Европа
(Од минута во минута) Германија вели дека Путин се премислил околу плинот, САД: Русите се повлекуваат од Чернобил
Денес е 35. ден од руската инвазија на Украина
Клучни настани:
- Русија почнува да се повлекува од областа на нуклеарната централа Чернобил, соопшти Пентагон
- Германската влада денеска објави дека Русија гарантира оти Европа нема да мора да плаќа за испораките на руски гас во рубљи
- Русија не гледа голем напредок во вчерашните преговори
- Макрон и Путин разговараа, рускиот претседател рече дека ќе размисли за хуманитарна мисија за Мариупол, но само кога бранителите на Мариупол ќе се предадат
- Зеленски и Бајден разговараа за нов пакет санкции против Русија
- Си-Ен-Ен објави дека Русите почнале да повлекуваат дел од војниците во близина на Киев, но исто така објавија дека се уште се слушаат експлозии во близина на Киев.
- САД предупредуваат дека дел од руската војска што се повлече од областа Киев најверојатно ќе нападне на друго место
- Серија експлозии во воен камп во Русија, нема официјални информации за причината
- Украина и предложи на Русија да усвои неутрален статус, а за возврат бара безбедносни гаранции за траен прекин на рускиот воен напад
- Русија најави дека драстично ќе ги намали воените активности околу Киев и Чернихив со цел да се постигне договор со Украина
- Словачка протерува руски дипломати
Од минута во минута:
22:30 Француски министер: Не гледам напредок во преговорите, војната продолжува
„Војната продолжува, а засега, колку што знам, нема ништо ново. Русите изјавуваат сешто, но јас ќе верувам само на нивните дела, а не на нивните зборови“, рече Ле Дриан.
22:00 САД: Русите се повлекуваат од областа на нуклеарната централа Чернобил
Русија почнува да се повлекува од областа на нуклеарната централа Чернобил, соопшти Пентагон, пренесува АФП.
21:23 Германската влада: Путин рече дека Европа може да продолжи да плаќа за гас во евра
Германската влада денеска објави дека Русија гарантира оти Европа нема да мора да плаќа за испораките на руски гас во рубљи. Канцеларијата на Олаф Шолц објави соопштение во кое се вели дека рускиот претседател Владимир Путин му рекол на германскиот канцелар дека Европа може да продолжи да плаќа за гас во евра.
Во телефонскиот разговор со Шолц, Путин рекол дека парите може да се уплатат во банката Гаспром, а потоа да се префрлат во рубљи во Русија.
20:31 Велика Британија воведува нови санкции за руските олигарси
Обединетото кралство воведе нови санкции за руските олигарси. Имено, објавени се нови закони кои имаат за цел да ги спречат руските олигарси да пристапат до британските воздухопловни и поморски технички услуги, јавува Би-Би-Си.
20:20 Јанша: Го поддржувам испраќањето на системот С-300 во Украина
Словенечкиот премиер Јанез Јанша изјави дека го поддржува испраќањето на системот С-300 во Украина.
„Да, го поддржувам тоа бидејќи тоа е опремата што најмногу и’ треба на Украина“, изјави тој за Си-Ен-Ен, додавајќи: „Не сакам многу да зборувам за тоа што им даваме“, пренесе „Индекс“.
19:17 И Словачка протерува руски дипломати
„Словачка ќе го намали персоналот на руската амбасада во Братислава за 35 лица. Жалиме што по претходните протерувања на руски дипломати во последните неколку години, руската дипломатска мисија не покажа никаков интерес да работи коректно во Словачка“, изјави портпаролот на Министерството за надворешни работи Јурај Томага.
18:44 Зеленски и Бајден разговарале за нов пакет санкции за Русија
Украинскиот претседател Володимир Зеленски изјави дека со американскиот колега Џо Бајден телефонски разговарале половина час, а станало збор и за нови санкции против Русија.
