Свет
Владата и „Макпетрол“ ја осакатија Македонија
Непресметлива е штетата што во изминативе десетина години ја трпат стопанството и граѓаните поради недефинираните сопственички односи меѓу Владата и „Макпетрол“ врз македонскиот гасовод.
Владимир Николоски
Непресметлива е штетата што во изминативе десетина години ја трпат стопанството и граѓаните поради недефинираните сопственички односи меѓу Владата и „Макпетрол“ врз македонскиот гасовод.
Владата дозволи десетина години во Македонија неконтролирано да се трошат струја и мазут како енергенси во домаќинствата и стопанските субјекти, иако уште од 1996 година во нашата земја има гасовод со должина од 155 километри, сметаат експерти.
Владимир Петровски, директор на ЈП „ГА-МА“, информира дека во наредните денови судски вештаци ќе ја утврдуваат структурата на капиталот што се вложувал во гасоводот, по што ќе се знае дали доминантен сопственик на гасоводот е Владата или „Макпетрол“.
Од 1996 година до денес „Макпетрол“, кој стопанисува со гасоводот, изградил дополнително само шест километри гасоводна мрежа, а од вкупниот капацитет на гасоводот, кој изнесува повеќе од 800 милиони кубни метри гас годишно, лани биле искористени само околу 67 милиони кубни метри гас. Експертите велат дека главната вина за неискористеноста на природниот гас е во рацете на Владата и на „Макпетрол“. Во гасоводот, кој освен во Скопје, се разгранува и кон Крива Паланка и Куманово, досега се вложени повеќе од 50 милиони долари. Меѓутоа, само мал дел стопански субјекти во овој регион користат природен гас во процесот на производство. Главна причина за стагнацијата на овој проект е во тоа што Владата од необјасниви причини во 1996 година не го зела кредитот од 42 милиони германски марки од Европската банка за обнова и развој, наменат за изградба на гасоводна мрежа. Експертите сметаат дека Владата имала лоша стратегија за користење на природниот гас и не обезбедила таканаречени „зелени“ олеснувања за компаниите што ќе го користат гасот наместо мазутот. Тие велат дека гасот е благотворен енергенс со кој не се загадува природната средина. Спротивно на тоа, мазутот содржи сулфур и други состојки што во процесот на разградување го загадуваат воздухот.
Познавачите велат дека „Макпетрол“ не се нафатил да инвестира во гасоводна мрежа поради високата цена на природниот гас. Костадин Димитров, професор на Машинскиот факултет, вели дека пониската цена на мазутот на светските берзи е главната причина за стагнацијата на овој проект.
Димитар Хаџимишев, директор на „Топлификација“, вели дека природниот гас како енергенс е исплатлив за оваа компанија само доколку продажната цена е пониска од цената на мазутот. Тој вели дека во иднина „Топлификација“ ќе го користи природниот гас како основен енергенс во новата топларница „Исток – Скопје“, која ќе се гради во соработка со руска „Итера“.
Владимир Петровски, директор на ЈП „ГА-МА“, вели дека со новиот закон за енергетика ќе се регулира состојбата во овој бизнис. Тој вели дека домашни и странски компании се интересираат за инвестирање во изградба на гасоводни мрежи до домаќинствата и до стопанските субјекти.
– За жал, Македонија претрпе огромен зијан поради стагнацијата на овој проект. Меѓутоа, преговорите со Руската Федерација за наплаќање на долгот преку изградба на гасоводниот прстен во Скопје,
расположението кај Владата и кај „Макпетрол“ за конечно да се реши долгогодишниот спор и изработката на законската регулатива и либерализацијата во областа на енергетиката се доволен показател дека набрзо ќе имаме развој на дистрибуцијата и на бизнисот со природен гас во Македонија – вели Петровски.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Конечна судска одлука: Додик повеќе не е претседател на Република Српска
Апелациониот совет на Судот на Босна и Херцеговина ја отфрли жалбата на Милорад Додик против одлуката на Централната изборна комисија (ЦИК) со која му беше одземен мандатот на претседател на Република Српска.
Како резултат на тоа, според сараевските медиуми, Додик официјално повеќе не е на таа позиција, а ЦИК е должна да распише предвремени избори за претседател на ентитетот.
Да потсетиме дека ЦИК претходно донесе одлука за прекин на неговиот мандат, но таа можеше да стапи на сила дури откако ќе стане конечна, или потврдена од Апелациониот совет на Судот на БиХ. Денешната одлука конечно утврди дека Додик повеќе не е претседател на Република Српска.
