Uncategorized
Бројот на жртви во Бомбај достигна 200
Најмалку 200 жртви, е најновиот биланс од седумте разорни експлозии што синоќа одекнаа во Бомбај, соопштија денеска индиските власти.
Најмалку 200 жртви, е најновиот биланс од седумте разорни експлозии што синоќа одекнаа во Бомбај, соопштија денеска индиските власти.
“Пронајдени се 200 тела“, потврди во локалниот Парламент заменикот-премиер на државата Махараштра.
Во нападите се повредени повеќе од 700 лица, а се стравува дека бројот на жртви не е конечен.
Експлозиите одекнаа во преполни возови во кои за време на најголемите сообраќајни турканици се превезуваа над 4.500 лица што е речиси три пати повеќе од предвидениот капацитет.
Никој, досега, не ја презел одговорноста за нападите, но се верува дека се организирани од кашмирски сепаратисти кои и претходно прибегнувале кон терористички напади врз индиски градови.
Индија, денеска, го повика северниот сосед Пакистан да ја “демонтира“ терористичката инфраструктура на своја територија, но се воздржа од директни обвинувања дека Пакистан, со кого води спор околу Кашмир, е одговорен за најновите терористички напади.
Њу Делхи верува дека кашмирските сепаратисти ги обучува, вооружува и финансира Исламабад.
Соопштението на индиското Министерство за надворешни работи уследи како одговор на изјавата на шефот на пакистанската дипломатија, кој сугерираше дека експлозиите во Бомбај се резултат на судирите во Кашмир.
“Сметаме дека е ужасно што министерот Куршид Махмуд настојува да го поврзе овој страшен и нехуман чин на тероризам против мажи, жени и деца, со наводно отсуство на решение во спорот меѓу Индија и Пакистан“, изјави портпаролот на индиското Министерство Навтеј Сарна.
Десетици милитантни групи се борат во Кашмир против индиските власти настојувајќи да го припојат овој мнозинско-муслимански регион кон Пакистан.
Бомбашките напади во Бомбај денеска ги осуди и НАТО кој на индиските власти им ја понуди помошта на меѓународната заедница во борба против тероризмот.
“НАТО е покрај Индија во овие тешки времиња. Го осудуваме тој варварски чин на најостар можен начин и жалиме за бесмисленото губење на невини животи“, наведе генералниот секретар на НАТО Јап де Хоп Шефер.
Нападите во Бомбај претставуваат “директен предизвик за нашата заедничка безбедност и за основните демократски вредности што ги делиме со Индија“, наведува Шефер, во писмото упатено до индискиот амбасадор во Брисел.
/Крај/бе/ис
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Uncategorized
Минчев – Жариќ-Ковачевиќ: Зајакнување на билатералната соработка меѓу Република Македонија и Република Србија во јавната администрација
Во рамки на зајакнување на регионалната соработка, Министерот за јавна администрација на Република Македонија, Горан Минчев, оствари билатерална средба со Министерката за јавна администрација и локална самоуправа на Република Србија, Јелена Жариќ Ковачевиќ, на која разговараа за областите на соработка насочени кон унапредување на системите на јавна администрација во двете земји.
На средбата беа истакнати одличните релации меѓу држави, при што двајцата министри изразија заедничка посветеност за продлабочување на соработката во областа на владеењето и административните реформи.
Во таа насока, заложбите на двете страни кулминираа со договор за потпишување на Меморандум за соработка во перидот кој следи, а кој ќе ја формализира размената на најдобри практики, заеднички иницијативи и споделена експертиза во јавната администрација.
„Потпишувањето на овој меморандум за соработка ќе означи ново поглавје во партнерството меѓу Република Македонија и Република Србија во областа на јавната администрација, едновремено истакнувајќи ја нашата заедничка цел, а тоа е модернизирање на јавна администрација и унапредување и зајакнување на процесите и капацитетите кои произлегуваат од неа.”- истакна министерот Минчев.
Министерката Жариќ Ковачевиќ ја потврди оваа иницијатива, истакнувајќи ја важноста на регионалните партнерства во поттикнувањето на реформите кои ќе ја подобрат испораката на јавните услуги за граѓаните во двете земји.
Двете министерства ќе се заложат преку редовни консултации и состаноци да работат на конкретни процеси кои ќе придонесат за ефективна имплементација на реформите во јавната администрација, а кои ќе бидат дел од Меморандумот за соработка.
Uncategorized
(Видео) Гори дел од касарна, голем пожар во Србија
Во делот од касарната лоциран во близина на болницата ВМА, во Бањица денеска во попладневните часови имало пожар.
View this post on Instagram
Како што се гледа на видеото кое е објавено на социјалната мрежа Инстаграм, во тој дел од градот се шири густ чад.
На терен се 12 пожарникари и четири противпожарни возила.
Uncategorized
Општина Аеродром доделува мали грантови за управување со отпад
Општина Аеродром објавува повик за доделување мали грантови за граѓанските организации на тема „Зајакнување на заедниците за одржливо управување со отпад од пакување“.
Целта на повикот е да се променат навиките на локалното население за селектирање отпад од пакувања во своите домаќинства и да се научат на правилна селекција на отпадот, пред сè, пластика и лименки.
Вкупниот износ на финансиските средства за грантот изнесува 25.000 евра обезбедени преку проектот финансиран од Европската Унија „Clean AirDrom – нула цврст отпад во Општина Аеродром“.
Минималната вкупна сума што може да ја добие една граѓанска организација е 2.500 евра, додека максималниот износ по грант изнесува 5.000 евра во денарска противвредност.
Јавниот повик е отворен за граѓански организации што се формално регистрирани на територијата на Град Скопје најмалку 2 (две) години пред објавата на овој повик.
Предност ќе имаат оние организации што во својата мисија и статут имаат заложби за зајакнување на заедниците за одржливо управување со отпад и кои во својот фокус ги имаат младите.
Проектите може да бидат со времетраење од 3 месеци, односно да се спроведат во периодот од ноември 2024 година до јануари 2025 година.
Предлог-проектите мора да се спроведуваат исклучиво на територијата на Општина Аеродром.
Рокот за поднесување на предлог-проектите е до 16.10.2024 година, најдоцна до 15:00 часот во Архивата на Општина Аеродром (соба број 7 на први кат) или електронски преку е-адресата [email protected]. Подетални информации за повикот може да се добијат на телефонскиот број 075/572-830.
Документацијата за поднесување на предлог-проектите може да се преземе на следниов линк.