Забава
Две семејства од Франција бараат 12 млн евра поради замена на бебињата

Две девојченца пред дваесет години биле заменети во родилиште во Франција и израснале во погрешни семејства коишто сега од државата бараат отштета од 12 милиони евра.
Неверојатната приказна започнала пред две децении во Кан, кога Софи Серано го родила девојченцето Манон. Бебето патело од жолтица и било ставено во инкубатор на фототерапија. До неа било друго женско новороденче, Мелани, со истиот проблем. Медицинската сестра по завршувањето на терапијата девојчињата ги вратила на погрешните родители. Мајките почувствувале дека нешто не е во ред, па г-ѓа Серано му укажала на лекарскиот персонал дека нејзината ќерка сега има потемен тен. И’ било објаснето дека тоа се случило поради ефектот на светилките во инкубаторот. Со текот на годините сомневањата станувале сé поизразени. Со Манон Серано често во селото се шегувале дела е „ќерка на поштарот“, бидејќи била сосема поинаква од татко и’. Кога имала десет години, таткото решил да направи тест на татковство. Се покажало дека не и’ е биолошки татко. А уште поголем шок настанал кога се утврдило и дека Софи Серано не и’ е биолошката мајка. Со истрагата којашто потоа била спроведена утврдено е дека нивната биолошка ќерка живее во семејство оддалечено 30-ина километри. „Ме уништија. Ми ги одземаа сништата, моите надежи, желбата да имам деца“, изјави Манон Серано за весникот Nice-Matin.Двете семејства се сретнале, но се одлучиле дека нема да се обидат повторно да ги заменат за сега возрасните девојки да живеат со биолошките родители. „Социјалните, образовните и културните разлики, меѓу двете семејства, беа преголеми и само ја засилија болката“, изјави Софи Серано.Меѓутоа, двете несреќни семејства се договориле да ја тужат клиниката во Кан, но спорот го загубиле поради застареност на предметот. Сега, пак, со граѓанска тужба бараат отштета од вкупно 12 милиони евра. Ги тужеа клиниката, лекарите кои го вршеле пораѓањето и медицинската сестра којашто ги заменила бебињата.Болницата во Кан ја призна грешката, но за неа ја обвинува медицинската сестра којашто тогаш имала проблеми со алкохолизмот. Од болницата, исто така, порачаа дека немаат намера да ја платат отштетата./крај/мф/сн
Извор: AFP
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Забава
Кортни Лав засекогаш ја напушта „Америка на Трамп“: „Таму како да е сè отруено со цијанид“

Кортни Лав, пејачка и вдовица на Курт Кобејн, одлучи да се збогува со Америка на Трамп.
Пејачката откри дека трајно се сели во Обединетото Кралство за време на вториот претседателски мандат на Доналд Трамп.
„Навистина ми е драго што сум овде“, рече таа, пишува „Дејли мејл“.
„Многу е прекрасно да се живее овде. Конечно добивам британско државјанство за шест месеци. Станувам британски државјанин”, рекла Лав (60), а нејзините зборови предизвикале аплауз кај публиката. Таа потоа се осврна на нејзиниот страв од актуелната републиканска администрација во САД.
„Што се однесува до Трамп и конкретно овој тим, тоа е како еден вид империјален стил. Сега е страшно таму. Како сè да е отруено со цијанид“, рече таа.
Пејачката и гитарист, која ја има 32-годишната ќерка Френсис Бин Кобејн, од бракот со покојниот Курт Кобејн, им се придружува на се поголемиот број познати личности кои ги напуштија САД откако Трамп беше реизбран за претседател во ноември 2024 година.
Рози О’Донел, која има отворен став за нејзината сексуална ориентација, минатата недела откри дека таа и нејзиното 12-годишно небинарно дете Клеј се преселиле во Ирска откако Трамп ја победи Камала Харис.
„Кога во Америка повторно ќе биде сигурно дека сите граѓани имаат еднакви права, тогаш ќе размислиме за враќање“, им порача актерката на своите следбеници на социјалните мрежи.
Забава
Бракот тројно го зголемува ризикот од дебелина кај мажите, покажа истражување

Бракот тројно го зголемува ризикот од дебелина кај мажите, покажа полско истражување.
Истражувањето кое ќе биде претставено на Европскиот конгрес за дебелина во Шпанија во мај, било спроведено на 1.200 парови во Полска и покажало дека ризикот од прекумерна тежина во бракот е зголемен за двата пола, но ситуацијата е особено акутна кај мажите.
Истражувачите заклучија дека кога се во брак, ризикот од прекумерна тежина се зголемува за 62 отсто кај мажите и 39 отсто кај жените, во споредба со оние кои не се во брак.
Оженетите мажи имаат 3,2 пати поголема веројатност да бидат дебели од слободните мажи, а таква разлика не е забележана меѓу мажените и слободните жени.
Ова потенцијално се објаснува со културните разлики во ставовите кон дебелината меѓу двата пола, се вели во истражувањето.
Студијата заклучи дека ризикот од дебелина исто така се зголемува со возраста. Секоја година, заканата од прекумерна тежина се зголемува за три проценти кај мажите и четири проценти кај жените. Ризикот од дебелина, сепак, се зголемува за четири отсто кај мажите и шест отсто кај жените, пренесува агенцијата ДПА.
Дебелината се дефинира како индекс на телесна маса од 30 или повеќе, а прекумерната тежина се дефинира како индекс од 25 до 29,99.
Истражувањето го водеше лекарот Алича Цича-Миколајчик од Националниот институт за кардиологија во Варшава.
„Возраста и брачниот статус имаат непобитно влијание врз прекумерната тежина или дебелината во зрелоста, без разлика на полот“, заклучува студијата.
Забава
Скарлет Јохансон не сака да се фотографира со обожавателите на улица, ја откри и причината

Актерката Скарлет Јохансон (40) објасни зошто не и е удобно да се фотографира со обожавателите кои ја среќаваат во јавност. Говорејќи на оваа тема додека го промовираше нејзиниот претстоен филм Jurassic World: Rebirth, Јохансон изјави за InStyle дека не сака да биде „идентификувана“ во одредено време и место. „Тоа навистина навредува многу луѓе“, призна таа.
„Секако дека ценам што луѓето се мои обожаватели и среќни што ме гледаат. Но, секогаш им велам: Не сум на работа. А тоа значи дека не сакам никој да ме „сними“ како некој што бил со нив во тој момент и на тоа место. Јас правам нешто свое“, додала таа.
Актерката нагласи и колку и е важно да ја зачува анонимноста на нејзините деца.
„Мислам дека анонимноста треба да се зачува што е можно подолго, барем додека самите деца не одлучат поинаку. Тоа е одлука што ја донесов за нив“, додаде таа.