Црна хроника
Обвинителството го чека МВР за да покрене постапка за ноќниот инцидент на Кале
Не е вообичаено обвинителството само да ги гледа снимките и да го утврдува идентитетот на лицата кои учествуваа во ноќниот инцидент на Кале, вели скопскиот јавен обвинител Марко Зврлевски, на прашање дали обвинителството само може да покрене постапка за расчистување на тој инцидент
„Ние за ноќниот инцидент можеме, но во овој момент немаме можности да лоцираме кој лица учествувале. Доколку министерство за внатрешни работи кое работи на случајот, ги идентификува лицата и поднесе пријава ние ќе постапиме и по самата пријава. Не е вообичаено ние сами да ги гледаме снимките и да утврдуваме идентитет, сепак има средства и начин на кој може да се утврдува идентитетот на одредени лица“ вели Зврлевски.Во врска со тепачката на Кале кога се судрија двете групи „за“ и „против“ изградбата објектот на Кале, Зврлевски вели дека е поднесено барање за истрага за одредени лица и по завршувањето на истрагата, обвинителството ќе донело мериторна одлука.„Од страна на МВР е поднесена кривична пријава во два наврати за 60 лица, тие сите се осомничени. Пред истражниот судија е поднесено барање за спроведување на постапка на определени истражни дејствија, и по завршувањето на дејствијата ќе донесеме мериторна одлука“, вели Зврлевски.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Двајца Срби краделе велосипеди во општина Аеродром, полицијата ги фати
Министерството за внатрешни работи информира дека двајца Срби се уапсени под сомнение дека сториле 7 кривични дела, од кои 6 тешки кражби, како и кражба на велосипеди низ општина Аеродром.
„Единицата за внатрешни работи Аеродром и Драчево при СВР Скопје поднесе кривична пријава против Љ.Г.(21) и А.К.(42), двајцата од Р.Србија.
Тие се сомничат дека во изминатиот период извршиле 6 кривични дела „тешка кражба“ и едно кривично дело „кражба“ на велосипеди на подрачјето на општина Аеродром. Двете лица се лишени од слобода, а украдените велосипеди се пронајдени кај пријавените и вратени на сопствениците“, велат од МВР.
Црна хроника
Уапсен дилер од Штип, пронајдена дрога и голема сума пари
МВР информира дека вчера по преземени оперативни мерки и дејствија, полициски службеници од Отсекот за недозволена трговија со дрога и оружје го уапсиле 32 годишниот Б.М. од Штип.
При претрес во неговиот дом во Штип извршен по насоки од надлежен обвинител, биле пронајдени и одземени прашкаста материја, поголема сума на пари и дигитална вага.
„Лицето е задржано во полициска станица и во текот на денот со кривичната пријава ќе биде предаден на судија на претходна постапка за понатамошно постапување“, соопштија од полицијата.
Црна хроника
Стружанец објавувал експлицитна содржина од малолетничка
Полицијата во Тетово поднесе кривична пријава против А.А.(41) од Струга, поради постоење основи на сомнение за сторени кривични дела „злоупотреба на лични податоци“ и „производство и дистрибуција на детска порнографија“.
Пријавениот, на социјална мрежа, објавил фотографии и видео снимки со експлицитна содржина од женско лице, кое во тоа време било малолетно.