18:00 Рекордна стапка на инфлација во Германија
Инфлацијата во Германија во март достигна рекордни 7,3 отсто, што е највисоко ниво од обединувањето, покажува првата проценка на заводот за статистика, а владините економски советници предупредија на значителен ризик од рецесија поради руската инвазија на Украина
17:36 ОН: Постојат веродостојни тврдења дека Русија користи касетни бомби
Мишел Бачелет, комесарката на ОН за човекови права, денеска изјави дека има „веродостојни тврдења“ дека Русија користела касетни бомби во Украина најмалку 24 пати.
17:30 Бајден денеска ќе разговара со Зеленски
Американскиот претседател Џо Бајден денеска ќе оствари телефонски разговор со украинскиот претседател Володимир Зеленски, потврди Белата куќа.
Белата куќа соопшти дека Бајден ќе разговара со Зеленски „за континуираната поддршка за Украина во време на руската агресија“.
17:20 Џонсон: Не целиме кон смена на Путин, туку кон заштита на Украинците
Целта на Велика Британија не е промена на режимот во Москва или смена на рускиот претседател Владимир Путин, изјави британскиот премиер Борис Џонсон.
Тој рече дека намерата на Лондон е да ги заштити Украинците во војната.
16:30 Германија ја активираше првата фаза од планот за итни случаи за гас
Германскиот сојузен министер за економија Роберт Хабек ја активираше фазата на рано предупредување од таканаречениот „план за итни случаи за гас“.
Планот има три кризни нивоа. На првото ниво, предвидено е формирање на кризен тим кој ќе ја анализира и проценува состојбата со снабдувањето, со цел, доколку е потребно, да се преземат дополнителни мерки за зголемување на безбедноста на снабдувањето.
14:50 Русија ангажирала 75 отсто од целата своја армија во Украина, тврди американски генерал
Русија ангажирала 70 до 75 отсто од целата своја армија во инвазијата на Украина, изјавил денеска во американскиот конгрес генерал Тод Волтерс, командант на американските сили во Европа.
JUST IN: Russia has committed 70 to 75 percent of its TOTAL military to the war in Ukraine, top U.S. general in Europe tells Congress.
Ukraine can “certainly succeed” in stalling Russia, said Gen. Tod Wolters.
— Jack Detsch (@JackDetsch) March 29, 2022
14:20 Норвешки судија назначен за шеф на истрагата на ОН за воени злосторства во Украина
Највисокото тело за човекови права на ОН денеска го назначи Ерик Мозе, поранешен норвешки судија на Европскиот суд за човекови права, за претседател на тричлената комисија која ќе ги истражува можните воени злосторства извршени за време на конфликтот во Украина.
На Мозе, поранешен претседател на Меѓународниот кривичен трибунал за Руанда, ќе му се придружат Јасминка Џумхур, омбудсман за човекови права во Босна и Херцеговина и Пабло де Грајф од Колумбија, политички теоретичар специјализиран за правни прашања, пренесува агенцијата АП.
Советот за човекови права на ОН формираше истражна комисија претходно овој месец.
14:05 Можно е Кремљ да купува време пред најжестокиот напад, вели поранешен руски министер
Андреј Козирев, кој беше министер за надворешни работи на Русија од 1990 до 1996 година, ја понуди својата анализа за ветувањето на Русија драстично да го намали интензитетот на воените операции околу Киев и Чернигов.
„Добрата вест од руско-украинските разговори во Истанбул не е дека Путин одеднаш дејствува со добра волја, туку дека херојскиот украински отпор го принуди да бара други решенија и дипломатска измама“, напиша Козирев на „Твитер“.
13:40 Путин остро реагирал кога Макрон му го споменал Мариупол
Претседателот на Русија Владимир Путин изјави дека сите напади на Мориупол ќе престанат само доколку се предадат сите украински војници од тој град, јави Би-Би-Си.
Британскиот јавен сервис се повика на соопштение од Кремљ, во кое се наведува дека Путин тоа го рекол за време на телефонскиот разговор со францускиот претседател Емануел Макрон.
