Свет
ЕК: Стратегија за подобрување на животот на лицата со посебни потреби
Европската комисија усвои нова стратегија со која ќе се подобрат можностите за лицата со посебни потреби за да можат во потполност да ги уживаат своите права, соопштено е од Брисел.
„Стратегијата на ЕУ се фокусира на тоа на луѓето со посебни потреби да им се овозможи да ги уживаат своите права на рамноправна основа со другите и да се отстранат препреките во нивниот секојдневен живот“, се вели во соопштението кое го пренесе Хина.
Главните акции меѓу другото, се состојат од иницијативата за достапноста на стоката и услугите, взаемното признавање на националните инвалидски легитимации, олеснување во користењето на знаковниот јазик и Брајовата азбука во изборните процеси и прашањата врзани за европските институции.
Во Европа има околу 80 милиони луѓе со посебни потреби а со новите мерки се очекува подобрување и во европската економија/крај/хи/ми
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Украина: Прекрасно изгоре, уништивме ракетен систем во Русија со западно оружје
Украинските власти соопштија дека вчера успешно го погодиле рускиот ракетен систем „С-300“ користејќи оружје испорачано од Запад. Системот бил лоциран на руска територија, пишува CNN.
„Прекрасно изгоре. Тоа е руски „С-300“, на руска територија. И во првите неколку дена по дозволата за употреба на оружје испратено од Западот на непријателска територија“, објави на Фејсбук министерката на украинската влада Ирина Верешчук и прикачи слики од наводниот напад.
Украина претходно гаѓаше цели на руска територија, но овој пат тоа го направи со западно оружје, што може да предизвика остра реакција на рускиот претседател Владимир Путин, кој минатата недела ги предупреди членките на НАТО дека треба „да бидат свесни со што си играат“ кога зборуваат за напади на територијата на Русија, пренесува медиумот.
Американскиот претседател Џо Бајден и даде дозвола на Украина да користи американско оружје за напади на руска територија, под услов тие да гаѓаат само цели во близина на границата во близина на Харков. По оваа одлука, Украина може да ја користи артилеријата „Химарс“, која и ја доставиле САД, за напади врз руски војници и командни центри во Русија, но сепак не е дозволено да користи американски системи со долг дострел.
Германија, Франција, Британија и некои други европски земји неодамна се одлучија на сличен потег. Украинскиот претседател Володимир Зеленски ја пофали одлуката на Бајден и рече дека тоа е „чекор напред“ во одбраната на Харков.
Од друга страна, во интервју за Гардијан, тој јасно стави до знаење дека при напади на руска територија мора да има можност да користи моќно оружје со долг дострел – што е „црвена линија“ на САД. Генералниот секретар на НАТО Јенс Столтенберг минатата недела изјави дека НАТО има право да и помогне на Украина во нејзиното право на самоодбрана и дека тоа не ја прави Алијансата учесник во војната.
Свет
Америка: Единственото нешто што спречува итно примирје е Хамас
Портпаролот на Стејт департментот Метју Милер рече дека предлогот за прекин на огнот во Газа што го претстави американскиот претседател Џозеф Бајден е „речиси идентичен со оној што Хамас рече дека ќе го прифати пред само неколку недели“ и додаде дека „единственото нешто што го спречува прекинот на огнот“ е Хамас.
Тој додаде дека Америка и другите посредници „се уште не добиле официјален одговор на предлогот од милитантната групација“
„Светот треба да знае, палестинскиот народ треба да знае дека единственото нешто што го спречува итното примирје е Хамас“, рече Милер, а пренесува „ABC News“.
Тој додаде дека има некои разлики меѓу предлозите што Хамас претходно изјави дека ќе ги прифати, но посочи дека Америка, Катар и Египет сметаат дека пречките може лесно да се отстранат.
Минатиот петок американскиот претседател Бајден претстави предлог што треба да доведе до ослободување на заложниците од Газа и прекин на огнот, пренесува Танјуг.
Свет
Земјотрес ја погоди Швајцарија
Земјотрес со јачина од 4,4 степени според Рихтеровата скала синоќа ја погоди Швајцарија, објавено е на веб-страницата на швајцарската сеизмолошка служба.
Земјотресот се случил во 2 часот и 34 минути, а епицентарот бил на длабочина од 10 километри, на 32 километри југоисточно од Цирих.
Швајцарската сеизмолошка служба навела дека земјотресот најверојатно го почувствувале граѓаните низ целата земја, а тој можел да предизвика помали штети во близина на епицентарот, пренесува Танјуг.