Uncategorized
Холандија прави најмногу за сиромашните
Холандија дава најмногу за сиромашните и е најпосветена во меѓународните напори за рамномерен развој.
Холандија дава најмногу за сиромашните и е најпосветена во меѓународните напори за рамномерен развој.
Ова го оцени угледниот „Центар за глобален развој и надворешна политика“(ЦГД/НП), кој неодамна го објави својот редовен годишен „Индекс на посветеност на развојот“.
Според Индексот 2006, Холандија, споредено со 21 високоразвиени земји во светот, изби на прво место според нејзината политика, материјална и друга помош, за оние земји и региони во светот каде тоа е најпотребно.
На второ место остана Данска, на трето Шведска, а по нејзе е Норвешка. Од другите 21 богати земји, Британија е на 12 место, САД на 13, а последна по својата дарежливост е Јапонија.
Индексот се составува врз основа на широк список на фактори врз кои се гради оценката, како и врз седум области во кои земјата ја спроведува политиката, како што се трговија, инвестиции, миграција, екологија и слично.
Истражувањето се занимава и со издвојувањата од буџетот за донации, но и со квалитетот на дадената помош.
Центарот во своите оценки не ги зема како основен критериум директните финансиски издатоци на државите, зашто, иако на пример во вкупниот обем на финансиски средства САД дава најмногу, сепак, според развиеноста на нивната економија даваат најмалку донации споредено со другите 21 развиена земја.
Освен тоа, поголемиот дел од помошта на САД се состои во испраќање на производи и добра од американско потекло, што се толкува како „донации со заднина, во полза на американските интереси“
Претседателот на ЦГД, Ненси Бирдсел, при презентацијата на резултатите го поздрави вкупното подобрување на посветеноста на богатите во намалувањето на сиромаштијата. Таа, сепак потсети, дека светските лидери не го исполнија своето ветување, кога ја прогласија 2005 за „Година на развојот“.
Годинешниот „лауреат“ по дарежливост, Холандија, е најголемиот европски билатерален донатор на Македонија. На годишно ниво, поддршката на Холандија изнесува околу 22 милиона евра.
Во 2001-2002 година, како поддршка на спроведувањето на рамковниот договор, оваа помош беше скоро дуплирана. Дел од средствата што редовно се донираат на Македонија се директна поддршка на државниот буџет, тн. макро-финансиска помош
/крај/ббц/цгд/б
.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Uncategorized
Минчев – Жариќ-Ковачевиќ: Зајакнување на билатералната соработка меѓу Република Македонија и Република Србија во јавната администрација
Во рамки на зајакнување на регионалната соработка, Министерот за јавна администрација на Република Македонија, Горан Минчев, оствари билатерална средба со Министерката за јавна администрација и локална самоуправа на Република Србија, Јелена Жариќ Ковачевиќ, на која разговараа за областите на соработка насочени кон унапредување на системите на јавна администрација во двете земји.
На средбата беа истакнати одличните релации меѓу држави, при што двајцата министри изразија заедничка посветеност за продлабочување на соработката во областа на владеењето и административните реформи.
Во таа насока, заложбите на двете страни кулминираа со договор за потпишување на Меморандум за соработка во перидот кој следи, а кој ќе ја формализира размената на најдобри практики, заеднички иницијативи и споделена експертиза во јавната администрација.
„Потпишувањето на овој меморандум за соработка ќе означи ново поглавје во партнерството меѓу Република Македонија и Република Србија во областа на јавната администрација, едновремено истакнувајќи ја нашата заедничка цел, а тоа е модернизирање на јавна администрација и унапредување и зајакнување на процесите и капацитетите кои произлегуваат од неа.”- истакна министерот Минчев.
Министерката Жариќ Ковачевиќ ја потврди оваа иницијатива, истакнувајќи ја важноста на регионалните партнерства во поттикнувањето на реформите кои ќе ја подобрат испораката на јавните услуги за граѓаните во двете земји.
Двете министерства ќе се заложат преку редовни консултации и состаноци да работат на конкретни процеси кои ќе придонесат за ефективна имплементација на реформите во јавната администрација, а кои ќе бидат дел од Меморандумот за соработка.
Uncategorized
(Видео) Гори дел од касарна, голем пожар во Србија
Во делот од касарната лоциран во близина на болницата ВМА, во Бањица денеска во попладневните часови имало пожар.
View this post on Instagram
Како што се гледа на видеото кое е објавено на социјалната мрежа Инстаграм, во тој дел од градот се шири густ чад.
На терен се 12 пожарникари и четири противпожарни возила.
Uncategorized
Општина Аеродром доделува мали грантови за управување со отпад
Општина Аеродром објавува повик за доделување мали грантови за граѓанските организации на тема „Зајакнување на заедниците за одржливо управување со отпад од пакување“.
Целта на повикот е да се променат навиките на локалното население за селектирање отпад од пакувања во своите домаќинства и да се научат на правилна селекција на отпадот, пред сè, пластика и лименки.
Вкупниот износ на финансиските средства за грантот изнесува 25.000 евра обезбедени преку проектот финансиран од Европската Унија „Clean AirDrom – нула цврст отпад во Општина Аеродром“.
Минималната вкупна сума што може да ја добие една граѓанска организација е 2.500 евра, додека максималниот износ по грант изнесува 5.000 евра во денарска противвредност.
Јавниот повик е отворен за граѓански организации што се формално регистрирани на територијата на Град Скопје најмалку 2 (две) години пред објавата на овој повик.
Предност ќе имаат оние организации што во својата мисија и статут имаат заложби за зајакнување на заедниците за одржливо управување со отпад и кои во својот фокус ги имаат младите.
Проектите може да бидат со времетраење од 3 месеци, односно да се спроведат во периодот од ноември 2024 година до јануари 2025 година.
Предлог-проектите мора да се спроведуваат исклучиво на територијата на Општина Аеродром.
Рокот за поднесување на предлог-проектите е до 16.10.2024 година, најдоцна до 15:00 часот во Архивата на Општина Аеродром (соба број 7 на први кат) или електронски преку е-адресата [email protected]. Подетални информации за повикот може да се добијат на телефонскиот број 075/572-830.
Документацијата за поднесување на предлог-проектите може да се преземе на следниов линк.