Црна хроника
Полицаец и тројца навивачи повредени на натпреварот МЗТ-Работнички, приведени 12 лица
Еден полицаец и тројца навивачи се повредени во тепачка на натпреварот меѓу кошаркарските екипи на МЗТ и Работнички што се одигра во среда вечер во спортската сала „Борис Трајковски“. Во врска со инцидентот, полицијата привела 12 лица, соопшти Министерството за внатрешни работи.
Во среда (2-ри април) пред завршување на кошаркарскиот натпревар меѓу екипите на МЗТ и Работнички од Скопје, во спортската сала „Борис Трајковски” настанала тепачка помеѓу навивачите на клубот Работнички.
При интервенција на полицијата повреден бил полициски службеник, кој се здобил со телесна повреда, по што му била укажана лекарска помош во Градска општа болница.
Во тепачката биле повредени и тројца навивачи кои биле пренесени во Ургентен центар.
МВР информира дека се приведени 12 лица на коишто веќе им се издадени платни налози за сторен прекршок од Законот за спречување на насилство и недостојно однесување на спортски натпревари, а, исто така, и тројцата повредени навивачи ќе бидат санкционирани./крај/мф/сд
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Со „цитроен“ во Струмица излетал од патот, тешко повреден сопатникот
Во 00.15 часот во СВР Струмица било пријавено дека на бул.„Гоце Делчев“ во Струмица, патничко возило „цитроен“ со струмички регистарски ознаки, управувано од И.Н.(56) од Струмица, излетало надвор од патот.
Во несреќата со тешки телесни повреди се здобил сопатникот Ж.А., констатирани во Медицински центар Струмица. Увид на местото извршила екипа на Полициската станица Струмица.
Црна хроника
Претрес во Мала Речица, пронајдена дрога
Вчера во 18.45 часот во Тетово, полициски службеници од Отсекот за недозволена трговија со дрога и оружје при СВР Тетово го лишиле од слобода А.Т.(35) од с.Мала Речица, тетовско.
При претрес во домот кој го користи под наем, извршен со судска наредба, биле пронајдени и одземени саксии со насади од растението канабис, шишиња со течност и други предмети поврзани со делото.
Лицето било задржано во полициска станица и по целосно документирање на случајот, против него ќе биде поднесена соодветна пријава.
Црна хроника
Петгодишно дете исчезна во Сарај, МВР го најде по два часа
Петгодишно девојче исчезнало денес околу 16.20 часот во паркот Сарај.
Како што објави МВР, веднаш презеле мерки, па околу 18.15 часот детето било пронјадено.
Претходно, од полицијата информираа дека се трага по девојче со руса долга коса, облечено во розово фустанче и розови чевли