12:55 Москва: Преговорите со Украина значајно не напредуваа
Русија не забележала ништо што би можело да влее надеж дека конечното решение на конфликтот во Украина ќе дојде наскоро, изјави портпаролот на Кремљ, Дмитриј Песков, осврнувајќи се на вчерашните преговори во Истанбул.
12:16 Финска влегува во НАТО поради страв од руските напади?
Финците ја преиспитуваат својата воена неутралност и стравуваат дека за тоа размислува и рускиот претседател Владимир Путин.
Која граница нема да ја помине Кремљ? За тоа веќе никој не е сигурен, дури ни земја како Финска, која има големо искуство во толкување на руски сигнали пишува „Дојче веле“.
12.10 Јенс Столтенберг: Украина сама да одлучи за неутралноста
Генералниот секретар на НАТО, Јенс Столтенберг денеска повика на воздржаност во оценувањето на исходот од преговорите меѓу руската и украинската делегација во Истанбул.
Преговорите меѓу Русија и Украина „дефинитивно отидоа чекор подалеку“, рече Игор Жовква, заменик началник на кабинетот на претседателот Володимир Зеленски
11:39 (Видео) Кадиров откри каде се наоѓа неговата војска
Лидерот на Чеченската Република Рамзан Кадиров објави видео на кое се гледа каде се наоѓаат неговите војници.
Како што изјави, тие се во Луганската Народна Република.
11.25 Украински власти: Вечерва немаше област без сирени за тревога – Русите излажаа
Нема област каде што во текот на ноќта не се огласиле сирените за тревога, изјави утринава висок украински функционер откако руските власти најавија дека ќе има воени деескалации околу Киев и во Чернихив, град на северот на земјата.
11.20 Повеќе од 4 милиони луѓе ја напуштиле Украина поради војната
Високиот комесаријат за бегалци на Обединетите нации (УНХЦР) денеска соопшти дека досега повеќе од четири милиони луѓе ја напуштиле Украина, по рускиот напад врз оваа земја, во најголемата бегалска криза во Европа од Втората светска војна
10.40 Бајден: Западот чека да види дали Русија ќе го исполни ветувањето за деескалација на нападот
Американскиот претседател Џо Бајден изјави дека западните сојузнички земји чекаат да видат дали Русија ќе го исполни ветувањето за деескалација на нападите околу украинскиот главен град Киев и северниот град Чернихив, пренесува Гласот на Америка.
10:37 Во Украина пристигнува смртоносно оружје од Британија
Борис Џонсон рече дека сака да обезбеди „посмртоносна“ воена помош за Украина, бидејќи предупреди дека Владимир Путин ќе се обидел да ги интензивира борбите.
10:28 Американски генерал: Можеби ја преценивме силата на руската армија
Американскиот генерал Тод Волтерс изјави дека е можно САД да ги прецениле можностите и капацитетите на руската војска поради „дупка“ во собирањето разузнавачки информации и ги потцениле одбранбените способности на Украина пред рускиот напад врз Украина.
Кога Русија ја нападна Украина кон крајот на минатиот месец, американското разузнавање процени дека целосниот руски напад врз Украина ќе доведе до пад на Киев во руски раце за неколку дена.
10:05 Градоначалникот на Чернихив: Времето ќе покаже дали Русите ја зборуваат вистината
Градоначалникот на Чернихив, Владислав Атрошенко, вели дека ветувањето на Русија дека ќе ги ублажи нападите врз Киев и Чернихив би било добра вест доколку е вистина.
