Спорт
Прва жртва на првиот ден од релито Дакар
Дваесет и осум годишна жена која го следела релито загина во близина на градот Рио Куарто кога едно од возилата излетало од патот и удрило во неа
„Жената почина. Имаше сериозни повреди на главата, стомакот и карлицата, а претрпе и два срцеви удари на пат до болницата.“ изјави Норберто Бруса, доктор во болницата во Рио Куарто.
Четворица други исто така се здобија со полесни повреди и скршеници, кога возилото на Мирко Шултис и Урлих Лерди навлезе во „јавната зона“ наменета за публиката.
Шпанецот Нани Рома, победи во првата етапа која се возеше од Буенос Аирес до Кордоба во класата автомобили со време од 2 часа 11 минути и 15 секунди а сонародникот Карлос Саинц заврши на второто место со разлика од само две минути задоцнување. Ветеранот Стефан Патерхансел од Франција заврши на третото позиција.
Давид Косто од Франција е победник во првата етапа од релито Дакар во категоријата мотори на две тркала со време од 1 час 52 минути и 42 секунди. Сонародникот Сирил Деспре остана на второто место додека пак фаворитот Марк Кома од Шпанија заврши на третото место.
Во категоријата мотори на четири тркала победник е Маркос Патронели од Аргентина со време од 2 часа 10 минути и 44 секунди, пред Џосеф Мачакек од Чешка и Алехандро Патронели од Аргентина.
Во класата камиони најдобро време остварија руското трио составено од Чагин, Савостин и Николаев од Русија за тимот на Камаз со време од 2.35.47 пред Лопраис Холан и Јарослав од Татра, руското трио на третото место исто така од Кордоба до Ла Риоха во Аргентина. /крај/ес/сл
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Рикелме го доближи Атлетико до ЛШ
Минијатурата на Родриго Рикелме во 5. минута на Балеарските Острови не само што му донесе победа на Атлетико Мадрид над Мајорка оваа сабота навечер, туку веројатно и му обезбеди пласман во Лигата на шампионите наредната сезона.
Без овие три бода, Атлетик Билбао би имал солидни шанси да го помине Атлетико во преостанатите четири кола од Ла Лига, но вака исходот од трката за четвртото место на табелата е речиси решен.
По третолигашкиот гол на 24-годишниот Шпанец и четвртиот вкупен гол сезонава, разликата меѓу двата црвено-бели клуба е шест бода.
Мајорка е во долниот дел на табелата, но има шест бода повеќе од Кадиз кој се наоѓа во опасната зона и извесно е дека финалистот во Купот на Шпанија ќе избори опстанок.
Rodrigo Riquelme’s goal! 🔥🔥🔥🔥 pic.twitter.com/5YARGEy6hx
— Atletico Universe (@atletiuniverse) May 4, 2024
Спорт
Ферстапен на пол-позицијата во Мајами, сезонава има шест од шест
Возачот на Ред Бул, Макс Ферстапен, ја освои својата шеста пол-позиција на исто толку трки оваа сезона. Холанѓанецот беше најбрз во квалификациите за трката на Големата награда на Мајами. За Ферстапен ова е седма пол-позиција по ред и сега е на само еден до израмнување на рекордот на Аиртон Сена.
Ферстапен, кој неколку часа претходно триумфираше во спринтот на Флорида, ја забележа 38. пол-позиција во кариерата со круг од 1:27.241 минути. Тој за 141 илјадитинки беше побрз од Шарл Леклер во Ферари.
Двајцата ги следеше вториот возач на италијанскиот тим, Карлос Саинц Јуниор, кој заостануваше помалку од една десетинка зад својот тимски колега. Шпанецот за само пет илјадити делови од секундата беше побрз од Серхио Перез во Ред Бул.
Најдобар меѓу останатите беше Ландо Норис во Мекларен, пред тимскиот колега Оскар Пјастри и двоецот на Мерцедес Џорџ Расел и Луис Хамилтон. Топ 10 беше комплетиран од Нико Хилкенберг во автомобилот на Хас и возачот на тимот РБ Јуки Цунода.
Траката за Големата награда на Мајами утре ќе започне во 22 часот по средно-европско време.
Спорт
(Видео) Сасуоло повторно го победи Интер
Фудбалерите на Сасуоло славеа минимална победа над италијанскиот шампион Интер. Сасуоло сезонава забележа седум победи, две од нив се против Интер. Интересно ова се единствените порази на Интер сезонава во Серија А.Сасуоло остана на 19.место со 29 бода. Пред овој тим се Удинезе (29), Емопли (31), фросиноне (31), Верона (31), Каљари (32), но сите имаат натпревар помалку.
Стрелец на единствениот, гол беше Арманд Лориен во 20. минута откако Џош Доиг му ја одзеде топката на незаинтересираниот Дензел Дамфрис практично на гол-линијата и потоа му асистираше на Французинот во срцето на шеснаесетникот.
До крајот на сезоната Сасуоло ќе гостува кај Џенова, ќе го пречека Каљари и потоа ќе гостува во Рим кај Лацио.