Економија
IEA ја снижи прогнозата за побарувачка на нафта
Меѓународната агенција за енергетика (IEA) ја снижи во вторникот прогнозата за раст на светската побарувачка за нафта во оваа и наредната година поради последиците од ураганот Sandy и рецесијата во поголемиот дел до Европа.
Во најновиот месечен извештај за светскиот пазар на нафта IEA го процени дневниот раст на побарувачката за оваа година на 670 илјади барели дневно, што е за 60 илјади барели дневно помалку во однос на претходниот месец. Вкупната дневна побарувачка би требал од а изнесува 89,9 милиони барели.Дневниот раст на побарувачка во наредната година е намален за 100 илјади барели, на 830 барели дневно. Вкупната побарувачка наредната година би требало да се движи до 90,4 милиони барели дневно.Проценките се ревидирани поради слабите економски активности на членките на Организацијата за економска соработка и развој (OECD) и последиците од ураганот Sandy, кој пред три недели го опустоши источното крајбрежје на САД. Се проценува дека Sandy ја намалил американската побарувачка во октомври за 230.000барели дневно, ограничувајќи ги испораките од нафтените полиња.За цела година, американската побарувачка ќе се намали за 310 илјади барели дневно, на 18,7 милиони барели дневно, а иста е проценката за наредната година.Друга слаба точка е побарувачката во Европа, каде што должничката криза во еврозоната ги втурна поголемиот дел од земјите во рецесија.Вкупната европска потрошувачка во третото тромесечје била за 150.000 барели дневно помала од претходно проценетото.IEA за Европа за година предвидува намалување на дневната побарувачка за 500.000 барели, на вкупно 13,8 милиони барели дневно, а за наредната година предвидува дополнителен пад од 200.000 барели дневноПроценката за кинеската побарувачка е благо крената, за 260 илјади барели дневно, на 9,5 милиони барели дневно, а наредната година се очекува да достигне 9,8 милиони барели. /крај/х/ап/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Економија
Димитриеска Кочоска: Да обезбедиме влез на поголем број учесници на Берзата, ќе работиме на развој на секундарниот пазар
Министерството за финансии и Македонската берза во наредниот период активно ќе работат на развој на секундарниот пазар за тргување со хартии од вредност со цел да се зголеми бројот на учесници и тие да го најдат својот интерес во тоа. Ова го порача министерката за финансии Гордана Димитриеска Кочоска на денешната 23. Годишна конференција на Македонската берза, што се одржува во Охрид.
„Берзата е место на кое се сретнуваат инвеститорите, место каде што се движи капиталот и затоа е многу важно да се создадат услови за влез на што поголем број учесници. Да го најдат интересот и правните и физичките лица, кои можат да вложуваат средства во алтернативни извори на финансирање коишто се нудат на Берзата, покрај она што е традиција кај нас, а го нуди банкарскиот сектор. Во таа насока, во наредниот период, заедно со Македонската берза, поактивно ќе дејствуваме, меѓу другото, и во развој на секундарното тргување на хартиите од вредност кое има повеќекратни придобивки. Имено, за примарниот издавач ќе има придобивка бидејќи ќе се зголеми интересот за инструментите што се ликвидни. За Македонската берза придобивката ќе биде зголемување на обемот на тргување, додека за имателот на хартиите од вредност предноста е во тоа што ќе поседува ликвиден инструмент којшто ќе може да го продаде во секое време, односно да го материјализира“, истакна министерката за финансии и додаде дека Берзата ќе се користи како примарен пазар за обврзници кои Министерството за финансии планира да ги издава во наредниот период.
Според министерката, соработката со Берзата е исклучително важна затоа што клучно за зголемување на интересот за тргување со хартии од вредност што ги издава Министерството за финансии е имателите на тие хартии од вредност да бидат сигурни дека можат во секое време да ги материјализираат на секундарниот пазар и на тој начин да обезбедат ликвидни парични средства.
Најави дека се работи на донесување Одлука за 23-тата емисија на обврзници за денационализација во вредност од 1,5 милиони евра, којашто ќе ја зголеми понудата на хартии од вредност со кои ќе се тргува на секундарниот пазар на Македонската берза. Инаку, вкупната вредност на претходно издадените 22 емисии на обврзници за денационализација изнесува 397 милиони евра.
Поздравувајќи ги позитивните резултати од работењето на Македонската берза во првата половина од оваа година, рече дека Министерството за финансии ќе продолжи со унапредување на регулативата со цел да се обезбеди дополнителен развој на пазарот на капитал.
Економија
Владата ги ограничува профитните маржи, Мицкоски oбјави дека одлуката е помината на седница
Одлуката на Министерството за економија за маржите е веќе помината на владина седница, ќе имаме вакви акции, кои ќе траат еден месец, еден и пол месец, два месеца, во кои бруто-профитот ќе биде ограничен до ниво до 10 проценти за да не ни се случуваат удари по стандардот на граѓаните, ова го изјави премиерот Христијан Мицкоски од Штип одговарајќи на новинарско прашање во врска со одлуката за замрзнување на маржите.
Деновиве, и министерот за економија, Дурмиши, објави дека наместо замрзнување на цените, ќе се ограничуваат профитните бруто-маржи на големо и мало.
„Има таму стотици продукти што ќе бидат опфатени и така континуирано ќе носиме мерки со кои ќе се обидеме да го подобриме стандардот на граѓаните и да ја олесниме живејачката, која и така е тешка“, одговори денеска Мицкоски.
Тој беше дециден дека одлуката за ограничувањето на маржите е помината на владина седница, а се очекува да ја објасни и министерот за економија на прес-конференција.
Инаку, според најавите, со мерката ограничена маржа до 10 отсто ќе бидат опфатени 100-ина производи, а планот според најавите е ваква мерка да има и во наредниот период, особено за време на празници.
Економија
Годишен раст од 9,1 отсто на вкупните депозити и од 7,5 отсто на вкупната кредитна поддршка во август
Анализирано на годишно ниво, вкупните депозити се зголемени за 9,1%, што се должи на зголемените депозити на двата сектора, со доминантен придонес на секторот домаќинства, извести Народна банка.
На годишна основа, вкупните кредити бележат раст од 7,5% како резултат на зголеменото кредитирање на двата сектора, коешто е поизразено кај кредитите на корпоративниот сектор.
Најновото соопштение за монетарните движења е достапно на линкот.