Uncategorized
Драстични климатски промени поради човечки фактор
Нивото на светските мориња ќе се зголеми до 59 сантиметри до 2010 година со драстично топење на глечерите на Гренланд и Антарктик.
Нивото на светските мориња ќе се зголеми до 59 сантиметри до 2010 година со драстично топење на глечерите на Гренланд и Антарктик.
Ова се наведува во извештајот на ООН во рамки на Меѓувладиниот панел за климатските промени (ИПЦЦ), презентиран на разговорите што се одржуваат во Париз.
Извештајот содржи досега најсилно предупредување дека човековите активности влијаат врз загревањето на Планетата, зголемувајќи го притисокот на светските влади во врска со активноста во борба против глобалното загревање.
“Најновиот извештај на ИПЦЦ дава докази дека човековата активност довела до драстични климатски промени. Изминува времето за намалување на емисијата на гасови што предизвикуваат ефект на стаклена градина”, изјави шефот на Меѓународниот институт за животна средина и развој Камила Тулмин.
ИПЦЦ, група што опфаќа околу 2.500 научници од повеќе од 130 држави, предупреди на можноста од уште пообилни дождови, топење на глечери, суши, бранови на топлина и подигнување на нивото на морињата.
Според документот, веројатноста од над 90 проценти поради користење на фосилно гориво во последните 50 години е главна причина за феноменот на глобално загревање.
Текстот наведува дека е видлива “лепеза од знаци” за климатските промени, почнувајќи од суши во Австралија до рекордно високи јануарски температури во Европа.
Извештајот, претставен на 20 страници, предвидува пораст на температурите меѓу 1,8 и четири степени Целзиусови во 21.век.
Претставниците на ООН порачаа дека се надеваат оти извештајот ќе доведе до итни акции на светските влади за намалување на емисијата на гасови што го произведуваат ефектот на стаклена градина, а што се создаваат преку согорување на фосилно гориво во термоелектраните, фабриките и автомобилите.
/Крај/бе/ис
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Uncategorized
Средба на претседателот Африм Гаши со италијанскиот амбасадор Андреа Силвестри
Претседателот на Собранието на Република Северна Македонија, Африм Гаши, денеска оствари средба со Андреа Силвестри, амбасадор на Италијанската Репубика во РС Македонија.
Амбасадорот Силвестри му го честиташе изборот на Гаши за претседател на Собранието, како претседател избран со забележителен број гласови, посакувајќи му успешна работа и подвлекувајќи го демократскиот механизам на самиот избор. Притоа, му врачи честитка од претседателот на Италијанскиот сенат, Игнацио ла Русa, со желби за успех во натамошната работа.
Претседателот Гаши го запозна амбасадорот со тековните активности на законодавниот дом, претстојното формирање на комисиите и другите работни тела, и очекувањето за брзо формирање на новата Влада. Истакна дека како одговорен претседател ќе остане отворен за соработка со сите политички партии претставени во Собранието, бидејќи сите треба да работат за доброто на граѓаните и државата во целина. Во контекст на билатералната соработка меѓу двете земји, претседателот истакна дека високо ја вреднува соработката со пријателска Италија, земја силен поддржувач на РС Македонија на евроинтеграцискиот пат.
Амбасадорот Силвестри го информираше претседателот за постојните релации на планот на меѓупарламентарната соработка и изрази надеж дека успешната соработка ќе продолжи и во иднина по формирањето на пратеничката група во Собранието за соработка со Италијанскиот парламент. Беше споменато и неодамнешното одблежување на 30 години од воспоставените дипломатски односи меѓу Италија и Република Северна Македонија, при што амбасадорот му подари примерок од Публикацијата отпечатена по овој повод.
Двајцата соговорници разменија мислења за идната законодавна агенда, фокусот кон евроинтеграцијата на земјата и улогата на Собранието во тој процес, задржувањето на конструктивен и пријателски однос со сите соседи и градење на мостови на соработка со земјите од целот регион.
Uncategorized
Се обиделе да ограбат црква, па го нападнале клисарот: уапсени разбојници во Радовиш
Вчера во 13.30 часот во Радовиш, полициски службеници од Одделението за внатрешни работи Радовиш ги лишиле од слобода С.Р.(37) од Република Хрватска и А.К.(37) од Радовиш.
Тие се сомничат дека околу 07.30 часот од црква во Радовиш се обиделе да одземат пари, а откако биле забележани од клисарот во црквата, А.К. физички го нападнала, а С.Р. му се заканил со остар предмет, по што го напуштиле местото.
Во службен разговор во Полициската станица Радовиш тие го признале делото, по што биле задржани. За настанот бил запознаен јавен обвинител од Основното јавно обвинителство Струмица и по документирање на случајот против нив ќе биде поднесена соодветна пријава.
Uncategorized
Мицкоски на средба со австрискиот амбасадор Памер: Идната влада ќе работи на уште позасилена соработка на економско поле помеѓу двете држави
Претседателот на ВМРО-ДПМНЕ, Христијан Мицкоски, заедно со потпретседателот Тимчо Муцунски денеска оствари средба со австрискиот амбасадор Мартин Памер.
Мицкоски му се заблагодари на Памер за поддршката што Македонија ја добива од Австрија на патот на евроинтеграциите.
Одличните односи помеѓу Македонија и Австрија на економско поле ќе бидат дополнително унапредувани и поттикнувано во наредниот период, истакна Мицкоски.
Воедно, беше потенциран и планот за борбата против корупцијата и криминалот, кои ќе бидат високо на агендата на идната влада.