Daily news
Научниците испитуваат лек кој ги напаѓа клетките на ракот додека се делат
Новиот лек кој кај експерименталните глувци ги уништил човечките клетки на ракот во моментот додека се делеле, односно се размножувале, покажал драматични резултатите во првата фаза од истражувањето отворајќи пат за излекување од тешката болест, се наведува во студијата објавена во специјализираниот медицински магазин Science Translational Medicine.
Во лабораториски услови лекот со ознаката „OTS964“, кај пет од шест експериментални глувци ги уништил агресивните клетки на човечки рак на белите дробови пресадени во глувците, со малку нус појави.Откритието ги поттикнува надежите во развој на револуционерен лек кој би бил ефикасен против разните видови тумори, вклучително и кај видовите рак на дојката, мозокот, црниот дроб…, како и кај некои видови леукемија. Тестирањето на лекот „OTS964“ на луѓе би можело да започне веќе есента 2015 година.Шефот на тимот научници кои го водел проектот, американскиот научник Јисуке Накамура од универзитетот во Чикаго изјави дека „целта на молекуларно ниво ја откривме уште пред десет години, но ни беше потребна уште речиси една деценија да пронајдеме ефикасен начин да го блокираме“. „Почетно проучивме 300.000 супстанции и пота синтетизиравме повче од илјада, и пронајдовме неколку кои би можеле да делуваат кај човекот. Се фокусиравме на најефикасните. Мислиме дека сега имаме нето што ветува“, истакнува Накамура во разговорот за британскиот весник Daily Mail.Лекот дејствува на единствен начин блокирајќи ги активностите на белковината TOPK којашто е клучна за успешната делба на клетките и кај многу видови туор с прозиведува во преголеми количества.„Без ТОРК изгледа дека клетката не може да се дели. Не може да го доврши процесот. Наместо тоа клетките остануваат поврзани со мал мост и кога конечно ќе се раздвојат не може да ја затворат пукнатината на мембраната. Внатрешноста на клетката истекува и таа згинува“, појаснува Накамура.Претходните истражувања покажале дека лекот успешно ги убива клетките на туморот, но со неприфатлива цена, имено ги попречуваше создавањето на нови еритроцити и бели крвни клетки предизвикувајќи анемија и го нарушуваше имунолошкиот систем. Истовремено го зголемуваше ризикот за создавање згрутчување со зголемување на бројот на тромбоцитите. Тие пречки се надвладеани со омотување на лекот во микроскопски балони наречени липосоми што ја намалило токсичноста на препаратот за крвта.Кај глувците заразени со клетките од човечки рак на белите дробови, тој тумор се одгледувал до големина на околу половина сантиметар, а потоа лекот интравенски се аплицирал двапати седмично во текот на три седмици и резултатот бил брзо намалување на тиморот што продолжило и по престанувањето на терапијата. Ракот комплетно исчезнал кај пет од шесте експериментални глувци без видливи нуспојави.Големи дози од лекот се давани преку уста на друга група глувци и кај сите шест животни туморот исчезнал. Иако по лекувањето имале ниски вредности на белите крвни зрнца, се опоравиле во рок од две седмици.Накамура вели и дека ретко се забележува целосно повлекување на туморот во опитите со глувците. Многу лекови можат да го запрат растот, но ретко се забележува туморот да исчезне.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Daily news
Прва правна конференција Tres Partes
На 26 декември година во хотелот „Континентал“, со почеток во 10 часот, ќе се одржи првата правна конференција Tres partes, во организација на „Јанаки знае“, а ќе биде поделена во три дела.
Првиот дел е со работен наслов „Дали е потребно укинување на извршителите?”, на кој ќе учествуваат Зоран Василевски, кој ќе ја застапува тезата ПРО укинување на извршителите, извршител Снежана Андреевска, која ќе ја застапува тезата КОНТРА укинување на извршителите и извршител и поранешен судија за извршување, Христо Јованов, кој ќе предава во делот на извршувањето пред да се укинат судиите извршители.
Вториот дел е со работен наслов „Дали се шаблонизира институтот надомест на нематеријална штета“, на која предавачи ќе бидат адвокатката Маруша Митровска, судијката Љубица Колиќ од Основен суд Скопје 2 и судијата Ѓорѓи Радојков од Апелациониот суд Скопје.
