Спорт
Бразил ја врати вербата во првенството
Во натпреварот во второто коло од Групата Г, „селекао“ во Јоханесбург сигурно го совлада Брегот на слоновата коска со 3:1 со што практично си го обезбеди осминафиналето
Покрај тоа што Бразил убедливо резултатски се зацврсти на првото место во групата, неговите фудбалери пружија игра достојна на мундијал и на фаворит за освојување на титулата. Интересниот ден во Јужна Африка беше заокружен со овој вечерен меч во кој проследевме убав фудбал, со смислени акции, проигрувања и голови, се разбира по веќе од страна на победникот. Се чини дека репрезентативците на БСК, иако најавуваа голема борба на теренот, согореа во желбата барем за половичен успех, а императивот им ги врза нозете. Добра доза за таквиот впечаток има и несомнено поставеноста на играта од трана на бразилскиот селектор Дунга, со што иако „слоновите“ играа со тројца напаѓачи во врвот, се чинеше дека нивниот најопасен играч Дидие Дрогба е сосема осамен во нападот. Но останува фактот дека Дрогба е првиот африкански фудбалер кој му дал гол на Бразил. Ако Дунга може да биде задоволен од резултатот и од играта на некои од клучните играчи, голема грижа ќе му зададе реакцијата на дисциплинската комисија за двојниот жолт картон на Кака. Може да се претпостави дека по прегледувањето на снимката од мечот, ќе се утврди дека станува збор глума на противничкиот играч и евентуалната казна за исклучувањето на бразилскиот ас ќе биде само суспензија за следниот меч. Поголема грижа е повредата на вечерашниот стрелец Елано, кој по постигнувањето на голот беше жртва на преостар стар на Тиоте. По овој во најмала рака груб старт, играчите на БСК како конечно да сфатија против кого играат вечерва и каква е нивната перспектива да продолжат со натпреварите на мундијалот. Но наместо да се мотивираат играчки, тие веќе покажаа немоќ и нервоза, терајќи го мечот во еден момент на работ од инцидент. Инцидент. Ваквиот развој на ситуацијата оди на душа на францускиот судија Ланоа кој навреме требаше да го почувствува моментот кога веќе престан ада се работи за стартови врз противничките играчи „во жарот на борбата“. Бразил покажа фудбалска надмоќ а посебно за одбележување е играта на Кака кој по слабата сезона во Реал Мадрид се наметнува како лидер на оваа селекција на петкратните светски шампиони. Тој двапати асистираше за успешна реализација на Лиуш Фабиано. Почетокот на мечот, поточно речиси целото прво полувреме не ветуваше меч со голови. Речиси се играше без шанси, а од една грешка на противничката одбрана во 25. минута Фабиано го исполни празното прво полувреме. Судијата Ланоа, но уште повеќе неговите противниц направија превид во 50. минута кога Фабиано по вторпат постигна погодок а притоа во истиот напад дури двапати играше со рака. Но се’ се случи брзо, што ниту противниците го забележаа тоа што сите го видовме на повторените снимки. А кога Елано во 62. минута го постигна водството од 3:0, имајќи ја предвид веќе забревтаната бразилска машина се чинеше дека ќе следиме половина час атрактивна игра и повеќе голови. Но како што рековме играчите на Брегот психолошки лошо го примија недостижното водство на Бразил. Дотогаш тие имаа само една, би рекле повеќе случајна можност, кога Дрогба сам пред Хулио Сезар со глава биеше само покрај неговата лева статива. Единствената смислена акција денеска резултираше со уште еден шут со глава на Дрогба но овојпат неодбранливо за Сезар. Оваа акција потсети зошто фудбалските вљубеници вечерва многу очекуваа од натпреварот и дека во африканската селекција играат добри фудбалери од најсилните европски лиги. На две минути пред крајот на мечот Кака набрзина ги заработи двата жолти картона, првиот сосема заслужено, па така ќе отсуствува од мечот во третот коло со „европските кариоки“, селекцијата на Португалија која ќе биде ослабена во средниот ред за португализираниот Бразилец од англиски Челзи, Деко. Во понеделник инаку Португалија се среќава со Северна Кореја во вториот меч од второто коло од групата која условно беше наречена „група на смртта“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Шампионската титула на Реал ќе му биде врачена зад затворени врати
Фудбалскиот сојуз на Шпанија не го прифати барањето на реал Мадрид, 36.шампионска титула да им биде врачена по натпреварот со Алавес на 14.мај.