09.55 Лавров: Русија е заинтересирана за развој на односите со Кина
Русија е заинтересирана за стабилен и доследен развој на односите со Кина, изјави рускиот министер за надворешни работи Сергеј Лавров на почетокот на средбата со неговиот кинески колега Ванг Ји
#Russian Foreign Minister Sergey Lavrov and Chinese Foreign Minister Wang Yi met Wednesday in Tunxi, #China, according to a photo released by Russia's Ministry of Foreign Affairs. #UkraineRussiaWar pic.twitter.com/oiEonyFpnz
— GAROWE ONLINE (@GaroweOnline) March 30, 2022
09.52 Москва: Вашингтон да се врати на нуклеарниот дијалог без политика
Москва го повикува Вашингтон да се врати на неполитизиран, професионален дијалог за нуклеарната безбедност, изјави денеска рускиот амбасадор во САД, Анатолиј Антонов.
09:50 Москва: Вашингтон да се врати на нуклеарниот дијалог без политика
Запрашан од новинарите да ги коментира коментарите на американската потсекретарка за контрола на вооружувањето и меѓународна безбедност Бони Џенкинс, која тврди дека Русија создава нуклеарни ризици во Украина, Антонов рече дека тоа е „русофобна реторика“, пренесува ТАС С.
09.48 Експлозии во Киев – денот започна со сирени
Во близина на Киев утрово повторно одекнаа експлозии, јавува Би-Би-Си.
09.45 Украинците му одговорија на Вулин: Да не и помагавме на Србија, можеби ќе бевме во НАТО
Амбасадата на Украина во Белград ги повика српските власти да го тргнат симболот „З“ од јавните површини, што го изразува непријателскиот однос кон Украинците и јавно да застанат во одбрана на украинскиот народ.
09.35 Британија: Русите се принудени да се вратат во Белорусија и Русија за да се реорганизираат
Британското воено разузнавање соопшти дека руските војници кои претрпеле големи загуби во Украина биле принудени да се вратат дома и во соседна Белорусија за да се реорганизираат и да се снабдат
09.30 Западот ја обвини Русија дека предизвикува глад во светот
Русија беше обвинета пред Советот за безбедност на Обединетите нации дека предизвикува глобална криза со храна и ги става луѓето во ризик од глад со започнување на војната во Украина, која е житница на Европа
Си-Ен-Ен објави видео од уништувањето во Ирпин, град кој од понеделникот е вратен под контрола на Украина. Според Си-Ен-Ен, обемот на уништувањето може да се види на видеото што го обезбеди невладината организација „Украински проект за сведоци“.
09.00 САД ги повикаа своите граѓани веднаш да ја напуштат Русија
Соединетите Американски Држави издадоа ново предупредување за патување во Русија, напоменувајќи дека руските власти би можеле да ги изолираат и приведат Американците во земјата
08.50 Сателитски снимки од Мариупол – остана само името од градот
Шефот на мисијата на Обединетите нации за човекови права во Украина, Матилда Богнер изјави дека во Мариупол може да има илјадници цивилни жртви. Таа за „Ројтерс“ изјави дека мисијата нема точна проценка, но работи на собирање повеќе информации
08.30 Руските војници бележат загуби, дел од нив се повлекуваат од Украина
Британското Министерство за одбрана објави нов извештај за настаните во Украина, во кој се наведува дека руските војници бележат големи загуби и се принудени да ги реорганизираат своите капацитети
(1/4)
Russian units suffering heavy losses have been forced to return to Belarus and Russia to reorganise and resupply.— Ministry of Defence ?? (@DefenceHQ) March 30, 2022
08.20 Украина ја забранува работата на московската патријархија
Врховната рада на Украина регистрираше предлог-закон за забрана на Московската патријаршија во Украина
08.10 Лавров пристигна во првата посета на Кина од почетокот на руската инвазија на Украина
Рускиот министер за надворешни работи Сергеј Лавров пристигна во Кина, што е негова прва посета на земјата откако Русија ја започна инвазијата на Украина на 24 февруари
08.00 Британско аташе: Русите не успеаја да го опколат Киев
Британското Министерство за одбрана соопшти дека е речиси сигурно оти руската офанзива не успеала во целта да го затвори обрачот околу Киев
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
(Видео) Русија го нападна Киев: делови од градот останаа без греење во студена ноќ
Русија ги нападна Киев и другите украински градови преку ноќ со балистички ракети и беспилотни летала, додека земјата се бори со температури под нулата и продлабочување на енергетската криза, објавува „Киев Индепендент“.
