Црна хроника
Случај „Фаланга“: Обвинетите тврдат дека чувале евтини сувенири
На продолжението на судскиот процес за продавање антички предмети, беа сослушани обвинети кои во целост го негираат обвинителниот акт и тврдат дека се наместени
Им се суди на 29 -мина за нелегална трговија со артефакти и антички предмети.Обвинетиот Никола Димовски пред судот во детали раскажуваше од каде му биле пронајдените и запленетите артефакти. Tврди дека биле евтини сувенири кои тој ги префарбувал и ги продавал како скапи реплики. Поради сиромашен живот се одлучил на таков бизнис. Тврдеше дека коњот пегаз кој му бил запленет бил реплика која тој лично ја офарбал, а за менадата дека ја купил за 250 денари. Го оспори вештачењето на Обвинителството според кое Менадата била од непроценлива вредност. Кажа дека лично ја фарбал и додека уште се сушела бојата ја фатил и така оставил отисок на десната нога. Кажа дека монетите кои му биле најдени дома ги купил од маркетот „Веро“. Судијата кажа дека во интерес на предметот и самиот отишол да побара такви монети во маркетот, но не нашол, на што обвинетиот му одговори дека монетите се продавале во маркетот во Тафталиџе. Димовски кажа и дека купувал монети од улични продавачи на книги и тоа две за сто денари. Потврди дека имал контакти со заштитениот сведок кој го носел во источниот дел од државата за да му покажува локалитети. Вели дека тоа го правел за да му продаде реплики и да го убеди дека му продава вредни предмети. Обвинетиот пред судот се пожали дека имал тешка здравствена состојба.Иако млад човек имал хематом во мозокот и епилепсија. Неколкупати му се слошило во притвор и добил епилептичен напад. Благодарение на притворениците преживеал. Судењето продолжува со сослушување на обвинетите, а судот најави откако ќе заврши нивниот распит ќе одлучува дали некого ќе пушти од притвор.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Познат идентитетот на скопјанецот кој ноќеска загина во сообраќајка на патот Штип -Кочани
Познат е идентитетот на мажот кој ноќеска загина во сообраќајна несреќа на патот Штип -Кочани.
– На 06.05.2024 во 02.45 часот во СВР Штип било пријавено дека на експресниот пат Штип -Кочани, во близина на с.Крупиште, патничко возило „рено лагуна“ со скопски регистарски ознаки, управувано од С.М.(34) од Скопје, излетало надвор од коловозот. По несреќата, возачот и сопатниците, И.М.(39) од Скопје и двајца малолетници биле пренесени во Клиничка болница Штип, каде што кај И.М. била констатирана смрт, додека кај возачот и малолетниците биле констатирани телесни повреди, информираа од полицијата.
Увид на местото извршиле јавен обвинител и увидна екипа од СВР Штип.
Црна хроника
Велосипедист е тешко повреден во сообраќајка во Охрид
Вчера околу 14.45 часот во СВР Охрид било пријавено дека на ул.„Питу Гули“ во Охрид се случила сообраќајна несреќа помеѓу велосипед управуван од Ј.Д.(74) од Охрид и патничко возило „хјундаи “ со охридски регистарски ознаки, управувано од Д.В.(28) од Охрид.
Во несреќата со тешки телесни повреди се здобил велосипедистот, констатирани во специјалната болница „Св.Еразмо“ во Охрид.
Увид на местото извршила екипа од СВР Охрид.
Црна хроника
Скопјанец измамен во менувачница од двајца странски државјани
Скопјанец пријавил дека во менувачница во Старата скопска чаршија бил измамен од страна на двајца странски државјани за сума од 25.000 евра, информираат попладнево од Министерството за внатрешни работи.
Синоќа во 19.15 часот во СВР – Скопје, Х.М., на возраст од 34 години од главниот град на државава, пријавил дека околу 15 часот во менувачница во Старата скопска чаршија бил измамен од двајца странски државјани.
Според пријавеното, откако се договориле во менувачницата да сменат пари за 25.000 евра, лицата дошле со чанта со договорената сума на пари во денари, при што еден од нив ја заменил чантата со денари со друга иста чанта, која во долниот дел била полна со хартиени ливчиња.
Како што пријавил Х.М., тој им ги дал еврата без да ја провери чантата, а откако заминале, сфатил дека е измамен, појаснуваат од МВР.
Се преземаат мерки за расчистување на случајот.