Црна хроника
Уапсен серискиот убиец на стари жени во Скопје?!
Триесет часа полицијата го разоткривала монструозниот чин на млад 30-годишен скопјанец за кого се сомневаат дека е скопскиот сериски убиец, јави А1 телевизија
Доказниот материјал кој потврдува дека ја убил Лидија Христовска во март годинава, е само почеток на неговите ладнокрвни напади на осамени и незаштитени жени, потврдуваат за А1 извори од истрагата. Досегашните вештачењата за сега уапсениот покажале дека освен за убиствата, постојат докази дека извршил и 4 разбојништва, во последните неколку месеци – најверојатно и грабежот на техничка роба и нападот на жената во трговскиот центар Мавровка од пред некоја недела. Уапсениот од претходно и бил познат на полицијата како наркоман и деликвент, за време на апсењето од неговиот дом била одземена и негова облека која дополнително ке оди на вештачење, најверојатно на неа полицијата се надева дека ќе обезбеди биолошки траги кои ќе го поврзат со серијата убиства на старици во Скопје. Од полицијата велат дека стручните тимови на Кримтехника и вечерва ќе работат на собраниот доказен материјал детали за истрагата најавија за утре. Како што вчера објави А1 скопскиот сериски убиец, според извори од истрагата сите жени ги убил на ист начин. Човек пристојно облечен, со здравствена книшка во раката и документ дека бара пари за својата болна мајка. Мета му биле жени осамени и незаштитени, не му било важно дали се богати или не напаѓал главно по домовите, но постојат сомнежи дека се обидувал да убива и на отворено.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Познат идентитетот на скопјанецот кој ноќеска загина во сообраќајка на патот Штип -Кочани
Познат е идентитетот на мажот кој ноќеска загина во сообраќајна несреќа на патот Штип -Кочани.
– На 06.05.2024 во 02.45 часот во СВР Штип било пријавено дека на експресниот пат Штип -Кочани, во близина на с.Крупиште, патничко возило „рено лагуна“ со скопски регистарски ознаки, управувано од С.М.(34) од Скопје, излетало надвор од коловозот. По несреќата, возачот и сопатниците, И.М.(39) од Скопје и двајца малолетници биле пренесени во Клиничка болница Штип, каде што кај И.М. била констатирана смрт, додека кај возачот и малолетниците биле констатирани телесни повреди, информираа од полицијата.
Увид на местото извршиле јавен обвинител и увидна екипа од СВР Штип.
Црна хроника
Велосипедист е тешко повреден во сообраќајка во Охрид
Вчера околу 14.45 часот во СВР Охрид било пријавено дека на ул.„Питу Гули“ во Охрид се случила сообраќајна несреќа помеѓу велосипед управуван од Ј.Д.(74) од Охрид и патничко возило „хјундаи “ со охридски регистарски ознаки, управувано од Д.В.(28) од Охрид.
Во несреќата со тешки телесни повреди се здобил велосипедистот, констатирани во специјалната болница „Св.Еразмо“ во Охрид.
Увид на местото извршила екипа од СВР Охрид.
Црна хроника
Скопјанец измамен во менувачница од двајца странски државјани
Скопјанец пријавил дека во менувачница во Старата скопска чаршија бил измамен од страна на двајца странски државјани за сума од 25.000 евра, информираат попладнево од Министерството за внатрешни работи.
Синоќа во 19.15 часот во СВР – Скопје, Х.М., на возраст од 34 години од главниот град на државава, пријавил дека околу 15 часот во менувачница во Старата скопска чаршија бил измамен од двајца странски државјани.
Според пријавеното, откако се договориле во менувачницата да сменат пари за 25.000 евра, лицата дошле со чанта со договорената сума на пари во денари, при што еден од нив ја заменил чантата со денари со друга иста чанта, која во долниот дел била полна со хартиени ливчиња.
Како што пријавил Х.М., тој им ги дал еврата без да ја провери чантата, а откако заминале, сфатил дека е измамен, појаснуваат од МВР.
Се преземаат мерки за расчистување на случајот.