Реал, во саботата, математички ја обезбеди шампионската титула во Шпанија. Планот на Фудбалскиот сојуз на Шпанија беше трофејот на „кралскиот клуб“ да му биде врачен во сабота во Гранада.
Овој предлог Реал го одби од почит кон противникот. Одбија да слават на теренот на тимот кој испаѓа од Примера.
Поради тоа Флорентино Перез побара титулата на играчите да им биде врачена на 14.мај кога на „Сантијаго Бернабеу“ ќе гостува Алавес. Овој предлог Фудбалскиот сојуз на Шпанија го одби и најави дека трофејот ќе биде врачен во 12 мај наутро во тренинг центарот на Реал во Валдебебас, зад затворени врати.
Федерацијата го извести Реал Мадрид да ги извести играчите дека треба да бидат во Валдебебас во недела наутро, бидејќи планот е церемонијата да се во 9:30 часот, а на доделувањето на трофејот нема да присуствуваат навивачите.
Трофејот ќе го врачи претседателот на шпанската фудбалска федерација Педро Роча.
Спорт
(Видео) Ова е совршено изведен пенал
Многумина тврдат дека ова е најдобро изведениот пенал во историјата на фудбалот.
Често велат дека пеналите се лотарија и не постои перфектно изведен пенал. Сепак, за шутирање од белата точка е потребен и тренинг, а не само талент. И ако ги комбинирате двете, тој пенал навистина може да биде совршен.
Во шпанската Сегунда на четири кола пред крајот се води голема борба за пласман во Ла Лига. Во моментов водат Леганес и Ваљадолид со по 67 бодови, а зад нив е Еибар со 64 бодови.
Токму Еибар, викендов славеше со убедливи 5:0 против Аморебиета, а мечот го одбележа пеналот на Агер Акече.
Otro ángulo del gol de Aketxe. #SDEibar pic.twitter.com/n40j2V88t5
— El Milagro de Valencia (@EibarXtra) May 6, 2024
Спорт
Просинечки ги издвои најдобрите од поранешна Југославија, не го спомна Модриќ
Роберт Просинечки (55) пред три месеци стана селектор на црногорската фудбалска репрезентација. Откако ги победи Белорусија и Македонија во првите пријателски натпревари, тој одговараше на прашања за социјалните мрежи на Фудбалскиот сојуз на Црна Гора.
Најинтересен е одговорот на прашањето кое Црногорците го нарекоа ултимативно: Кој е најдобриот екс-ју фудбалер на сите времиња?
„Тешко ми е да го кажам. Знаете, ако кажам Дејо Савиќевиќ, тогаш ќе кажат дека тој е мојот претседател. Имаше многу добри играчи на овие простори, секој од нив обележа еден период. Ги имаше многу, за никој да не се налути или да помисли нешто. Имаше неверојатен број на одлични играчи од генерацијата на Хрватска, а да не зборуваме за играчите кои направија неверојатни кариери, играа во најголемите клубови толку години, па тешко ми е да кажам кој е најдобриот, но еден од нив е Шукер, па Шукер, Бобан потоа Папе Сушиќ. Ова го кажав на брзина. Тоа беа играчите кои го обележаа фудбалот не само во Хрватска туку и во поранешна Југославија.”
Интересно, Просинечки не го ни спомна Лука Модриќ, единствениот добитник на Златна топка од просторот на поранешниот југ и најтрофејниот фудбалер во историјата на Реал.