Спорт
Савичевиќ: Крањчар го сменивме поради проблемите со алкохолот
Претседателот на Фудбалскиот сојуз на Црна Гора, Дејан Савичевиќ, проговори за прекинот на соработката со Златко Крањчар. Хрватскиот стручњак доби отказ на функцијата на две кола до крајот на квалификацискиот циклус, за пласман на Европското првенство.
Претседателот на Фудбалскиот сојуз на Црна Гора, Дејан Савичевиќ, проговори за прекинот на соработката со Златко Крањчар. Хрватскиот стручњак доби отказ на функцијата на две кола до крајот на квалификацискиот циклус, за пласман на Европското првенство. Савичевиќ за ТВ Вјести го потврди она што се шпекулираше во јавноста – дека Крањчар има проблеми со алкохолот. „Тој ги имаше тие проблеми, тоа речиси сите го знаат. Тој има проблем кој ние се обидевме да го сокриеме, проблем со алкохолот. Не го донесов тутку така, ме измамија луѓето со кои контактирав, ми рекоа дека тоа и не е толку голем проблем. Но доколку вие тој проблем го имате во 10 наутро, во 4 попладне и во 10 навечер, тоа навистина е голем проблем. Фудбалскиот сојуз на Црна Гора не го смени без причина, проблемот постоеше од самиот почеток, имавме многу разговори на таа тема, на крај ја донесовме и неговата сопруга да биде со него… Да не навлегувам во детали за забраната за точење на алкохол по хотелите. Се обидовме да сториме сè, тој беше мирен додека не ги постигна резултатите“, изјави Савичевиќ. Поранешната фудбалска ѕвезда на Црвена звезда и Милан појасни дека по хотелите каде што одседнувале репрезентативците од менаџерите било барано да се забрани точење на алкохол. Савичевиќ потврди дека и покрај неуспехот во баражот за пласман на Европското првенство, Бранко Брновиќ ќе остане на селекторската функција. крај/index.hr/нц
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Шаховска партија во Торино, Јуве и Наполи ремизираа без голови
Фудбалрите на Јувентус и Наполи го разочараа фудбалскиот аудиториум во Италија, одиграа без гоови во дербито.
Првото полувреме мина во јалова иницијатива на Јувентус. Повеќе се играше на половината на Наполи, но без конкретна шанса за гол.
Во вторито дел Јувентус тргна поофанзивно кон голот на Наполи и со тоа покажа дека сака да победи.
Свои шанси имаа Веа и Јилдиз, но како се ближеше крајот на натпреварот се поизвесно беше дека ова дерби ќе заврши без голови.
Ова е трет натпревар во низа кој Јувнетус го одигра без голови. Избраниците на Тиаго Мота сепак не примија гол во домашниот шампионат.
Спорт
(Видео) Миовски стартер, Џирона загуби во Валенсија
Бојан Миовски го забележа првиот старт во Примера, но неговата Џирона доживеа пораз во Валенсија. „Љиљаците“ во шестото коло ја забележаа првата победа во новата сезона.
Првото полувреме беше здодевно, а двата гола беа постигнати во рок од две минути во второто полувреме. Капитенот на Џирона, Хуанпе Рамирез, си постигна авто гол во 56.минута, а две минути подцна топката во мрежата на Пауло Газанига ја смести Дани Гомез.
Миовски како и целиот тим на Џирона одигра просечен натшревар, очигледно врз екипата на Мичел остави трага тешкиот натпревар во Париз против ПСЖ во Лигата на шампионите.
Спорт
Реал подготвен да плати 150 милиони евр за Вирц
Флорентино Перез наредното лето е подготвен да го урне клупскиот трансфер рекорд. Германските медиуми тврдат дека Реал Мадрид ќе го донесе Флоријан Вирц. Според овие извори, Перез го означил Вирц како следен „галактикос“.
Реал Мадрид за трансферот на Вирц е подготвен да му плати на Баер Леверкузен 150 милиони евра.
Реал Мадрид со овој трансфер би го соборил рекордот, кој се уште го држи Еден Азар. Белгиецот пристигна од Челзи за 120 милиони евра, додека трансферто на Џуд Белингем од Борусија Дортмунд чинеше 113 милиони.
Вирц како момче бил навивач на Барселона, никогаш не криел дека Лионел Меси му е идол, но се чини дека би можел да тргне по патот на Лука Модриќ и Иско, кои исто така во детството биле навивачи на каталонскиот клуб.
Клучна улога би можел да има Чаби Алонсо, кој моментално му е тренер на Вирц во Баер Леверкузен, а наводно и тренерот би можел наредното лето да се пресели во Мадрид доколку замине Карло Анчелоти чии договор истекува во јуни 2025 година.