Свет
„Трансбалкан“ под хипотека во Портланд?!
Автотранспортното претпријатие „Трансбалкан“ од Гевгелија го заложило целиот недвижен имот вреден неколку милиони евра, од кои 30 отсто државен капитал, за заем од 500.000 евра од непозната американска фирма за производство на компјутерски софтвер.
ЛЕГАЛНО ПРЕЛЕВАЊЕ НА ДРЖАВНИОТ КАПИТАЛ
Емил Зафировски
Автотранспортното претпријатие „Трансбалкан“ од Гевгелија го заложило целиот недвижен имот вреден неколку милиони евра, од кои 30 отсто државен капитал, за заем од 500.000 евра од непозната американска фирма за производство на компјутерски софтвер.
Никола Капсаров, директор на „Трансбалкан“, ги управува доминантниот пакет акции од околу 58 отсто. Според информациите на „Време“, имотот на претпријатието е заложен под хипотека од прв ред за да фирмата целосно да биде преземена од Капсаров. Дознаваме дека сопственик на американската фирма „Софтнет“ од Портланд е Жан Глигоров од Струмица. „Време“ стапи во контакт со Глигоров, но тој одби да даде каков било коментар за информациите. Возбудено и нервозно тој само кратко изјави:
– Не ме вознемирувајте. Не сакам ништо да зборувам за тоа.
Доколку залогот не биде вратен, целокупниот имот на „Трансбалкан“ заедно со 30-те отсто државен капитал ќе стане сопственост на струмичанецот Жан Глигоров. Станува збор за претпријатие што располага со царински терминал, единствен во Гевгелија за царинење увезени и извезени стоки, автобуска станица и повеќе од триесетина автотранспортни возила. Располага со 24 објекти издадени под кирија на шпедитерски фирми, од кои наплаќа по 300 евра месечно. Годишниот приход на „Трансбалкан“ е 50 милиони денари или нешто повеќе од 800.000 евра, од кои 30 милиони се приходи од терминалот. Имотот на претпријатието лежи на 4 парцели од 60.000 квадратни метри. Остварува профит само со кревање на рампата на терминалот, 1.500 денари е само дневната лежарина за возилата.
Според раководни структури од неколку македонски банки, „Трансбалкан“ е фирма на која без проблем би и бил одобрен кредит во која било банка во земјава, доколку го побара.
Застапник на општествениот капитал во „Трансбалкан“ е Драги Делев, градоначалник на Гевгелија и член на раководството на општинскиот разгранок на СДСМ. Тој е член на Управниот одбор на претпријатието, но тврди дека не знае како била донесена одлуката претпријатието да биде заложено под хипотека од прв ред.
– Не знам. Можеби домашните банки го одбиле барањето за кредит, а можеби американската фирма нудела подобри услови и пониски каматни стапки. Не знам кој е сопственик на фирмата. Јас сум застапник на државниот капитал, но поднесов оставка и треба да бидам разрешен на следната средба на Управниот одбор – изјави Делев.
Носители на акции во „Трансбалкан“ се и Фондот за пензиско и инвалидско осигурување, Агенцијата за приватизација, Министерството за финансии, „Комуналец“ од Гевгелија, ЖТП, Општина Гевгелија, „Макпетрол“, „Инвест банка“ и 420 лица вработени во претпријатието.
Капсаров: Што ве боли вас за „Трансбалкан“
Никола Капсаров, директорот на „Транс Балкан“, одби да каже зошто е заложен имотот на претпријатието. Еве како тој разговараше со новинарите на „Време“:
– Што има вие да ми се јавувате? Што ве заболе вас за „Трансбалкан“, мајмуне еден, буљашу, гомно. Со вас ќе се видиме само на суд или ако сакате, на дуел на гевгелиската телевизија РТК – ни порача тој во телефонскиот разговор.
Капсаров вчера во гевгелискиот катастар ги построил началниците затоа што некој од нив му дал информации на „Време“ за парцелите што тој ги заложил во САД. Во „Службен весник“ од 20 април годинава се наведени броевите на заложените парцели.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Америка одбележа 24 години од најлошиот терористички напад во историјата
САД им оддадоа почит на жртвите од нападите на 11 септември, со настани во Вашингтон и Њујорк по повод 24-годишнината од терористичките напади, во сенка на убиството на Чарли Кирк еден ден претходно во Јута.
На церемонијата во споменикот на 11 септември во Њујорк, на која присуствуваа градоначалникот Ерик Адамс и директорот на ФБИ, Кеш Пател, беа прочитани имињата на жртвите.
Во четврток вечер, бројни згради во Њујорк ќе светнат во сино, а два сини снопови светлина ќе светнат кон небото над градот, во близина на местото каде што некогаш се наоѓаа кулите на Светскиот трговски центар (WTC).