Во образложението на пресудата, Судот наведе дека мандатот на избраниот функционер завршува на денот на правосилност на пресудата со која е осуден на затворска казна од најмалку шест месеци, што во случајот на Додик беше 12 јуни 2025 година, кога беше донесена второстепената пресуда. Судот ги отфрли и тврдењата за ретроактивна примена на законот, нагласувајќи дека пресудата станува правосилна на денот на нејзиното донесување, додека нејзината извршност е поврзана со доставување до странките, што не ги менува правните последици за мандатот.
Фото: ЕПА
Свет
Повеќе од 300 камиони со хуманитарна помош влегоа во Газа
Околу 320 камиони со хуманитарна помош влегоа во Појасот Газа преку премините Керем Шалом и Зиким, објави денес Израелскиот Оддел за координација на владини активности (COGAT).
COGAT, исто така, објави дека цистерни со гориво од Обединетите нации влегле во Појасот Газа во неделата, со цел да се обезбеди „функционирање на основните хуманитарни системи“, објавува Times of Israel.
Според израелската армија, вчера уште 161 палета со помош беа фрлени од воздух во Газа од Јордан, Обединетите Арапски Емирати, Германија, Белгија, Франција, Италија, Холандија, Данска и Индонезија, при што секоја палета содржеше околу еден тон храна.
Слични количини на испораки на помош беа пријавени секојдневно речиси цела измината недела.
ООН објави дека 600 камиони со помош треба да се дистрибуираат секој ден за правилно да се нахранат приближно двата милиони жители на Газа.
Фото:принтскрин
Свет
(Видео) Зеленски објави видео од нападите врз Украина: „Војната мора да заврши. И Москва мора да го чуе зборот: „Стоп“.“
Украинскиот претседател, Володимир Зеленски, остро реагираше на ноќните руски напади низ Украина, велејќи дека тие јасно ги демонстрираат намерите и пристапот на Москва кон војната.
Во своето обраќање, Зеленски рече дека руските сили ги таргетирале станбените згради и клучната цивилна инфраструктура во неколку региони.
„Дури и во овој момент, Русите ги напаѓаат Харков, Запорожје, Сумскиот регион и Одеса, уништувајќи станбени згради и нашата цивилна инфраструктура. Русите намерно убиваат луѓе, особено деца. Досега, седум лица се убиени во напад со беспилотно летало во Харков, најмладото е девојче на возраст од само една и пол година, а десетици се повредени, вклучувајќи деца“, рече Зеленски.
„Во Запорожје, ракетните напади повредија 20 лица, а убија три. Мое сочувство до семејствата и најблиските на сите жртви.“
Тој особено го истакна нападот врз енергетскиот објект во Одеса, подвлекувајќи ги неговите пошироки импликации. „Исто така, имаше намерен руски напад врз енергетски објект во Одеса, во сопственост на азербејџанска компанија, што имплицира дека тоа бил напад не само врз нас, туку и врз нашите односи и енергетска безбедност“, објасни тој.
Пред состанокот во Вашингтон, Зеленски ги поврза нападите со денешниот важен дипломатски состанок во Вашингтон, чија главна тема е токму завршувањето на војната.
„Тие се свесни дека денес во Вашингтон се одржува состанок на кој ќе се разговара за завршувањето на војната. Ќе разговараме со претседателот Трамп за клучните прашања. Покрај Украина, во разговорот ќе учествуваат и лидерите на Обединетото Кралство, Франција, Германија, Италија, Финска, Европската Унија и НАТО. Сите бараат достоинствен мир и вистинска безбедност“, рече украинскиот претседател.
Тој предупреди дека „руската воена машина продолжува да уништува животи и покрај сè“ и дека „Путин ќе изврши демонстративни убиства за да го одржи притисокот врз Украина и Европа, како и да ги понижи дипломатските напори“.
Затоа тој упати јасен апел за помош и безбедносни гаранции.
„Токму затоа бараме помош за да се спречи убивањето. Затоа се потребни сигурни безбедносни гаранции. Затоа Русија не треба да биде наградена за нејзиното учество во оваа војна“, нагласи Зеленски, завршувајќи со порака упатена директно до Москва:
„Војната мора да заврши. И Москва мора да го чуе зборот: „Стоп“.“
фото: принтскрин
Љутков од Слоештица: Меморијалната соба на Петре М. Андреевски не е запоставена, а ракописите се безбедно зачувани
Министерот за култура и туризам, Зоран Љутков, денеска ја посети Општина Демир Хисар, каде што оствари средба со градоначалникот Никола...
