Црна хроника
Затвореник избега од затворот во Тетово

Бегството, како што соопшти МВР, се случило вчера, а го пријавил надзорникот во затворот во полициската станица во Тетово
Затвореникот кој избегал од затворот во Тетово откако ги отстранил заштитните решетки од прозорецот и со помош на чаршафи се спуштил и избегал во непознат правец е Н.К. роден 1986 година од Тетово., кусо соопшти Министерството за внатрешни работи.Извори од МВР, велат дека нивнтие припаднице веќе се во трагата на избеганиот затвореник, и се очекува негово брзо лоцирање и апсење.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
Се степале малолетнички, па се вмешала бабата

Вчера дека на подрачјето на Шуто Оризари, бил нарушен јавниот ред и мир со физичка пресметка помеѓу две малолетнички од Скопје.
„Потоа, А.Д., баба на една од малолетничките, физички ја нападнала другата малолетничка“, велат од МВР.
Се преземаат мерки за расчистување на случајот.
Црна хроника
Приведен сопственик на локал во Гостивар, картонот за сервисирање на ПП-апаратите не бил оригинал

Полицијата го приведе Б.Р.(70), сопственик на угостителски објект од Гостивар.
Во содејство со инспектори од Дирекција за заштита и спасување – Скопје, била извршена контрола на противпожарните апарати во угостителски објект во Гостивар, при што било утврдено дека картонот за сервисирање не е оригинал.
Б.Р. е задржан во полициска станица и против него ќе следува соодветен поднесок.
Црна хроника
Тешко повреден пешак во Скопје, возачот го удрил и избегал

Дваесет и осумгодишен пешак се здобил со тешки повреди откако во него удрил автомобил, а возачот избегал од местото на несреќата.
Според информациите на полицијата, сообраќајната несреќа се случила вчеравечер на ул.„Борис Трајковски“ во Скопје.
„Во СВР Скопје било пријавено дека околу 18.15 часот на ул.„Борис Трајковски“, во близина на крстосница со ул.„Саса“, во Скопје патничко возило удрило во пешакот С.М.(28) од с.Страхојадица,скопско, по што возачот со возилото го напуштил местото на настанот. Во несреќата со тешки телесни повреди се здобил пешакот, констатирани во Градската општа болница „Св.Наум Охридски““, соопшти МВР.
Извршен бил увид од увидна екипа од СВР Скопје и се преземаат мерки за расчистување на случајот.