Uncategorized
Европа по ирското “не“
Европа неделава ќе се обиде да ги собере “политичките парчиња“ по одбивањето на Ирска да го усвои Лисабонскиот договор.
Европа неделава ќе се обиде да ги собере “политичките парчиња“ по одбивањето на Ирска да го усвои Лисабонскиот договор.
Ваква оценка денеска објави Интернет страницата “ЕУобсервер“, осврнувајќи се на високиот процент на одзив и серија други причини за ирското “не“, додавајќи дека најверојатно тешко ќе се најде “излезна стратегија“.
Други држави-членки на ЕУ, во моментов, инсистираат ратификацијата на договорот да продолжи, и покрај ирското одбивање. Сепак, тие веќе ставија на знаење дека очекуваат од ирската Влада да дојде на Самитот на лидери на ЕУ неделава, и да даде одговори.
Словенечкото претседателство со ЕУ соопшти дека на овој состанок, ќе побара објаснување од ирскиот премиер Брајан Коен “за причините зошто Договорот беше одбиен од ирскиот народ“.
Европската комисија (ЕК) речиси целосно даде до знаење дека ова е повеќе проблем на Даблин, отколку на ЕУ.
“Референдумот е повеќе прашање на национална одговорност“, изјави претседателот на Комисијата Хозе Мануел Баросо по гласањето, посочувајќи дека “нашите ирски пријатели, секогаш велеа, дека тоа е национална кампања“.
Ирска, во меѓувреме, призна дека ќе биде под голем притисок за да најде решение и побара од Европа да не ја изолира.
“Треба да разговараме во име на солидарноста и соработката со сите држави-членки, и да видиме дали можеме да најдеме начин да одиме напред, бидејќи всушност, нема очигледно решение пред нас“, изјави ирскиот премиер Брајан Коен во интервју за државното радио РТЕ.
Франција, од друга страна, повика ратификацијата на Договорот да продолжи.
“Другите мора да продолжат со ратификација…за да ирскиот инцидент не стане криза“, изјави францускиот претседател Николас Саркози.
Но, сите држави мора да ја ратификуваат Спогодбата од Лисабон за да документот стапи на сила. Претставникот на либералите во британската администрација и експерт по уставни прашања посочува дека сите обиди да се најде некакво полулегално решение се “бесмислица“.
“Сите сме заглавени во Договорот од Ница“, изјави тој, сумирајќи ја ситуацијата по ирското “не“.
Најочигледниот начин за излез е повторно гласање за да се види дали Ирците ќе кажат “да“, предлог што го посочи францускиот министер за европски прашања.
Сепак, се чини дека ирската Влада нема да може да го преземе овој потег, што го потврди и ирскиот министер одговорен за евроинтеграции Конор Ленихан.
/крај/еу/ис
Copyright 2008
makfax
. Сите права се задржани. Текстов не смее да се печати или емитува, во целина или во делови, без договор со makfax.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Uncategorized
(Видео) Гори дел од касарна, голем пожар во Србија
Во делот од касарната лоциран во близина на болницата ВМА, во Бањица денеска во попладневните часови имало пожар.
View this post on Instagram
Како што се гледа на видеото кое е објавено на социјалната мрежа Инстаграм, во тој дел од градот се шири густ чад.
На терен се 12 пожарникари и четири противпожарни возила.
Uncategorized
Општина Аеродром доделува мали грантови за управување со отпад
Општина Аеродром објавува повик за доделување мали грантови за граѓанските организации на тема „Зајакнување на заедниците за одржливо управување со отпад од пакување“.
Целта на повикот е да се променат навиките на локалното население за селектирање отпад од пакувања во своите домаќинства и да се научат на правилна селекција на отпадот, пред сè, пластика и лименки.
Вкупниот износ на финансиските средства за грантот изнесува 25.000 евра обезбедени преку проектот финансиран од Европската Унија „Clean AirDrom – нула цврст отпад во Општина Аеродром“.
Минималната вкупна сума што може да ја добие една граѓанска организација е 2.500 евра, додека максималниот износ по грант изнесува 5.000 евра во денарска противвредност.
Јавниот повик е отворен за граѓански организации што се формално регистрирани на територијата на Град Скопје најмалку 2 (две) години пред објавата на овој повик.
Предност ќе имаат оние организации што во својата мисија и статут имаат заложби за зајакнување на заедниците за одржливо управување со отпад и кои во својот фокус ги имаат младите.
Проектите може да бидат со времетраење од 3 месеци, односно да се спроведат во периодот од ноември 2024 година до јануари 2025 година.
Предлог-проектите мора да се спроведуваат исклучиво на територијата на Општина Аеродром.
Рокот за поднесување на предлог-проектите е до 16.10.2024 година, најдоцна до 15:00 часот во Архивата на Општина Аеродром (соба број 7 на први кат) или електронски преку е-адресата [email protected]. Подетални информации за повикот може да се добијат на телефонскиот број 075/572-830.
Документацијата за поднесување на предлог-проектите може да се преземе на следниов линк.
Uncategorized
(Видео) Руска вселенска капсула слета на Земјата, поставен нов рекорд: астронаутите поминале 374 дена во вселената
Руската вселенска капсула „Сојуз МС-25“ слета денеска во степите на Казахстан со двајца руски и еден американски астронаут, кои престојуваа на Меѓународната вселенска станица (МВС).
Капсулата „Сојуз“ со космонаутите на „Роскосмос“, Николај Чуб и Олег Кононенко, и астронаутот на НАСА, Трејси Дајсон, слета на Земјата во 11.59 часот по локално време, јавува „Ројтерс“.
Кононенко и Чаб заминаа кон вселенската станица на 15 септември 2023 година и во петокот го поставија рекордот за најдолга континуирана мисија на ISS поминувајќи вкупно 374 дена во вселената.
Welcome home!
The Soyuz MS-25 spacecraft, with NASA astronaut Tracy C. Dyson and cosmonauts Nikolai Chub and Oleg Kononenko aboard, landed in Kazakhstan at 7:59am ET today. More… https://t.co/RYIAX6voqf pic.twitter.com/HCAewHyjik
— International Space Station (@Space_Station) September 23, 2024