Црна хроника
Запленети 44 кг хероин вредни над два милиона евра
Македонската полиција соопшти в среда дека запленила 44 килограми висококвалитетен хероин вреден над два милиона евра чијашто дестинација бил италијанскиот нарко-пазар
Дрогата била запленета во рамки на акцијата „Босфор“ која од поодамна се спроведува во соработка со турската полиција.„Во претходните четири акции, како и оваа петта успешна операција, во рамки на ’Босфор’ запленети се над 230 килограми хероин чија вкупна вредност на нарко пазарот изнесува над 8,4 милиони евра“, соопшти попладнево на прес-конференција министерката за внатрешни работи, Гордана Јанкулоска.Пратката од 44 килограми хероин била откриена во вторникот вечер во специјален бункер во камион што тргнал од Турција и транзитирал преку Грција.Приведени се осум лица, сите македонски државјани.Јанкулоска соопшти дека во сите досегашни пет акции во рамки на операцијата „Босфор“ се фатени организаторите за оваа, како што нагласи, добро организирана меѓународна мрежа за трговија со дрога.Од приведените осум македонски државјани било запленето и оружје и муниција. Меѓу запленетото оружје има неколку пиштоли, вклучувајќи и еден малокалибарски во форма на пенкало.Приведените денеска ќе бидат изнесени пред истражен судија.Директорот на Бирото за јавна безбедност, Љупчо Тодоровски, изрази особено задоволство од континуираната успешна соработка со турската полиција додавајќи дека петте реализирани акции во рамки на операцијата „Босфор“ се уште еден доказ дека Македонија е тампон-зона за шверцот на дрогата наменета за европскиот пазар.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Скопјанец пукал со воздушна пушка и ја погодил мачката на соседот, полицијата му го одзеде оружјето
Вчера во 10.06 часот во СВР Скопје, 47-годишниот Б.П. од Скопје пријавил дека околу 09.50 часот на подрачјето на Кисела Вода, неговиот сосед, 64-годишниот З.К. од Скопје пукал со воздушна пушка и погодил мачка, сопственост на пријавителот, извести МВР.
Со пријавениот бил извршен службен разговор и од него била одземена воздушната пушка, дијаболи и потврда за пријавено оружје, сопственост на неговиот син, извести МВР.
По целосно документирање на случајот ќе следува соодветен поднесок.
Црна хроника
Тетовец измамен за 800 евра
Вчера во 08.30 часот во СВР Тетово, 38-годишен тетовец пријавил дека на 22.04.2024 бил измамен од едно лице за сума од 800 евра, извести МВР.
„Според пријавеното, лицето дошло во неговиот деловен објект и му понудило мобилен телефон за сумата, за што му приложил и фактура. Како што е пријавено, тој одлучил да го купи телефонот, а откако се обидел да го активира кај неколку сервисери, тие му кажале дека телефонот не е оригинал и сфатил дека бил измамен“, соопшти МВР.
Се преземаат мерки за расчистување на случајот.
Црна хроника
Пожар во концертна сала на Факултетот за музичка уметност „Илија Николовски-Луј“, нема повредени
Вчера во 15.00 часот во СВР Скопје било пријавено дека настанал пожар во концертна сала на Факултетот за музичка уметност „Илија Николовски-Луј“ во Скопје, извести МВР.
Од Бригадата за противпожарна заштита Скопје пожарот бил изгаснат, а повредени лица нема, додаваат од МВР.
Извршен бил увид од увидна екипа од СВР Скопје.