Црна хроника
Тројца тешко повредени во три одделни сообраќајки
Во три одделни сообраќајни незгоди во струмичко, штипско и во Куманово, тројца се здобиле со тешки повреди, крварења во мозокот, нагмечување на глава, скршеници на череп, потрес на мозок и посекотини, соопшти полицијата.
Во петокот, во 19.35 часот на магистралниот пат А4 Струмица – Ново Село делница од село Босилово до село Турново, се случила сообраќајна незгода помеѓу Трактор „ИМТ 533“ без регистарски ознаки, управуван од 16-годишно лице од село Сарај и автомобил „Форд Фиеста“ со скопски регистарски ознаки управувано од С.Т.(50) од Струмица.
Во незгодата со крварење во мозокот, скршеница на челна коска, фрактура на горна вилица се здобил сопатникот во автомобилот, Ј.М.(78) од Ново Село. На истиот му била укажана лекарска помош во МЦ-Струмица, од каде поради сериозноста на повредите бил препратен на лекување на клиниката за Неврохирургија во Скопје. Другите двајца имале полесни повреди и пуштени се дома. Од 20.30 до 22.40 часот сообраќајот бил во прекин.
Истиот ден, во 19.05 часот на регионалниот пат Плачковица – Штип, се случила сообракајна незгода во која автомобил „Фиат Пунто“ управувано од И.П.(31) од село Крупиште, излетало надвор од колвозот и удрило во дрво. Во незгодата И.П. се здобил со повреди и бил пренесен во болницата во Штип, каде од страна на лекар било констатирано дека се работи за контузија на глава со отворена рана, потрес на мозок и болки во вратот, посекотини во пределот на глава и нагмечување на глава, по што поради карактерот на повредите бил препратен во Ургентниот центар во Скопје. Увид на лице место е извршила увидна екипа од Штип.
Исто така во петокот околу 21.50 часот во Куманово на раскрсницата од бул.„Трета Македонска ударна бригада“ и бул.„Октомвриска Револуција“, се случила сообраќајна незгода помеѓу автомобил „Ровер“ управуван од А.Ј.(18) од Куманово и автомобил „Шкода Октавија“ управуван од М.С.(24) од Куманово. Во незгодата со тешки телесни повреди се здобила сопатничката во „Роверот“ С.С.(19) од Куманово, на која и била укажана лекарска помош во болницата во Куманово, по што била препратена на клиники во Скопје, додека А.Ј, М.С. и сопатниците во „Шкода Октавија“ А.Д.(28) и М.Т.(25), сите од Куманово, се задржани на лекување во Куманово. Увид на лице место извршила екипа од Куманово./крај/со/бб
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Уапсен дилер од Штип, пронајдена дрога и голема сума пари
МВР информира дека вчера по преземени оперативни мерки и дејствија, полициски службеници од Отсекот за недозволена трговија со дрога и оружје го уапсиле 32 годишниот Б.М. од Штип.
При претрес во неговиот дом во Штип извршен по насоки од надлежен обвинител, биле пронајдени и одземени прашкаста материја, поголема сума на пари и дигитална вага.
„Лицето е задржано во полициска станица и во текот на денот со кривичната пријава ќе биде предаден на судија на претходна постапка за понатамошно постапување“, соопштија од полицијата.
Црна хроника
Стружанец објавувал експлицитна содржина од малолетничка
Полицијата во Тетово поднесе кривична пријава против А.А.(41) од Струга, поради постоење основи на сомнение за сторени кривични дела „злоупотреба на лични податоци“ и „производство и дистрибуција на детска порнографија“.
Пријавениот, на социјална мрежа, објавил фотографии и видео снимки со експлицитна содржина од женско лице, кое во тоа време било малолетно.
Црна хроника
Жена од Гевгелија измамила Грк дека е од Царина и му зела 2.000 евра
Полицијата поднесе кривична пријава против М.Ј.(46) од Гевгелија, поради измама.
„Пријавената, на 13 септември на царинскиот терминал на Граничниот премин „Богородица“, го довела во заблуда грчкиот државјанин К.Г.К., на начин што лажно се претставила дека е застапник во царински постапки и лажно му прикажала факти дека сторил тежок царински прекршок, поради што ќе биде задржан на македонско-грчката граница од страна на царинските власти и му побарала 2.000 евра, за да му помогне, на што се согласил“, објави МВР во дневниот билтен.