Киев се соочува со најлошата зима од почетокот на војната, поттикната од руските напади врз електраните во градот. Претседателот Володимир Зеленски прогласи вонредна состојба во енергетскиот сектор на 14 јануари поради зголемените напади. Ситуацијата се влошува од долгогодишните проблеми со инфраструктурата, што доведоа до хуманитарна криза во која жителите останаа без греење, топла вода и електрична енергија.
Tonight, Kyiv saw a “not seen recently” very high success rate for the Patriot air defense system. Around 75% of the Iskander-M ballistic missiles launched were intercepted. Approximately 8 ballistic missiless were used pic.twitter.com/uwXQsO4bKC
— VolgaLad (@cym27s) January 20, 2026
Текот на ноќниот напад
Експлозии се слушнаа во Киев околу 2 часот наутро, а приближно во исто време Воздухопловните сили издадоа предупредување дека руски балистички ракети го таргетираат главниот град. Наскоро следеа дополнителни предупредувања за Киевската, Дњепропетровската и Виничката област. Потоа војската објави дека Русија испратила бомбардери МиГ-31, кои носат хиперсонични ракети Кинжал.
Воздухопловните сили подоцна известија дека втор бран руски беспилотни летала се приближил до градот околу 5 часот наутро по локално време. Исто така, беше пријавено дека ракети се приближиле до градот околу 6:30 часот наутро. Претходно навечер, групи руски беспилотни летала подигнаа тревога за воздушни напади во Киев и околниот регион, како и во неколку други украински региони. Напади со беспилотни летала врз градот Одеса и неговата околина беа пријавени околу 6 часот наутро.
Последици
Снабдувањето со електрична енергија и вода беше прекинато во источен Киев, изјави градоначалникот Виталиј Кличко. Тој рече дека едно лице е повредено во округот Днепровски. Шефот на градската воена администрација на Киев, Тимур Ткаченко, извести дека нестанбени згради се оштетени во истиот округ, додека возила се запалени на друга локација. Локалните власти, исто така, објавија промени во услугите на метрото поради „тешката енергетска ситуација“ во главниот град.
Експлозии беа пријавени и во Днепровската и Харковската област. Во градот Запорожје, остатоците од беспилотно летало предизвикаа пожар во куќа, објави регионалниот гувернер Иван Федоров. Нападите сè уште се во тек, а целосниот обем на штетата се утврдува.
Предвремени предупредувања
Претседателот Зеленски предупреди дека Русија планира голем напад врз Украина. „Во наредните денови, мора да останеме исклучително внимателни. Русија се подготви за удар – масовен удар – и чека момент да го изврши“, рече претседателот.
Европа
Јулија Тимошенко: Моите банкарски сметки се блокирани
Лидерката на партијата Татковина и поранешна украинска премиерка Јулија Тимошенко, која од страна на истражителите е осомничена дека нудела мито на неколку пратеници, објави дека нејзините банкарски сметки се замрзнати.
Тимошенко го објави ова на Фејсбук, а нејзината реакција доаѓа откако беше објавено дека обвинителите ќе бараат кауција од околу еден милион евра и изрекување мерки на претпазливост. Според неа, дури тогаш дознала дека нејзините сметки се замрзнати.
„Што е надреализам? Ова е кога во отворено политички нарачан случај планирате да платите кауција со парите што сте ги добиле како компензација за политичкиот прогон на одреден кратковид „диктатор“. Но, не можете да го направите ова бидејќи вашите банкарски сметки беа блокирани дури и пред судската одлука.
Вака изгледа „антикорупциската правда“ на меѓународните измамници. Вие наивни луѓе веројатно мислите дека со такви примитивни потези ќе ме принудите да бегам или дека ќе престанам да се борам. Страшно грешите“, напиша Тимошенко на Фејсбук.
