Свет
Пушките М48 продадени за багателни 25 долари парче
![](https://makfax.com.mk/wp-content/uploads/2016/11/84ecf311-70b5-4927-b9ad-012708efc02e-2567.jpeg)
Продажбата на 30.000 парчиња пушки од моделот М48
во 2002 година била ставена под интерна истрага на Министерството за одбрана,
откако „Време“ ја отвори темата со зделка во која пушките биле продадени по
цена од 25 долари за парче, потврди Александар Генчов, советник на министерот
за одбрана Лазе Еленовски.
ПИШУВАЊАТА НА „ВРЕМЕ“ ОТВОРИЈА ИСТРАГА
Продажбата на 30.000 парчиња пушки од моделот М48
во 2002 година била ставена под интерна истрага на Министерството за одбрана,
откако „Време“ ја отвори темата со зделка во која пушките биле продадени по
цена од 25 долари за парче, потврди Александар Генчов, советник на министерот
за одбрана Лазе Еленовски.
– Ние сега испитуваме како е направена зделката – вели
Генчов.
Досието „М48“ било отворено откако „Време“ достави прашање до Министерството за
одбрана. Потребна била цела процедура да се отвори досието бидејќи
функционерите од овој ресор од 2002 година го прогласиле за воена тајна.
Прашавме кој, како и зошто ги продал пушките М48 за 40 долари од парче.
Податоците се уште пошокантни од оние што „Време“ го објави, а ги потврди
крајниот купувач на пушките, американскиот бизнисмен од српско потекло Дон
Мичел, сопственик на калифорниските компании „Мичел маузер“ и „Мичел армс“.
Биле продадени вкупно 30.000 пушки од моделите М48 и М48А во 2002 година, но
Генчов не знаеше да каже во кој месец.
Како купувач била наведена скопската трговска компанија „Микеи интернационал“.
Пушките, од кои повеќето биле неупотребени, биле продадени за 25 долари од
парче, односно вредноста на зделката била 750.000 американски долари.
Податокот, пак, дека пушките се купени за 40 долари парче, кој ни го потврди
Мичел, најверојатно е цената што тој му ја платил на „Микеи интернационал“.
Но, наместо пари, Министерството за одбрана требало да добие куршуми како
компензација.
– Треба да испитаме, има неколку анекси во договорот. Некои куршуми се стари,
некои се понови, но истрагата ќе покаже дали е се во ред со договорот.
Предвиденото количество куршуми било испорачувано до 2006 година – појасни советникот
Генчов.
Пушката М48 е застарен модел, кој не се произведува повеќе децении. Армијата ја
користела за вежба. АРМ поседувала околу 120.000 парчиња од ова оружје.
Продадените пушки, како што не информира Мичел, биле во одлична состојба, барем
80 отсто од нив, односно не биле никогаш користени. Калифорнискиот бизнисмен ги
продава пушките како екстравагантно оружје по цена од 1.000 долари парче.
Поранешниот премиер и министер за одбрана Владо Бучковски веќе реагираше дека
нема логично објаснување зошто оваа зделка се криела од јавноста.
– Има премногу подзаконски акти во Министерството за одбрана што овозможуваат
многу информации од јавноста да се скријат под превезот на воена тајна –
коментираше Бучковски.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Свет
Естонија нарача турски воени оклопни возила „Јорук“
![](https://makfax.com.mk/wp-content/uploads/2024/07/ј.jpg)
Естонија нарача оклопни возила на турската војска, „Јорук 4х4“, а турската воена компанија ќе испорача 100 од овие возила во рок од една година.
Со ова купување Естонија стана третата членка на НАТО што се одлучи за турски оклопни борбени возила „Јорук 4х4“, пренесува порталот на турската државна телевизија ТРТ.
Естонскиот претседател Алар Карис неодамна ја посети турската компанија Nurol Makina, која е еден од водечките турски производители на воени оклопни возила.
Свет
Oрбан по средбата со Зеленски: Го повикав да размисли за итен прекин на огнот
![](https://makfax.com.mk/wp-content/uploads/2022/12/orban-viktor.jpg)
Унгарскиот премиер Виктор Орбан, по средбата со украинскиот претседател за време на ненадејната посета на Киев, изјави дека побарал од Зеленски да размисли за итен прекин на огнот и додаде дека тоа е начин да се забрзаат мировните преговори со Русија.
Орбан нагласи дека Будимпешта сака да ги подобри врските со Украина и да потпише билатерален договор за соработка, но и да учествува во економскиот развој на Украина, пренесува „Ројтерс“.
Зеленски на заедничката прес-конференција рече дека денешните разговори со Орбан може да бидат основа за идните договори меѓу Киев и Будимпешта.
„Благодарен сум ѝ на Унгарија за учеството на мировниот самит (во Биргенсток, Швајцарија, минатиот месец) и за поддршката на заедничкото коминике од самитот. Нашата работа во овој формат навистина помага да се стави крај на војната“, изјави Зеленски.
Тој исто така му се заблагодари на Орбан што ја посети Украина првпат по 12 години.
Ова е прва посета на Орбан на Украина од почетокот на руско-украинската војна, а шефот на кабинетот на Зеленски, Андриј Јермак, на својот канал на „Телеграм“ објави дека Украина направила многу за таа посета да се оствари, пренесува „Укринформ“.
„Направивме многу за да ја оствариме оваа посета. Важни разговори за иднината на Европа, безбедноста, меѓународното право и формулата за мир“, напиша Јермак.
Посетата на Орбан дојде откога Унгарија вчера го презеде претседавањето со ЕУ во следните шест месеци.
Свет
Зеленски: Разговарав со Орбан за тоа како да се постигне фер и траен мир
![](https://makfax.com.mk/wp-content/uploads/2024/06/zelenski1.jpg)
Украинскиот претседател Володимир Зеленски изјави денеска, по средбата со унгарскиот премиер Виктор Орбан во Киев, дека двајцата разговарале за начините за постигнување праведен и траен мир.
„Благодарен сум ѝ на Унгарија за учеството на мировниот самит (во Биргенсток, Швајцарија, минатиот месец). Нашата работа во овој формат навистина помага да се стави крај на војната“, рече Зеленски во објава на „Икс“.
Тој исто така му се заблагодари на Орбан што ја посети Украина првпат по 12 години.