Uncategorized
Песков: Србите се наши браќа, се надеваме дека нема да попуштат под притисокот
Портпаролот на Кремљ, Дмитриј Песков, изрази надеж дека Србија и Република Српска нема да попуштат под притисокот на Западот и да се приклучат на санкциите против Русија.
Во интервју за Алтернативната телевизија на Бања Лука, која е под американски санкции, Песков ги нарече Србите „браќа и стратешки партнери“. Портпаролот на Путин оцени дека Белград во моментот е под поголем притисок од Западот да воведе санкции кон Руската Федерација отколку што е случајот со властите на ентитетот Република Српска, кои во Босна и Херцеговина го блокираат тој процес.
„Србија е под уште поголем притисок од Република Српска. Се надеваме дека тие ќе имаат доволно сила да не се усогласат со овој мејнстрим на колективниот Запад“, рече Песков.
За традиционалните врски на Русија со Србија, Песков рече дека Србија е суверена држава и дека Русија нема ништо против односите со западните земји.
„Сметаме дека ништо, никаква соработка со западни или други земји не треба да биде пречка за континуиран развој на нашите односи. Тоа е најважно за нас“, рече Песков.
Во врска со односите со Република Српска, Песков рече дека „српските пријатели навистина постојано се засилуваат за да одржуваат добри односи меѓу Руската Федерација и Бања Лука“ и дека овие односи ќе се зајакнат на сите полиња.
„Знаеме каков притисок има внатре во БиХ, каков надворешен притисок има во рамките на меѓународните механизми, кои функционираат во согласност со Дејтонскиот мировен договор. И, се разбира, во согласност со нашите можности, пред сè, економски. Подготвени сме да ја поддржиме Република Српска за да има сила доследно да ја следи нејзината насока во истата земја во која се наоѓа“, рече Песков за поддршката за РС, која во Босна и Херцеговина се противи на приклучување кон санкциите.
Претседателот на РС, Милорад Додик, во одвоено интервју емитувано на Радио-телевизијата на Република Српска најави дека на 23 мај во Москва ќе се сретне со рускиот претседател Владимир Путин.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Uncategorized
Средба на претседателот Африм Гаши со италијанскиот амбасадор Андреа Силвестри
Претседателот на Собранието на Република Северна Македонија, Африм Гаши, денеска оствари средба со Андреа Силвестри, амбасадор на Италијанската Репубика во РС Македонија.
Амбасадорот Силвестри му го честиташе изборот на Гаши за претседател на Собранието, како претседател избран со забележителен број гласови, посакувајќи му успешна работа и подвлекувајќи го демократскиот механизам на самиот избор. Притоа, му врачи честитка од претседателот на Италијанскиот сенат, Игнацио ла Русa, со желби за успех во натамошната работа.
Претседателот Гаши го запозна амбасадорот со тековните активности на законодавниот дом, претстојното формирање на комисиите и другите работни тела, и очекувањето за брзо формирање на новата Влада. Истакна дека како одговорен претседател ќе остане отворен за соработка со сите политички партии претставени во Собранието, бидејќи сите треба да работат за доброто на граѓаните и државата во целина. Во контекст на билатералната соработка меѓу двете земји, претседателот истакна дека високо ја вреднува соработката со пријателска Италија, земја силен поддржувач на РС Македонија на евроинтеграцискиот пат.
Амбасадорот Силвестри го информираше претседателот за постојните релации на планот на меѓупарламентарната соработка и изрази надеж дека успешната соработка ќе продолжи и во иднина по формирањето на пратеничката група во Собранието за соработка со Италијанскиот парламент. Беше споменато и неодамнешното одблежување на 30 години од воспоставените дипломатски односи меѓу Италија и Република Северна Македонија, при што амбасадорот му подари примерок од Публикацијата отпечатена по овој повод.
Двајцата соговорници разменија мислења за идната законодавна агенда, фокусот кон евроинтеграцијата на земјата и улогата на Собранието во тој процес, задржувањето на конструктивен и пријателски однос со сите соседи и градење на мостови на соработка со земјите од целот регион.
Uncategorized
Се обиделе да ограбат црква, па го нападнале клисарот: уапсени разбојници во Радовиш
Вчера во 13.30 часот во Радовиш, полициски службеници од Одделението за внатрешни работи Радовиш ги лишиле од слобода С.Р.(37) од Република Хрватска и А.К.(37) од Радовиш.
Тие се сомничат дека околу 07.30 часот од црква во Радовиш се обиделе да одземат пари, а откако биле забележани од клисарот во црквата, А.К. физички го нападнала, а С.Р. му се заканил со остар предмет, по што го напуштиле местото.
Во службен разговор во Полициската станица Радовиш тие го признале делото, по што биле задржани. За настанот бил запознаен јавен обвинител од Основното јавно обвинителство Струмица и по документирање на случајот против нив ќе биде поднесена соодветна пријава.
Uncategorized
Мицкоски на средба со австрискиот амбасадор Памер: Идната влада ќе работи на уште позасилена соработка на економско поле помеѓу двете држави
Претседателот на ВМРО-ДПМНЕ, Христијан Мицкоски, заедно со потпретседателот Тимчо Муцунски денеска оствари средба со австрискиот амбасадор Мартин Памер.
Мицкоски му се заблагодари на Памер за поддршката што Македонија ја добива од Австрија на патот на евроинтеграциите.
Одличните односи помеѓу Македонија и Австрија на економско поле ќе бидат дополнително унапредувани и поттикнувано во наредниот период, истакна Мицкоски.
Воедно, беше потенциран и планот за борбата против корупцијата и криминалот, кои ќе бидат високо на агендата на идната влада.