Свет
Стечајна судијка фалсификувала документи за државен плац
Стечајна судијка, заменик-јавен правобранител и бизнисмен, сите од гевгелиско-струмичкиот регион, се под истрага за злоупотреба на службената положба кога државата била оштетена за околу 1,7 милион денари, или околу 28.000 евра, дознава „Време“ од судски извори.
ПОЛИЦИЈАТА ВО ПОТЕРА ПО „БАЧИЛО 3“
Стечајна судијка, заменик-јавен правобранител и бизнисмен, сите од гевгелиско-струмичкиот регион, се под истрага за злоупотреба на службената положба кога државата била оштетена за околу 1,7 милион денари, или околу 28.000 евра, дознава „Време“ од судски извори.
МВР потврди дека е во тек истрага.
– Колегите работат на случајот. Во интерес на истрагата засега нема да соопштиме други детали – изјави Борче Пешевски, советник во Одделението за односи со јавноста на МВР.
„Време“ дознава дека МВР вчера веќе си ја завршиле работата. Целокупната документација му била предадена на Одделението за борба со организираниот криминал при државното обвинителство. Таму вчера било решавано дали на судот ќе му биде предложен притвор за заменик-јавниот правобранител и стечајната судијка.
Владата, како работодавец на правобранителството, вчера била информирана за истрагата против заменик-правобранителот.
Според судските извори, лани, осомничената судијка продала државен плац вреден 28.000 евра на приватна фирма од Гевгелија чиј сопственик бил нејзин близок пријател.
Кратко време по продажбата бизнисменот ја тужел државата, наводно, затоа што плацот не бил државен. Тој барал државата да му ги врати парите. Спорот го водела осомничената стечајна судијка. Таа во договор со правобранителот, направила фалсификуван документ со кој се потврдувало дека плацот не бил државен. Била донесена пресуда во корист на бизнисменот, а правобранителот не поднел жалба на пресудата.
На бизнисменот му биле вратени 28-те илјади евра.
Тој ќе биде обвинет во случајот за „поттикнување извршување на кривично дело“.
Пред неколку дена, Основниот суд Скопје 1 го тресеше афера со злоупотреба на државни пари, за настан што се случил во гевгелиско. Никола Арџанов, гевгеличанецот што добил 40.000 евра повеќе одошто требало како обесштетување за времето во кое неправедно бил држен во притвор. Тој ги вратил парите, но Врховниот суд и републичкиот судски совет и понатаму истражува можна злоупотреба на некои од актерите во тој скандал.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
ЕУ го одобри првиот закон во светот за вештачка интелигенција
Земјите-членки на Европската унија денеска го одобрија законот кој има за цел усогласување на правилата за вештачка интелигенција, таканаречениот Закон за вештачка интелигенција.
Тоа е прв акт од ваков вид во светот, кој може да постави глобални стандарди за законодавството за вештачка интелигенција, се вели во соопштението на Советот на ЕУ.
Новиот закон има за цел да ги поттикне приватните и јавните актери да развијат и усвојат безбедни и сигурни системи за вештачка интелигенција на единствениот пазар на ЕУ.
Свет
„САД сакаат да распоредат оружје во вселената и да ја направат арена на воена конфронтација“: Русија со обвинувања до САД
Руските власти ги обвинија САД дека сакаат да распоредат оружје во вселената, еден ден откако Советот за безбедност на ОН ја отфрли нацрт-руската резолуција на оваа тема, и по сличното обвинување од Вашингтон до Москва.
Тие обвинувања и контраобвиненија ги оживуваат стравовите, отсутни уште од Студената војна, за можна трка во вооружување и покрај постоењето на договор за вселената од 1967 година кој повикува „да не се развива нуклеарно оружје или кое било друго оружје за масовно уништување специјално за сместување во орбита”.
Портпаролката на руската дипломатија, Марија Захарова оцени дека американското отфрлање на нацрт-резолуцијата покажува дека САД имаат за цел „да го стават оружјето во вселената и да го направат арена на воена конфронтација“.
„Пропуштена е нова можност да се спречи трката во вооружување во вселената по вина на САД и нивните сојузници“, рече Захарова.
Во април, САД и Јапонија претставија своја нацрт-резолуција до Советот за безбедност на ОН за да се спречи милитаризација на вселената, но Русија стави вето, критикувајќи го фактот дека текстот се фокусира само на еден вид оружје, нуклеарното оружје.
Нацрт-резолуцијата претставена од Русија и Кина во понеделникот, која делумно го содржи текстот блокиран во април, исто така ги повикува сите земји-членки да преземат „итни мерки“ за трајно да го спречат поставувањето оружје во вселената и заканата или употребата на сила во вселената.
Сепак, тој нацрт не ги собра деветте гласови потребни за усвојување.
Американскиот заменик-амбасадор Роберт Вуд ја нарече руската иницијатива „лицемерна“, велејќи дека Москва сака „да го одвлече вниманието од нејзините опасни напори да го стави нуклеарното оружје во орбитата“.
Во февруари Белата куќа даде гаранции дека Русија развива антисателитско нуклеарно оружје, обвинувања кои Москва ги отфрли.
Свет
Американската министерка за финансии: Санкциите против Русија најмногу се заобиколуваат преку Кина, Обединетите Арапски Емирати и Турција
Американската министерка за финансии Џенет Јелен денеска ги повика директорите на европските банки да ја зајакнат контролата врз спроведувањето на американските санкции против Русија.
„Ги повикувам сите институции овде строго да се придржуваат до мерките и уште повеќе да се фокусираат на руските обиди да се избегнат санкциите“, рече Јелен, пренесе Ројтерс.
Таа изјави дека санкциите воведени во декември 2023 година ги попречиле напорите на Русија за производство на стоки неопходни за војната во Украина, но во исто време додаде дека треба да се направи повеќе на ова поле.
Јелен побара од шефовите на европските банки да се погрижат нивните филијали и подружници во странство да ги почитуваат санкциите против Русија.
Таа нагласи дека американските санкции против Русија во моментов се заобиколуваат најмногу преку Кина, Обединетите Арапски Емирати или Турција.
Американското Министерство за финансии продолжува да истражува нови можности кои би го намалиле приходот на Русија и би ја спречиле Москва да набавува производи што ги користи за војната во Украина, заклучи Јелен.