Свет
Венецуела: Претседателот Мадуро ослободи од затвор тројца опозициски активисти
Венецуелскиот претседател Николас Мадуро ослободи тројца опозициски активисти кои во притвор минаа повеќе од еден месец, што претставува прв знак на попуштање од негова страна од почетокот на разговорите со неговите политички противници.
Социјалистичкиот претседател Николас Мадуро во текот на изминатиот викенд се сретна со претставниците на опозицијата на разговорите на коишто повика Ватикан. Тие го условија продолжувањето на разговорите со ослободувањето на политичките затвореници, како и одржување референдум за доверба на Мадуро.
Противниците, коишто имаат мнозинство во парламентот, го обвинуваат претседателот дека со влијание врз институциите го блокирал референдумот за негово отповикување на должноста и оти од Венецуела создал диктатура.
Властите ги ослободија тројцата активисти: Карлос Мело, Андес Морено и Марко Трехо, меѓутоа опозицијата тврди дека во притвор има уште повеќе од сто.
„Се надевам дека ова што ми се случи мене, ќе им се случи и на другите“, изјавува Мело на снимката емитувана по неговото ослободување. Мело беше уапсен во август и осуден за поседување експлозив кој наводно требало да биде употребен во пуч против претседателот Мадуро.
Морено и Трехо минаа еден месец во притвор поради обвинувањата дека му наштетиле на воениот морал со политичко-пропагндната снимка којашто прикажуваше војник кој пати од истите економски проблеми како и демонстрантите
„Ослободувањата мора да продолжат. Мора да ни биде овозможен референдум или да се одржат претседателски избори“, изјави Жезус Тореалба, секретар на опозициската коалиција Демократска унија, додавајќи дека во притвор уште останале познати опозициски лидери како Леополд Лопез, АнтониоЛедезмаи Мануел Розалес.
Редовните претседателски избори во Венецуела треба да се одржат кон крајот на 2018 година.
Мадуро, кој се бори со недостиг од основни продукти и енормно високи цени во проблематичната венецуелска економија како последица на падот на цените на нафтата која е еден од главните извори на девизи и приходи на земјата, тврди дека е жртвана заговор на опозицијата и „економската војна“ за колонизација на Венецуела која ја водат корпорациите со помош на САД./крај/мф/сн
Извор: Reuters
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Дрвја и кал во БиХ, местата зафатени од поплавите се непрепознатливи
По поплавите што вчера ја зафатија БиХ, најтешка е состојбата во општина Јабланица, каде што најголем број урнати згради и објекти се под вода, а истото е и во Трусина и Бутуровиќ Поље, јави телевизијата БХТ1.
Новинарка на телевизијата, која известува од терен, изјави дека овие места се непрепознатливи.
-Можеме да видиме само дрвја и вода, кал, се’ лебди на површината на водата, можеме да видиме загрижени жители, изјави таа и додаде дека веќе се започнати хуманитарни акции за помош на загрозените.
Според последните неофицијални податоци само на територијата на Јабланица како исчезнати се водат 48 лица, додека официјалните податоци велат дека по поројните поплави и свлечиштата кај Јабланица, Кониќ, Крешево и Кисељак, потврдена е смртта на 19 лица, а дека по многу други уште се трага.
Населението во погодените подрачја има потреба од итна помош, а најитни се конзервираната храна и вода во шишиња.
Патната комуникација е отежната, а на места и целосно прекината.
Во страшните поплави кои зафатија делови од Босна и Херцеговина, една од жртвите е и 29-годишна трудница од Јабланица. Брачна двојка е пронајдена гушната во одроните во Доња Јабланица, а според првичните информации почина и уште еден брачен пар од овој крај.
Регион
Страшни детали од поплавите во Босна и Херцеговина, загина трудница, а брачен пар се најдени гушнати
Во страшните поплави кои зафатија делови од Босна и Херцеговина, една од жртвите е и 29-годишна трудница од Јабланица. Брачна двојка е пронајдена гушната во одроните во Доња Јабланица, а според првичните информации почина и уште еден брачен пар од овој крај. Најмалку 21 лице го загуби животот во поплавите во БиХ, од кои 16 се сметаат за исчезнати.
„Најмалку 16 лица од областа на северна Херцеговина во моментов се водат како исчезнати, откако беше потврдено дека исто толку луѓе загинале само на подрачјето на Јабланица“, изјави премиерот на Федерацијата на БиХ, Нермин Никшиќ.
Затрупани се многу куќи, а утринава пристигна и дополнителна механизација.
Во тек е состанок на кризниот штаб за координација на спасувачките активности, а по него треба да се дознаат подетални информации за состојбата на теренот.
Најтешка е состојбата во Долна Јабланица каде се сомнева дека каменолом ја предизвикал трагедијата во населбата која е целосно затрупана со отпад од гранит.с
Свет
Се повеќе мали деца се дебели, предупредува ФАО
Организацијата за храна и земјоделство на Обединетите нации (ФАО) предупреди дека прекумерната тежина кај деца под пет години, анемијата кај жените на возраст од 15 до 49 години и дебелината кај возрасните се во пораст во голем број земји.
Западен Балкан со 10,3 отсто и Кавказскиот регион со 9,1 отсто имаат највисока стапка на прекумерна тежина кај децата до пет години, додека стапката на дебелина кај возрасните исто така се зголемува.
Вредностите на анемијата кај жените на возраст од 15 до 49 години ја надминуваат глобалната проценка од 29,9 отсто во Киргистан со 35,8 отсто, Таџикистан 35,2 отсто и Азербејџан 35,1 отсто.
За да се справат со овие предизвици, сите актери во Европа и Централна Азија треба да се фокусираат на квалитетот на исхраната, осигурувајќи дека сите граѓани имаат пристап до разновидна и урамнотежена исхрана.
Никој не треба да се остави зад себе. Ова мора да биде поддржано со едукативни и кампањи за подигање на јавната свест кои поттикнуваат поздрав и поодржлив избор на храна, се додава во соопштението.