Претседателот на САД, Доналд Трамп, и првата дама Меланија Трамп се појавија на комеморативен митинг во Пентагон.
Комеморацијата на 11 септември беше местото каде што му се оддаде почит на Кирк, кој беше убиен, застрелан од неидентификуван напаѓач за време на неговиот говор на Универзитетот во Јута во среда.
Тој беше „џин од својата генерација“ и „шампион на слободата“, рече Доналд Трамп за време на церемонијата во Пентагон, едно од местата погодени пред 24 години во нападите што го променија лицето на Соединетите Американски Држави и светот.
Претседателот на САД објави дека „наскоро“ посмртно ќе му ја додели на Чарли Кирк највисоката американска цивилна почест, Претседателскиот медал за слобода.
„Животот, примерот, па дури и смртта на Чарли Кирк, верен следбеник на Христос и американски патриот, ми даваат надеж“, рече министерот за одбрана Пит Хегсет за време на церемонијата во Пентагон.
Потпретседателот Џеј Ди Венс, кој првично се очекуваше во Њујорк, одлучи да го откаже своето патување за да го посети ожалостеното семејство на младиот човек во Јута.
Во терористичките напади од 11 септември 2001 година, кои го шокираа светот, беа убиени околу 3.000 луѓе.
фото: принтскрин
Свет
Нетанјаху: Нема да има палестинска држава
Израелскиот премиер Бенјамин Нетанјаху денес изјави дека „нема да има палестинска држава“ на церемонијата на потпишување на голем проект за понатамошна изградба на населби на Западниот Брег, објави агенцијата Франс-прес.
„Ќе го одржиме нашето ветување: нема да има палестинска држава, ова место ни припаѓа нам“, рече Нетанјаху за време на посетата на населбата Маале Адумим на Западниот Брег.
„Ќе го зачуваме нашето наследство, нашата земја и нашата безбедност. Ќе го удвоиме населението на градот“, продолжи тој.
Минатиот месец, Израел одобри клучен проект за изградба на 3.400 станбени единици на Западниот Брег, кој ОН и неколку странски лидери го осудија како преполовување на територијата на можна идна палестинска држава и поткопување на можноста за решение со две држави. Проектот, е познат како Е1.
Израелскиот министер за финансии од крајната десница, Безалел Смотрих, повика на забрзување на проектот и на анексијата на Западниот Брег, како одговор на најавите од неколку земји за нивната намера да ја признаат Државата Палестина.
фото: принтскрин
Свет
Заменик-шефот на Стејт департментот: Ќе им ги одбиеме визите на луѓето што се потсмеваат на смртта на Кирк
Американскиот Стејт департмент ќе „преземе соодветни мерки“ против странците во САД кои „ја слават, одобруваат или се потсмеваат“ на смртта на Чарли Кирк, изјави денес заменик-државниот секретар Крис Ландау.
Ландау посочи дека тие мерки би можеле да вклучуваат укинување на визите. Администрацијата беше агресивна во одземањето на визите, особено на студентите поврзани со протестите против војната во Газа.
In light of yesterday’s horrific assassination of a leading political figure, I want to underscore that foreigners who glorify violence and hatred are not welcome visitors to our country. I have been disgusted to see some on social media praising, rationalizing, or making light…
— Christopher Landau (@DeputySecState) September 11, 2025
„Со оглед на вчерашното ужасно убиство на истакнат политички лидер, сакам да нагласам дека странците кои го величаат насилството и омразата не се добредојдени посетители во нашата земја“, напиша Ландау во објава на својот официјален Икс профил.
„Згрозен сум кога гледам како некои на социјалните мрежи го слават, оправдуваат или се потсмеваат на овој настан и им наложив на нашите конзуларни службеници да преземат соодветни мерки“, рече тој. „Слободно известете ми за ваквите коментари од странци за да може Стејт департментот да го заштити американскиот народ.“
Si alguien conoce el nombre de la bruja, le quitamos la visa. De inmediato. Aunque dudo que tenga visa. pic.twitter.com/8KRf2AQQES
— Christopher Landau (@DeputySecState) September 11, 2025
Ландау рече дека ќе им наложи на конзуларните службеници, кои донесуваат одлуки за визи, да ги следат коментарите на неговата објава.
Како одговор на друга објава во која беше истакнат уште еден пост за пукањето, Ландау рече дека доколку некој го знае името на авторката, „веднаш ќе ѝ ја поништиме визата. Иако се сомневам дека воопшто има виза.“
фото: принтскрин
ФБИ објави фотографии од осомничениот за убиството на Чарли Кирк
ФБИ објави фотографии од осомничениот за убиството на Чарли Кирк. „Бараме помош од јавноста за идентификување на ова лице од...
