Uncategorized
Уапсени повеќе министри на Хамас, заложникот убиен
Израелските сили изутрината уапсија осум министри и 20 парламентарци од движењето Хамас, со намера да го засилат притисокот за ослободување на грабнатиот војник.
Израелските сили изутрината уапсија осум министри и 20 парламентарци од движењето Хамас, со намера да го засилат притисокот за ослободување на грабнатиот војник.
Ова го соопшти официјален претставник на палестинците. Израелската војска се уште официјално не ја потврди оваа вест.
Со ова сериозно се продлабочува најновата криза во појасот Газа што започна со грабнување на израелски војник.
Израел одговори со воена акција од поголем карактер во која учествуваа преку 3.000 војници, поддржани со тенкови, оклопни возила и авијација. Вчера првиот ден од акцијата израелските сили урнаа три моста и трансформатор по што тој регион остана без струја.
Израелски тенкови длабоко навлегле во појасот Газа, јавуваат денеска агенциите, повикувајќи се на очевидци. Со тоа дополнително е проширена најголемата акција на Израел во појасот Газа, откако лани сосема се повлече од оваа територија.
Израел нема намера повторно да го окупира појасот Газа, туку офанзивата има за цел ослободување на киднапираниот војник, изјави израелскиот министер за одбрана, Амер Перец.
Израелците ноќеска истрелале неколку проектили врз про-хамасовиот исламски универзитет, но нема информации за евентуални жртви.
Палестинските борбени групи истрелале ракета со хемиско оружје врз територијата на јужен Израел соопшти палестинската борбена група „Бригади на мачениците од „Ал Акса“. Тие се вооружено крило на движењето на палестинскиот лидер Махмуд Абаз „Фатах“ и тврдат дека поседуваат уште најмалку 20 хемиски ракети.
Израелската команда засега нема коментар за оваа информација.
Израелскиот премиер вчера го отфрли барањето на палестинските радикални групи за ослободување на палестинските жени и деца во израелските затвори, во замена за киднапираниот израелски војник.
Околу 8.000 палестински затвореници во Израел, се притворени без правосилна пресуда. Меѓу нив околу 300 се жени, а има и 100 деца. За да го зголеми притисокот за нивно ослободување беше киднапиран и еден цивил
Палестинските герилци објавија денеска дека го убиле израелскиот цивил со што дополнително се зголемува напнатоста.
Израелската војска потврди дека го пронашла мртво телото на 18 годишното израелско момче, кое веднаш е пратено на обдукција
.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Uncategorized
Заев и Ципрас му врачија на награда на Нимиц: „Ни порача да го чуваме и целосно да го имплементираме Преспанскиот договор“
Експремиерите Зоран Заев и Алексис Ципрас му ја врачија Наградата за мир Преспа на поранешниот медијатор Метју Нимиц, најавувајќи дека традиционално оваа награда ќе се доделува секоја година на денот кога се одбележува Преспанскиот договор.
„Нимиц имаше трпение повеќе од две децении од својот живот да посвети на барање решение за спорот за името. Со неговата поддршка и посветеност изградивме меѓусебна соработка и дојдовме до решение не само за името, туку отворивме порта за соработка за двете земји за подобра иднина на нашите народи, но и за иднината на регионот. Му благодарам на амбасадорот Метју Нимиц кој ни помогна да стигнеме до решение кое денес е модел за решавање многу спорови“, напиша Заев на социјалните мрежи.
Нимиц им порачал да го чуваат и негуваат Преспанскиот договор и целосно да го имплементираат.
Во Атина се одржа Меѓународна конференција за мир и одржлив развој, по повод шестгодишнината од потпишувањето на Преспанскиот договор.
Uncategorized
Средба на претседателот Африм Гаши со италијанскиот амбасадор Андреа Силвестри
Претседателот на Собранието на Република Северна Македонија, Африм Гаши, денеска оствари средба со Андреа Силвестри, амбасадор на Италијанската Репубика во РС Македонија.
Амбасадорот Силвестри му го честиташе изборот на Гаши за претседател на Собранието, како претседател избран со забележителен број гласови, посакувајќи му успешна работа и подвлекувајќи го демократскиот механизам на самиот избор. Притоа, му врачи честитка од претседателот на Италијанскиот сенат, Игнацио ла Русa, со желби за успех во натамошната работа.
Претседателот Гаши го запозна амбасадорот со тековните активности на законодавниот дом, претстојното формирање на комисиите и другите работни тела, и очекувањето за брзо формирање на новата Влада. Истакна дека како одговорен претседател ќе остане отворен за соработка со сите политички партии претставени во Собранието, бидејќи сите треба да работат за доброто на граѓаните и државата во целина. Во контекст на билатералната соработка меѓу двете земји, претседателот истакна дека високо ја вреднува соработката со пријателска Италија, земја силен поддржувач на РС Македонија на евроинтеграцискиот пат.
Амбасадорот Силвестри го информираше претседателот за постојните релации на планот на меѓупарламентарната соработка и изрази надеж дека успешната соработка ќе продолжи и во иднина по формирањето на пратеничката група во Собранието за соработка со Италијанскиот парламент. Беше споменато и неодамнешното одблежување на 30 години од воспоставените дипломатски односи меѓу Италија и Република Северна Македонија, при што амбасадорот му подари примерок од Публикацијата отпечатена по овој повод.
Двајцата соговорници разменија мислења за идната законодавна агенда, фокусот кон евроинтеграцијата на земјата и улогата на Собранието во тој процес, задржувањето на конструктивен и пријателски однос со сите соседи и градење на мостови на соработка со земјите од целот регион.
Uncategorized
Се обиделе да ограбат црква, па го нападнале клисарот: уапсени разбојници во Радовиш
Вчера во 13.30 часот во Радовиш, полициски службеници од Одделението за внатрешни работи Радовиш ги лишиле од слобода С.Р.(37) од Република Хрватска и А.К.(37) од Радовиш.
Тие се сомничат дека околу 07.30 часот од црква во Радовиш се обиделе да одземат пари, а откако биле забележани од клисарот во црквата, А.К. физички го нападнала, а С.Р. му се заканил со остар предмет, по што го напуштиле местото.
Во службен разговор во Полициската станица Радовиш тие го признале делото, по што биле задржани. За настанот бил запознаен јавен обвинител од Основното јавно обвинителство Струмица и по документирање на случајот против нив ќе биде поднесена соодветна пријава.