Македонија
Договор за полициска и царинска соработка со Бугарија

Македонија и Бугарија имаат добра соработка во борбата против организираниот криминал, заклучија министерката за внатрешни работи Гордана Јанкуловска и бугарскиот колега, Михаил Миков, на денешната средба во Скопје
Миков и Јанкулоска се согласија дека за исполнувањето на условите за членство на Македонија во Европската унија, може да се користи бугарското искуство. Миков ја пренесе бугарската поддршка за европската перспектива на Македонија и додаде дека на сите нивоа ќе настојува што побрзо Македонија да влезе во белата шенген-листа. Двајцата министри за внатрешни работи, денеска, во Скопје, потпишаа Договор за основање и функционирање на заеднички Контакт-центар за полициска и царинска соработка.“Денешниот Договор е исклучително значаен и е прв од ваков вид за Република Македонија во кој заедно со една соседна држава ќе постои центар, со кој заедно ќе се управува со границата и со сите процеси, кои се од важност за граѓаните, кои ја поминуваат границата“, изјави Јанкулоска по средбата. Потпишувањето на Договорот, као што соопшти Јанкулоска, е дел од исполнувањето на критериумите од европското АКИ за имплементација на шенгенското право. Ваквиот вид контрола на границата, според неа, ќе овозможи унифициран пристап во менаџирањето со граничната линија, но и олеснување на процедурите за нејзино преминување.На средбата, станало збор и за други заеднички проекти, кои ќе се реализираат во иднина. Договорено е во периодот што следува да се реализираат неколку посети на оперативно ниво, за допрецизирање на активностите за заедничка реализација на проектите.Според бугарскиот министер, Миков, денешниот Договор чувањето на границата ќе биде многу поефикасно од двете страни, а ќе ја подобри и соработката меѓу двете полиции и царини.“Овој Договор е чекор за отворање помеѓу нашите две држави. Заедно учествуваме во Конвенцијата за борба против организираниот криминал во ЈИЕ, што е еден модерен инструмент на соработка на шенгенска основа. Врз таа основа и како резултат на добрата соработка помеѓу професионалците од двете држави, мислам дека, ќе имаме подобра соработка и успех во борбата против организираниот криминал“, рече Миков. Создавањето правна основа и соработка со соседите е важен услов за влегувањето на Бугарија во шенген-зоната во 2011 година, смета Миков, а изјави дека Бугарија нема толку добра соработка со сите соседни држави, како со Македонија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Обвинителството ја запре постапката против починатиот управител на „Пулс“

Основното јавно обвинителство Кочани ја запира постапката против Александар Карадакоски, кој денеска почина по повредите добиени во пожарот во дискотеката „Пулс“ во Кочани, а во која тој бил управител.
„Со оглед на тоа што денешната 60-та жртва од катастрофалниот пожар во Кочани е лице што претходно беше опфатено со наредбата за спроведување истражна постапка, во својство на управител на правно лице, Основното јавно обвинителство Кочани, по прибавување на официјалната документација за настапената смртна околност, ќе донесе наредба за запирање на истражната постапка за него“, соопштија од Јавното обвинителство.
Македонија
(Видео) Манасиевски го обвини Апасиев дека купил деловен простор во Центар за 721 еврo м2

Валентин Манасиевски, член на ЦК на ВМРО-ДПМНЕ, го обвини Димитар Апасиев дека купил деловен простор во Центар за 721 евра м2. Тој обвини и дека се крие договор под маса меѓу Апасиев, извршителот и банката за купување на деловниот простор во строгиот центар на Скопје.
„Апасиев да каже како купил деловен простор во строг Центар на Скопје за 721 евра м2. Пропаднатиот аскет во обид, Апасиев е целосно демаскиран. Тој на 26.11.2024 година преку Левица купил 409м² деловен простор во строгиот центар на Скопје, зад седиштето на компанијата А1, по цена и до три пати пониска од пазарната. Левица на Апасиев за м² платила 721 евро, во услови кога м² не може да се купи под 2000 евра. Дополнително, овој имот Левица го купува преку извршител, што значи истиот е одземен од некој граѓанин или од фирма“, тврди Манасиевски.
Според него, се поставува логичното прашање, како извршителот не можел да постигне цена на објект во строг центар на Скопје, анимирал ли доволно потенцијални купувачи или целиот процес го водел многу тивко?
Манасиевски прашува дали се крие договор под маса помеѓу извршителот – Апасиев и доверителот?
„Доверителот во овој случај е УНИ банка, со бугарски капитал. Се поставува прашањето како банката дозволила и не анимирала свои клиенти за наддавањето? Особено кога се зема во предвид дека во банките се даваат кредити за слични објекти и станови на граѓани во градба кога м² се проценува и над 2000 евра? Која е економската логика на банката тука? Дали зад ова купување се крие нешто повеќе и што“, праша Манасиевски и ги повика надлежните институции да истражат.
Македонија
Левицата: Воведените царини се доказ дека Македонија никогаш не била стратешки партнер на САД

Санкциите што САД ги воведоа на Македонија, со зголемување царини на увоз на роба за 33% – со стапки повисоки од оние наметнати на земји кои со години се под американски санкции се очигледен доказ дека Република Македонија за САД всушност никогаш не била стратешки партнер, туку само стратешка алатка во служба на нивните империјалистички интереси, сметаат од партијата Левица.
„Повеќе од две децении македонските политички елити, без разлика дали доаѓаат од ДПМНЕ или СДС, водат вазалска политика потчинета на Вашингтон. Под превезот на тнр. „стратешко партнерство“, Македонија ги прифати сите ултиматуми од САД – од Охридскиот рамковен договор, промената на името па сè до склучување зделки погубни за домашната економија со единствена цел за задоволување на интересите на американските корпорации. Сето ова не ја поштеди Македонија од ударите на „стратешкиот партнер“. Додека народот плаќа милијарди на американски компании како „Бехтел и Енка“ при што Собранието воведува робовладетелски противуставни закони за работа од 72 часа неделно и додека буџетот за НАТО се зголемува на штета на македонските граѓани, САД ја косат македонската економија со драконски царини“, пишува во соопштението.
Како што велат од партијата, кмет на ваквите политики во Македонија е Христијан Мицкоски, кој, како што се наведува, во очајнички обид да ѝ се додвори на новата екстремнодесничарска американска администрација, годинава неколкупати го посети Вашингтон, присуствувајќи дури и на инаугурацијата на претседателот на САД Доналд Трамп.
„Ваквото шеткање на Мицкоски и неговата делегација низ маргиналните коридори на американската администрација на Република Македонија успеа да ѝ донесе фатален економски удар среде ужасната криза во која нашата држава се наоѓа. Потребата за активно вклучување во тековите на мултиполарниот свет никогаш не била поочигледна, а Левица е единствена партија којашто се залага за партнерство со сите земји членки на Советот за безбедност на ООН, како и приоретизирање политика на економска и инвестициска соработка, а не марионетско фигурирање кое форсира пристрасност, противречие и функција на пион во меѓународни трговски битки. Позицијата на Левица останува јасна – Република Македонија нема да биде колонија на САД и ќе води внатрешна и надворешна политика врз основа на сопствените интереси, а не раководена од диктатот на Вашингтон и Брисел“, велат од партијата.