Третиот т.н. кривичен дел е со работен наслов „Неприменување на кривично-правните институти“, во кој предавачи ќе бидат адвокатот Јанаки Митровски, Никола Тупанчевски, редовен професор по казнено право при „Јустинијан Први“, Александра Деаноска, вонредна професорка по казнено право при „Јустинијан Први“, и Оља Ристова, судијка при Основниот суд Скопје 1.
Предвиден е и интерактивен дел со публиката преку поставување прашања и коментари од учесниците.
Daily news
Груевски оди во затвор – Апелација му ја потврди казната
Апелациониот суд Скопје, постапувајќи по кривичниот предмет познат во јавноста под името „Тенк“ по одржана јавна седница, донесе пресуда со која му ја потврди двегодишната затворска казна на премиерот Никола Груевски. „Жалбите на обвинетиот Никола Груевски изјавени лично и преку неговите бранители ги одби како неосновани, а првостепената пресуда ја потврди во целост, со што му ги потврди двете години затворска казна“, пишува во соопштението од судот.
Второстепениот суд делумно му ја уважи жалбата на Ѓоко Поповски и му ја намали казната на 4 години и 6 месеци, а во останатиот дел првостепената одлука ја потврди.
За Гордана Јанкулоска за „Тенк“ е издвоена во друга постапка и пресудата за неа, под обвинение дека ја злоупотребила службената положба и го натерала Поповски да го намести тендерот за „мерцедесот“ што го посакал Груевски, ќе биде изречена на 8 октомври.
Daily news
Бизнисменот Минчо Јорданов треба да сведочи дали бил уценет со пари во шпионската афера
Бизнисменот Минчо Јорданов утрово во кривичниот суд е повикан да сведочи во предметот што го презеде специјалното јавно обвинителство под кодно име „Шпион“.
Обвинетите Миќо Наскоски, Зоран Божиновски и Марјан Маџовски, како што рече на минатото рочиште обвинителката Елизабета Јосифовска, со цел да се стекнат со противправна имотна корист, му се заканиле на бизнисменот Минчо Јорданов дека ќе објават податоци за наводна криминална приватизација и откуп на акциите во АД „Бетон“ и на други негови фирми. Во намерата не успеале, а Јорданов не ги исплатил парите.
„Обвинетиот Александар Диневски прибавувал податоци со степен на државна тајна, а потоа ги доставувал или директно на странските разузнавачки служби или му ги давал на обвинетиот Марјан Ефремов, кој ја формирал групата за уцени, изнуди и шпионажа и ја координирал од 2009 до 2013 година, регрутирајќи нови членови во мрежата. Со обвинетиот Мирослав Зафировски од УБК прибирале податоци за луѓе од ЦИА присутни во Македонија и за штаб на ЦИА во Ирак. Тие прибирале и податоци за организациската поставеност на УБК“, рече Јосифовска за „Шпион“, кое СЈО врз база на нови прислушувани разговори го презеде од Обвинителството за гонење организиран криминал и корупција.
Ефремов, според обвинението, групата за изнуда и тргување со тајни информации од безбедносните служби на Македонија ја направил во 2009 година и, како што тврди обвинителството, тој е мозокот на целата операција. Информациите им ги продавале на Кост Н. од грчката разузнавачка служба, Петар Н. и Јуриј Н. од унгарската и на други лица од странски разузнавачки служби.
Секој од обвинетите, зависно од тоа во која институција работел, снимал службени документи, кои потоа им ги продавал на грчката, руската, унгарската и српската разузнавачка служба. Обвинети во овој случај се и тогашниот шеф на Кабинетот на претседателот на Собранието, Трајко Вељаноски, генералот Горан Стојков, Миќо Насковски, Ѓорѓи Хаџимицев, Цветан Дамјановски (заедно со други нивни колеги од МВР, УБК, АР и Военото разузнавање, кои дел се веќе осудени) и Зоран Божиновски, кој во групата имал улога ако уценуваните не дадат пари, тој да ги објавува, како што вели обвинителката, во порталот „Буревесник“ или во други медиуми во кои работел. Божиновски е обвинет за злосторничко здружување, шпионажа и уцена.
Обвинетите не се чувствуваат виновни, а тврдат и дека целиот процес е монтиран. Во предметот првично беа опфатени 19 лица, од кои неколкумина ја одлежаа затворската казна. Предметот го суди судијата Владимир Туфегџиќ. На конференциска врска треба да сведочи и Драган Даравелски, кој, според обвинението, исто така бил уценуван од обвинетите.