Македонија
Без струја утре повеќе скопски населби
Од 9 до 13 часот и 30 минути, делумно, во времетраење од по два часа, утре без електрична енергија ќе останат дел од станбените објекти на улиците „Димитар Мирчев“ и „50 Девизија“, како и стопанските и нестопански објекти во реонот
Како што соопшти Регионалниот центар за управување со кризи на Град Скопје, од 10 до 12 часот, без електрична енергија ќе бидат дел од станбените објекти на улицата „Смилевска“, зад Истражниот затвор.Од 9 часот и 30 минути до 15 часот и 30 минути, без снабдување со електрична енергија ќе останат дел од потрошувачите од населбата Ново Лисиче лоцирани на булеварот „АСНОМ“ – кулите со броевите 30, 32, 34, 36, дел од потрошувачите на улица „1.502“ – станбен објект број 3, дел од потрошувачите во населбата Чаир, лоцирани на улица „Ресенска“ – зградите со број 3, 5, 6, 7, 8, 10, 11, 12, 14, дел од потрошувачите од населбата Карпош, лоцирани на улица „Разловечко Востание“ број 26а и улицата „Вич“ број 28а, како и останатите стопански и нестопански објекти во овие реони.Прекините во снабдувањето со електрична енергија се заради реализација на инвестициски зафати за подобрување на квалитетот во снабдување со електрична енергија на потрошувачите во реонот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Каевски од голтар до милионер, фатен како прави милионски проневери како директор на Агенцијата за млади и спорт, велат од ВМРО-ДПМНЕ
Каевски од голтар до милионер, фатен како прави милионски проневери како директор на Агенцијата за млади и спорт, велат од ВМРО-ДПМНЕ.
„Дарко Каевски како директор на Агенцијата за млади и спорт заобиколувајќи ги законските процедури извршил распределба на пари преку така наречените ваучери до клубови и федерации, кои одредена фирма ги реализирала под услов дел од парите да ги добие назад преку даночно ослободување“, дополнуваат од ВМРО-ДПМНЕ.
Според нив, Каевски е фатен на дело, и веќе на сите им е јасно зошто излегувал и ширел лаги и манипулации во јавноста.
„Тоа се кадрите на СДС, како Дарко Каевски, вмешани во криминал и корупција. Време е Македонија да се ослободи од криминалците како Каевски. Време е да ја вратиме Македонија на народот. Македонија повторно твоја“, завршуваат од ВМРО-ДПМНЕ.
Македонија
Нестабилно време со пороен дожд, грмежи и ветер
Времето ќе биде променливо облачно, од пладневните часови на повеќе места нестабилно со пороен дожд и грмежи, локално во форма на краткотрајно невреме со засилен ветер и услови за изолирана појава на град. Услови за пороен дожд ќе има во текот на ноќта, соопшти УХМР.
Минималната температура ќе биде во интервал од 6 до 12, а максималната ќе достигне од 18 до 25 Целзиусови степени.
Во Скопје ќе биде променливо облачно. Од пладневните часови во делови од котлината ќе биде нестабилно со пороен дожд, грмежи, засилен ветер и услови за изолирана појава на краткотрајно невреме. Минималната температура ќе се спушти до 12, а максималната ќе достигне до 23 степени.
Следува период на променливо облачно време со повремени локални врнежи од дожд. Утре, во ноќта кон петок и во петок на повеќе места ќе има развој на нестабилна облачност проследена со пороен дожд и грмежи, локално во форма на краткотрајно невреме со засилен ветер и услови за изолирана појава на град. Дневната температура од утре до сабота ќе биде во постепено опаѓање, а во недела ќе се покачи за 2 до 4 степени.
Скопје
Без струја дел од корисниците на Волково и Кучково
Дел од корисниците на Волково и Кучково во Општина Ѓорче Петров од 7 до 16 часот ќе немаат електрична енергија.
Како што информира Регионалниот центар за управување со кризи на Град Скопје, по добиеното известување од ЕВН, прекинот на струја е поради технички зафати во електродистрибутивната мрежа.