Uncategorized
Бројот на војните се намали за 40 насто
Бројот на оружените судири во светот од завршувањето на Студената војна се намали за 40 насто, покажа истражувањето на Обединетите нации.
Бројот на оружените судири во светот од завршувањето на Студената војна се намали за 40 насто, покажа истражувањето на Обединетите нации.
Масовните убиства поради религиозна и етничка припадност или заради политички убедувања и покрај геноцидот во Руанда и во Сребреница, во периодот од 1988 до 2001 година се намалиле за дури 80 проценти.
Извештајот изработен на барање на Канада, Шведска, Норвешка, Швајцарија и Велика Британија, оценува дека намалувањето на оружените судири во прв ред е резултат на мировните операции на Обединетите нации и низата акции на светската организација за спречување на конфликтите.
Според истражувањето во оружените судири во светот дошло и до значително намалување на бројот на загинатите на боиштата, како и на случаите на кршење на човековите права. Во една војна во 1950 година директно гинеле просечно 37 илјади луѓе, додека во 2202 година тој број изнесува 600 лица.
Единствен облик на насилство што се зголемува е политичкиот тероризам, кој иако во подем, во последните 30 години, предизвикувал смрт на помалку од илјада луѓе годишно.
И покрај значителниот напредок на глобалната безбедност во светот, според ОН, се водат 60 војни, меѓу кои и сериозните судири во Ирак и во областа Дарфур во Судан.
Годините по студената војна ги одбележаа хуманитарни кризи, масовно кршење на човековите права и најсмртоносните терористички дела, се вели во извештајот, додавајќи дека опасноста од избувнување на нови и продолжување на старите војни постои, но нема причини за песимизам.
Завршувањето на студената војна ја елиминираше напнатоста меѓу капитализмот и комунизмот, придонесе Вашингтон и Москва да престанат индиректно да финансираат локални војни и ја релаксираше работата на Обединетите нации. /крај/фо/м
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Uncategorized
Минчев – Жариќ-Ковачевиќ: Зајакнување на билатералната соработка меѓу Република Македонија и Република Србија во јавната администрација
Во рамки на зајакнување на регионалната соработка, Министерот за јавна администрација на Република Македонија, Горан Минчев, оствари билатерална средба со Министерката за јавна администрација и локална самоуправа на Република Србија, Јелена Жариќ Ковачевиќ, на која разговараа за областите на соработка насочени кон унапредување на системите на јавна администрација во двете земји.
На средбата беа истакнати одличните релации меѓу држави, при што двајцата министри изразија заедничка посветеност за продлабочување на соработката во областа на владеењето и административните реформи.
Во таа насока, заложбите на двете страни кулминираа со договор за потпишување на Меморандум за соработка во перидот кој следи, а кој ќе ја формализира размената на најдобри практики, заеднички иницијативи и споделена експертиза во јавната администрација.
„Потпишувањето на овој меморандум за соработка ќе означи ново поглавје во партнерството меѓу Република Македонија и Република Србија во областа на јавната администрација, едновремено истакнувајќи ја нашата заедничка цел, а тоа е модернизирање на јавна администрација и унапредување и зајакнување на процесите и капацитетите кои произлегуваат од неа.”- истакна министерот Минчев.
Министерката Жариќ Ковачевиќ ја потврди оваа иницијатива, истакнувајќи ја важноста на регионалните партнерства во поттикнувањето на реформите кои ќе ја подобрат испораката на јавните услуги за граѓаните во двете земји.
Двете министерства ќе се заложат преку редовни консултации и состаноци да работат на конкретни процеси кои ќе придонесат за ефективна имплементација на реформите во јавната администрација, а кои ќе бидат дел од Меморандумот за соработка.
Uncategorized
(Видео) Гори дел од касарна, голем пожар во Србија
Во делот од касарната лоциран во близина на болницата ВМА, во Бањица денеска во попладневните часови имало пожар.
View this post on Instagram
Како што се гледа на видеото кое е објавено на социјалната мрежа Инстаграм, во тој дел од градот се шири густ чад.
На терен се 12 пожарникари и четири противпожарни возила.
Uncategorized
Општина Аеродром доделува мали грантови за управување со отпад
Општина Аеродром објавува повик за доделување мали грантови за граѓанските организации на тема „Зајакнување на заедниците за одржливо управување со отпад од пакување“.
Целта на повикот е да се променат навиките на локалното население за селектирање отпад од пакувања во своите домаќинства и да се научат на правилна селекција на отпадот, пред сè, пластика и лименки.
Вкупниот износ на финансиските средства за грантот изнесува 25.000 евра обезбедени преку проектот финансиран од Европската Унија „Clean AirDrom – нула цврст отпад во Општина Аеродром“.
Минималната вкупна сума што може да ја добие една граѓанска организација е 2.500 евра, додека максималниот износ по грант изнесува 5.000 евра во денарска противвредност.
Јавниот повик е отворен за граѓански организации што се формално регистрирани на територијата на Град Скопје најмалку 2 (две) години пред објавата на овој повик.
Предност ќе имаат оние организации што во својата мисија и статут имаат заложби за зајакнување на заедниците за одржливо управување со отпад и кои во својот фокус ги имаат младите.
Проектите може да бидат со времетраење од 3 месеци, односно да се спроведат во периодот од ноември 2024 година до јануари 2025 година.
Предлог-проектите мора да се спроведуваат исклучиво на територијата на Општина Аеродром.
Рокот за поднесување на предлог-проектите е до 16.10.2024 година, најдоцна до 15:00 часот во Архивата на Општина Аеродром (соба број 7 на први кат) или електронски преку е-адресата [email protected]. Подетални информации за повикот може да се добијат на телефонскиот број 075/572-830.
Документацијата за поднесување на предлог-проектите може да се преземе на следниов линк.