Црна хроника
Во БиХ разбиен синџир на автомафија, многу апсења
Полицијата на Босна и Херцеговина во неделата спроведе голема акција во која се уапсени припадници на организирана криминална група која се занимавала со кражби и препродажба на автомобили.
Портпаролот на полицијата на Сараевската жупанија, Ирфан Нефиќ, потврдил дека акцијата започнала во раните утрински часови, како и дека биле пребарани повеќе различни локации, и тоа на поширокото подрачје на Сараево, каки во грдовите Мостар, Груда и Зворник.
Портпаролот Нефиќ, исто така, додал дека се уапсени повеќе лица, но не го прецизирал нивниот број.
Покрај сараевската во акцијата е вклучена и полицијата на Република Српска, како и припадници на Државната агенција за истраги и заштита ( SIPA).
Полициската операција со кодното име „Требевиќ“, како што објаснил Нефиќ, била планирана со месеци наназад и е изведена по налог на Обвинителството на Федерацијата Бодна и Херцеговина.
Со истрагата било утврдено дека лицата кои се уапсени во неделата, организирале криминален синџир кој се занимавал со организирани кражби на автомобили за кои потоа барале откуп од нивните сопственици или со фалсификувана документација ги препродавале во странство најчесто во земјите од регионот./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Уапсен дилер од Штип, пронајдена дрога и голема сума пари
МВР информира дека вчера по преземени оперативни мерки и дејствија, полициски службеници од Отсекот за недозволена трговија со дрога и оружје го уапсиле 32 годишниот Б.М. од Штип.
При претрес во неговиот дом во Штип извршен по насоки од надлежен обвинител, биле пронајдени и одземени прашкаста материја, поголема сума на пари и дигитална вага.
„Лицето е задржано во полициска станица и во текот на денот со кривичната пријава ќе биде предаден на судија на претходна постапка за понатамошно постапување“, соопштија од полицијата.
Црна хроника
Стружанец објавувал експлицитна содржина од малолетничка
Полицијата во Тетово поднесе кривична пријава против А.А.(41) од Струга, поради постоење основи на сомнение за сторени кривични дела „злоупотреба на лични податоци“ и „производство и дистрибуција на детска порнографија“.
Пријавениот, на социјална мрежа, објавил фотографии и видео снимки со експлицитна содржина од женско лице, кое во тоа време било малолетно.
Црна хроника
Жена од Гевгелија измамила Грк дека е од Царина и му зела 2.000 евра
Полицијата поднесе кривична пријава против М.Ј.(46) од Гевгелија, поради измама.
„Пријавената, на 13 септември на царинскиот терминал на Граничниот премин „Богородица“, го довела во заблуда грчкиот државјанин К.Г.К., на начин што лажно се претставила дека е застапник во царински постапки и лажно му прикажала факти дека сторил тежок царински прекршок, поради што ќе биде задржан на македонско-грчката граница од страна на царинските власти и му побарала 2.000 евра, за да му помогне, на што се согласил“, објави МВР во дневниот билтен.