ФБИ: Ја пронајдовме пушката со која беше затрелан Кирк, имаме и снимки и отпечатоци
Оружјето за кое се верува дека е употребено во вчерашното пукање врз Чарли Кирк е пронајдено, но осомничениот е сè...
Забрана за движење на територија на депонијата „Вардариште“
Управувачкиот комитет за координација и управување со системот за управување со кризи, на денешната 7-ма седница, предложи до Владата, а...
Вонреден инспекциски надзор на депонијата „Дрисла“
Во доцните попладневни часови, околу 15:15 часот, државниот Инспекторат за животна средина изврши вонреден инспекциски надзор поради пожар кој избувна...
Воздухот мириса, но ве уверувам дека не е штетен на ниво што предизвикува здравствени проблеми, вели Алиу
Иако депонијата „Дрисла“ трет ден го полни Скопје со смрдеа на изгорена пластика и гума, министерот за здравство, Азир Алиу,...
„Дрисла“ трет ден ги труе скопјани, Мицкоски со механизација од општествено одговорни компании ќе влезе на депонијата
За пожарот и чадот од депонијата „Дрисла“, кои трет ден ги трујат скопјани, премиерот Христијан Мицкоски вели дека има истрага,...
Мицкоски се извини за Фетаи: Тој се труди да го учи и зборува македонскиот јазик, не го знае оти се иселил на шест години
Потпретседателот на Владата задолжен за добро владеење, Арбен Фетаи, течно зборува четири странски јазици, а македонскиот сѐ уште го учи оти...
(Видео) Филипче: Мицкоски призна, граѓаните се оставени сами, без мерки за високите цени и со најниски плати
„Жалам што вчера премиерот изјави дека нема да се интервенира во цените на производите, вклучувајќи ги и основните прехранбени продукти,“...
Против три лица поднесено обвинение за депониите во „Вардариште“: ОЈО Скопје постапува и во други предмети за загaдување со отпад
Јавен обвинител од Основното јавно обвинителство Скопје ја заврши истражната постапка и денеска поднесе обвинителен акт против три лица за...
„Дрисла“ сѐ уште чади, агенција за обезбедување ја чува депонијата „Вардариште“
На депонијата „Дрисла“ сѐ уште има чадење, информира директорот на ДЗС, Стојанче Ангелов, кој појасни дека депониите тешко се гаснат со...
Охриѓанец паднал од третиот кат на зградата во која престојувал
Вчера во 19:38 часот во СВР Охрид е пријавено дека К.Д.(53) од Охрид паднал од третиот кат од зградата каде...
Сомнителни, незаконски и астрономски скапи набавки правело МНР за време на Бујар Османи, велат од „Вреди“
Сомнителни, незаконски и астрономски скапи набавки правел МНР за време на Бујар Османи, велат од „Вреди“. „Документите до кои дојдовме...
Последните зборови на Чарли Кирк пред атентатот: Куршум го погоди соработникот на Трамп додека зборуваше за насилство
Сѐ уште е во бегство осомничениот за атентатот на Чарли Кирк, младиот конзервативен активист, кој беше застрелан во вратот додека говореше...
Дождот не помогна многу – чадот од „Дрисла“ и утрово не стивнува, затрупувањето продолжува
Дождот засега не помогна многу во гаснењето на пожарот на депонијата „Дрисла“, чиј чад што се чувствува во воздухот во...
Шабан Салиу објави кандидатура за градоначалник на Шуто Оризари
Претседателот на Демократските сили на Ромите (ДСР), Шабан Салиу, синоќа ја промовира својата кандидатура за градоначалник на општина Шуто Оризари....
Нападот во Катар не беше мудар потег, му рекол Трамп на Нетанјаху
Американскиот претседател Доналд Трамп му рекол на израелскиот премиер Бенјамин Нетанјаху дека неговата одлука да изврши воздушни напади врз припадници...
Локални избори: на полноќ завршува јавниот увид во Избирачкиот список
На полноќ завршува увидот во Избирачкиот список, којшто граѓаните од 23 август можат да го проверат и да поднесат барања...
(Видео) Расправија за време на минутата молк за Кирк во Претставничкиот дом
За време на минутата молк за Чарли Кирк во американскиот Претставнички дом избувна жестока расправија. „Ве молам, станете за момент...
Сојузникот на Трамп убиен во атентат, ФБИ приведе осомничен, па го пушти
Чaрли Кирк (31), влијателен десничарски активист, близок до американскиот претседател Доналд Трамп и извршен директор на организацијата Turning Point USA...
Променливо облачно време, попладне со пороен дожд и грмежи
Времето денес ќе биде променливо облачно, попладне нестабилно со локален пороен дожд и грмежи. Наместа ќе има услови за изолирана...