Украинските антикорупциски власти во вторник вечерта објавија дека откриле корупција поврзана со лидер на партија. Подоцна беше потврдено дека случајот се однесува на Јулија Тимошенко. Таа е осомничена за нудење нелегални бенефиции на пратеници од други партии во замена за гласање за или против одредени законски предлози.
Извори од политички кругови потврдија во среда наутро дека истражителите ѝ доставиле на Тимошенко известување за сомневање. Потоа, Националното биро за борба против корупцијата на Украина (НАБО) објави аудио снимка во која, според истражителите, Тимошенко и неидентификуван пратеник разговараат за шема за плаќање за гласови во украинскиот парламент.
Тимошенко рече дека тоа била „голема ПР-шоу“ и „чистење на политичките конкуренти пред изборите“. Таа тврди дека истражителите „не пронашле ништо“, туку само ги заплениле нејзините „мобилни телефони, парламентарни документи и лични заштеди, кои се целосно наведени во нејзината имотна картичка“. Таа, исто така, изјави дека објавената аудио снимка „нема никаква врска“ со неа.
Европа
(Фото) Макрон се појави пред војниците со црвено и отечено око
Емануел Макрон се појави со црвено око за време на неговото годишно обраќање пред француските војници. Тој се пошегува, користејќи ја можноста да повика на зајакнување на воената моќ на Франција.
Францускиот претседател го спореди својот проблем со очите со песната „Eye of the Tiger“, велејќи дека тоа е знак на решителност и предупредување дека Франција може да остане слободна во „брутален свет“ само ако другите се плашат од неа и ако е моќна.
epa12650914 French President Emmanuel Macron delivers a speech during a visit to the Istres Air Force Base in Istres, southern France, 15 January 2026. The French president travelled to the Istres airbase to present his New Year’s wishes to the armed forces. EPA/PHILIPPE MAGONI / POOL
Повикувањето на насловната песна од филнот „Роки III“ од 1980-тите години дојде откако Макрон ја прогласи француската армија за „најефикасна“ во Европа, додавајќи дека таа мора да стане посилна и побрза. Пред говорот, кој започна со објаснување за неговиот изглед, Макрон носеше очила за сонце додека ги прегледуваше војниците.
„Ве молам извинете за грдиот изглед на моето око. Тоа е, се разбира, нешто сосема безопасно“, рече Макрон. „Сфатете го како ненамерна референца на „Eye of the Tiger“… за оние кои ја разбираат референцата, тоа е знак на решителност.“
epa12651821 French President Emmanuel Macron delivers a speech as he visits the Istres military air force base, southern France, 15 January 2026. The French president travelled to the Istres airbase to present his New Year’s wishes to the armed forces. EPA/PHILIPPE MAGONI / POOL
Тој го искористи своето новогодишно обраќање до војниците во воената база во јужна Франција за да најави поголеми трошоци за одбрана. Тој рече дека сака да ги помести плановите за буџет за одбрана од 64 милијарди евра од 2030 на 2027 година, со 3,5 милијарди евра за забрзување на вооружувањето на Франција достапно оваа година.
Полицијата ја тргнала плочката, а зад неа – 350.000 евра скриени во ѕидот: детали за падот на судијата
Единицата за корупција при Одделот за сузбивање на организиран и сериозен криминал поднела кривична пријава против судијата Ѓоко Ристов (53)...
МВР алармира: Граѓаните да не отвораат лажни пораки, наводно испратени од „Безбеден град“, и да не споделуваат лични податоци
Министерството за внатрешни работи ја информира јавноста дека изминатиов период е забележана појава на фишинг напади кои се изведуваат преку...
Јаневска: Колку повеќе децата се во училиште, толку е поголем нивниот резултат
Македонските ученици до 15-годишна возраст поминуваат дури 900 часови помалку во училишните клупи во споредба со нивните врсници од Европската...
