Неодржлива е ситуацијата во која некој може на Европската унија (ЕУ) да и ускрати 25 проценти од вкупните потреби на природен гас, а алтернативните извори на енергија се неопходни.

Неодржлива е ситуацијата во која некој може на Европската унија (ЕУ) да и ускрати 25 проценти од вкупните потреби на природен гас, а алтернативните извори на енергија се неопходни.

Ова е едногласна оценка на министрите на енергетика на државите-членки на ЕУ, кои неделава, имаа итен состанок за изнаоѓање решение на драматичната ситуација со намалување на испорака на гас, како резултат на спорот меѓу Русија и Украина.

Дел од европските претставници се сомневаат дека постигнатиот договор меѓу двете држави е траен, што уште повеќе го зголемува стравувањето оти нова криза може да донесе сериозни последици.

Европскиот комесар за енергија Андрис Пибалгс нагласи дека Унијата е “ранлива“ кога се во прашање застоите во снабдување со гас и се додека има несогласувања меѓу Русија и Украина, тоа носи загриженост во Брисел.

Според него, потребно е да се пронајде решение, односно одговор, доколку повторно дојде до слична ситуација.

“Одговорот, или барем негов дел, е во алтернативни извори на енергија – Швеѓаните тоа веќе одамна го знаат, кога тврдат дека биомасата е единствен извор на енергија со можност да се обновува, а за возврат дава доволно евтина и квалитетна енергија, биогас“, рече Пибалгс.

Станува збор за проект што предвидува преработка на органски отпад од домаќинствата и биомаса од посевите, до мерка кога се добива биогас за употреба во транспортот.

Ова е испробано во пракса во шведскиот град Вастерас каде 17 земјоделци, заедно со локална компанија за депонирање на ѓубриво, основаа фабрика за преработка на биомасата во биогас.

Биогасот се преработува во неколку етапи, за да на крајот, достигне задоволителна чистина за широка употреба.

Фабриката годишно преработува околу 25 тони органско ѓубриво, а цената на добиеното гориво е пониска од конвенционалната, бидејќи станува збор за извор што може да се обновува.

/крај/фо/ис/б