Односите меѓу Русија и Грузија нагло се влошуваат, откако Москва денеска нареди евакуација на дел од руските државјани од соседната земја.

Односите меѓу Русија и Грузија нагло се влошуваат, откако Москва денеска нареди евакуација на дел од руските државјани од соседната земја.

Министерството за надворешни работи во Москва воедно соопшти, дека и на амбасадорот на Русија во Грузија му е наредено да ја напушти земјата.

Ваквата одлука на Русија уследи по серијата апсења што го изврши Грузија вчера и минатата ноќ на руски офицери, обвинувајќи ги за шпионажа, како и со денешната блокада на штабот на руските воени сили лоциран во Тбилиси, при што се бара предавање на уште едно лице.

Образложението на Русија за повлекувањето на руските официјални лица е образложено со „загрозеност на нивната сигурност“.

Руската амбасада во Тбилиси од денеска престана да бара и примања молби за издавање визи за грузиски државјани кои сакаат да заминат во Русија, а Москва, воедно, им препорача на Русите да не патуваат во Грузија

Од друга страна, грузискиот министер за внатрешни работи Вано Мерабишвили изјави дека уапсените петмина Руси, од кои четворица офицери, извршувале шпионски работи против Грузија, како што се односите на Грузија со НАТО, нформации за пристанишната и железничката инфраструктура на земјата, за опозиционите партии и за Армијата.

„Ние успеавме да неутрализираме многу сериозна и опасна група“, изјави грузискиот министер.

Двете земји имаат затегнати односи од распадот на Советскиот сојуз во 1992 година, поради сецесионистичките движења на руското малцинство во Абхазија и во Јужна Осетија, покраини кои „де јуре“ се составен дел од Грузија, но Тбилиси повеќе од една деценија нема контрола на тие територии.

/крај/риа/ббц/б