Обвинителството побара куќен притвор за судијата Ѓоко Ристов осомничен за корупција
Обвинителството побара куќен притвор за судијата Ѓоко Ристов осомничен за корупција, кај кого беа пронајдени 350.000 евра соѕидани во ѕид...
Се зголемуваат цените на бензините и дизелот
Цените на бензините и на дизелот од ноќеска на полноќ ќе се зголемат за 1,5 и за 2 денари, соопшти...
Анел Фидоски нов шеф на скопското јавно обвинителство
На денешната седница на Советот на јавни обвинители, Анел Фидоски е избран за нов шеф на Основното јавно обвинителство Скопје....
(Видео) СДСМ обвини дека „Алфа“ не е само медиум туку политички проект: „Како и во времето на Груевски, повторно функционира како центар за црни кампањи“
Денеска, членот на Извршниот одбор на СДСМ, Јон Фрчкоски, на прес-конференција објави ново разоткривање на Антикорупцискиот тим – АКТ. Тој...
Лавров: Гренланд не е природен дел од Данска
Рускиот министер за надворешни работи, Сергеј Лавров, го коментираше конфликтот меѓу САД и Европа околу иднината на Гренланд, доведувајќи го...
Сакале насилно да влезат во затворена гостилница па го истепале сопственикот: 30-дневен притвор за двајца осомничени
Основното јавно обвинителство Куманово донесе Наредба за спроведување истражна постапка против две лица за кои постои основано сомнение дека заеднички...
Трамп објави фотографија и порача: Мора да го добиеме Гренланд
Американскиот претседател Доналд Трамп го повтори своето барање да ја преземе контролата врз Гренланд, автономна данска територија. Зборувајќи со новинарите...
(Видео) Снежна бура во САД: верижен судир на повеќе од 100 возила
Повеќе од 100 возила се судрија или излетаа од меѓудржавен пат во Мичиген, САД, во снежна бура. Полицијата објави дека...
Данска со предупредување за одбраната на Гренланд: Воен конфликт со САД е реална можност
Копенхаген предупреди дека евентуалниот обид на САД да ја преземат контролата врз Гренланд со сила би довел до директен воен...
Поранешен советник на Трамп: Гренланд ќе остане Гренланд
Доналд Трамп нема да може да го принуди Гренланд да биде продаден на САД, изјави за Би-би-си поранешен висок советник...
(Видео) Русија го нападна Киев: делови од градот останаа без греење во студена ноќ
Русија ги нападна Киев и другите украински градови преку ноќ со балистички ракети и беспилотни летала, додека земјата се бори...
120 членови на Исламска држава избегаа од затвор во Сирија
Сирискиот министер за внатрешни работи изјави дека околу 120 припадници на Исламска држава избегале од затвор во градот Шадади, откако...
Австралија затвора десетици плажи поради напади од ајкули
Десетици плажи долж источниот брег на Австралија, вклучувајќи го и Сиднеј, се затворени по четири напади од ајкули во последните...
Заменик министерот за образование поднесе оставка
Заменик министерот за образование, Лулзим Алиу, поднесе оставка. Тој вели дека сака да се посвети на неговата истражувачко – научна...
(Видео) Филипче: Жалам што дел од партиите легитимираа корумпирана и изолирана власт на лидерска средба
Претседателот на СДСМ, Венко Филипче, одговарајќи на новинарско прашање, истакна дека разговорите со Али Ахмети биле во врска со локалната...
Николоски од Охрид: Засилено работиме на завршување на автопатот Охрид – Кичево
Интензивно работиме на завршување на автопатот Охрид-Кичево. Користиме совремеми техники за да ги стабилизираме косините. Од 16, веќе 14 косини...
Утре почнува тестирањето на камерите, на неколку локации во Скопје сообраќајот ќе биде запрен
Министерството за внатрешни работи ги известува граѓаните дека во рамки на проектот „Безбеден град“, во периодот од 20.01.(вторник) до 31.01.(сабота)...