Одбележан 18 Август – Денот на Армијата
Во присуство на највисокото државно и воено раководство, во касарната „Јане Сандански“-Штип, се одржа централната свеченост за воениот празник „18...
(Видео) Зеленски објави видео од нападите врз Украина: „Војната мора да заврши. И Москва мора да го чуе зборот: „Стоп“.“
Украинскиот претседател, Володимир Зеленски, остро реагираше на ноќните руски напади низ Украина, велејќи дека тие јасно ги демонстрираат намерите и...
(Видео) Манасиевски: 205 илјади евра од Еразмус + со СДС завршија кај брат на нивен пратеник за дресирање магариња
205 илјади евра од Еразмус + со СДС завршија кај брат на нивен пратеник за дресирање магариња и правење сирење....
Поради пожар, затворен за сообраќај патот Македонски Брод – Скопје
Поради пожар во националниот Парк Јасен, регионалниот пат Р1106 Македонски Брод – Скопје затворен е за секаков вид на возила,...
(Видео) Јанковиќ: ВМРО-ДПМНЕ штити милионски злоупотреби во Еразмус+, зошто в.д. директорката не е разрешена?
Молк во Владата по објавувањето на скандалот со милионските проневери во Еразмус+. Зошто в.д. директорката не е разрешена кога е...
(Видео) Еден од најголемите протести во Тел Авив досега: „Запрете ја војната“
Десетици илјади демонстранти се собраа во Тел Авив за да побараат крај на војната во Газа и итно ослободување на...
„Зеленски се соочува со тешка средба со Трамп, мировните услови нема да бидат во корист на Киев“
Украинскиот претседател Володимир Зеленски се соочува со тешка средба со американскиот лидер Доналд Трамп во Белата куќа. Условите за евентуален...
Се уште гори кај Јасен, под контрола пожарот во Јегуновце
Центарот за управување со кризи извести деак во последното деноноќие, до 07:00 часот утрово низ земјава се регистрирани вкупно 28...
Постапка против осум лица за масовна тепачка во Скопје: фрактура на черепот со крварење на мозокот, скршена долна вилица
Јавен обвинител од Основното јавно обвинителство Скопје поведе постапка против осум лица заради учество во масовна тепачка на улицата „Славеј...
Белата куќа е центар на важна дипломатска активност денеска, објавен распоредот на клучните состаноци
Белата куќа е центар на важна дипломатска активност денес, со распоред што вклучува клучни средби меѓу американскиот претседател Доналд Трамп...
Се огласија Русите: На Москва исто така ѝ се потребни веродостојни безбедносни гаранции
Русија се согласува дека секој иден мировен договор за Украина мора да обезбеди безбедносни гаранции за Киев, но на Москва...
Трамп: Некои работи не се менуваат, нема враќање на Крим и нема приклучување на Украина кон НАТО
Трамп се огласи на својата платформа Truth Social за да го повика украинскиот претседател да постигне договор за прекин на...
Зеленски пристигна во Вашингтон: Сите подеднакво сакаме брзо и сигурно да ја завршиме оваа војна
Средбата меѓу американскиот претседател Доналд Трамп и украинскиот претседател Зеленски ќе се одржи денес во 13:15 часот по локално време...
Зеленски: Украинскиот Устав не допушта тргување со територии
Украинскиот претседател Володимир Зеленски денес во Брисел им упати низа клучни пораки на европските лидери, зборувајќи за трансатлантското единство, мировните...
(Видео) Избегната катастрофа кај Брезница, пожарот се движи кон Козјак
Денес се регистрирани десет пожари на отворен простор, информира директорот на Дирекцијата за заштита и спасување (ДЗС), Стојанче Ангелов, предупредувајќи дека...
Америка ѝ нуди на Украина заштита слична на НАТО, Путин, наводно, се согласил
Американскиот претставник Стив Виткоф изјави во интервју за „Си-ен-ен“ дека рускиот претседател Владимир Путин за прв пат се согласил да...
Две лица тешко повредени во групна тепачка во Скопје, полицијата апсеше од тинејџери до 50-годишни
Вчера на улицата Славеј планина во Скопје дошло до групна тепачка помеѓу неколку лица на возраст од 18 до 56...
Млада жена со перница се обиде да ја убие бабата на сопругот – ужас во Ѓорче
Скопското Обвинителство донесе наредба за спроведување истражна постапка против 28-годишна жена осомничена за обид за убиство. Пред два дена, во...
„Ројтерс“ со детали за планот за ставање крај на војната во Украина
Русија би се откажала од помали делови од Украина, а Киев би препуштил поголеми делови од истокот на земјата –...
