарски регистарски ознаки, управуван од македонски државјанин од Крива Паланка, кој влегол на граничниот премин Деве Баир. Непријавената стока била пронајдена под патосниците и во делот за резервна гума на возилото.Кај Стар Дојран откриени се осум килограми памучна ткаенина, 800 етикети (од скај и платно) за текстилни производи, 80 патенти, 80 метални копчиња и 10.200 нитни, со вредност од 32.200 денари, при контрола на автомобил со грчки регистарски ознаки, кој бил паркиран на патот за Стар Дојран во близина на граничниот премин. Стоката за која возачот грчки државјанин не поседувал документи за потекло или платени царински давачки, била пронајдена во багажниот дел на возилото.Цариниците пронашле и една фитнес лента за трчање со електричен погон, модел JX260A, со вредност од 13.000 денари, откриена во товарниот дел на камион со македонски регистарски ознаки, управувано од македонски државјанин од с. Ржаничино, пријавено за влез во државата на граничниот премин Богородица. Возилото било натоварено со медицински помагала и амбалажа, наменети за увозник од Косово.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Уапсен дилер од Штип, пронајдена дрога и голема сума пари
МВР информира дека вчера по преземени оперативни мерки и дејствија, полициски службеници од Отсекот за недозволена трговија со дрога и оружје го уапсиле 32 годишниот Б.М. од Штип.
При претрес во неговиот дом во Штип извршен по насоки од надлежен обвинител, биле пронајдени и одземени прашкаста материја, поголема сума на пари и дигитална вага.
„Лицето е задржано во полициска станица и во текот на денот со кривичната пријава ќе биде предаден на судија на претходна постапка за понатамошно постапување“, соопштија од полицијата.
Црна хроника
Стружанец објавувал експлицитна содржина од малолетничка
Полицијата во Тетово поднесе кривична пријава против А.А.(41) од Струга, поради постоење основи на сомнение за сторени кривични дела „злоупотреба на лични податоци“ и „производство и дистрибуција на детска порнографија“.
Пријавениот, на социјална мрежа, објавил фотографии и видео снимки со експлицитна содржина од женско лице, кое во тоа време било малолетно.
Црна хроника
Жена од Гевгелија измамила Грк дека е од Царина и му зела 2.000 евра
Полицијата поднесе кривична пријава против М.Ј.(46) од Гевгелија, поради измама.
„Пријавената, на 13 септември на царинскиот терминал на Граничниот премин „Богородица“, го довела во заблуда грчкиот државјанин К.Г.К., на начин што лажно се претставила дека е застапник во царински постапки и лажно му прикажала факти дека сторил тежок царински прекршок, поради што ќе биде задржан на македонско-грчката граница од страна на царинските власти и му побарала 2.000 евра, за да му помогне, на што се согласил“, објави МВР во дневниот билтен.