Uncategorized
„Ромео и Јулија“ утревечер во МОБ
Најпопуларната балетска приказна „Ромео и Јулија“ од Сергеј Прокофјев утревечер, со почеток од 20 часот, ќе биде изведена на сцената на Македонската опера и балет
Претставата е во кореографија и режија на Хазарос Сурмејан од Канада. Под диригентската палка на гостинот од Русија Едуард Амбарцумјан, во главните улоги настапуваат Мими Поп Алексова и Бобан Ковачевски.Обновата на претставата ја направија Димитри Кљавин и Тања Вујисиќ – Тодоровска. Костимограф е Елена Дончева, а сценограф Живојин Трајановиќ. Во претставата учествуваат оркестарот, солистите и балетскиот ансамбл на МОБ.„Ромео и Јулија“ е балет во 3 чина (13 слики) со пролог, според делото на Шекспир, либрето и кореографија Леонид Лавровски, музика Сергеј Прокофјев.Светската премиера е одржана во театарот Киров во Ленинград 1935-1936 година, а во главните улоги настапиле Уланова и Сергејев. Темата на несреќната љубов привлекувала голем број на композитори (Берлиоз, Чајковски, Гуно) и кореографи и тоа откако Винченцо Галеоти ја поставил својата верзија 1811 година во Кралскиот театар во Копенхаген.Понатаму следеле повеќе верзии 1926, 1942, 1949 година.Што се однесува до делото на Прокофјев, композиторот бил заинтересиран да направи балетска музика со шарм и драмски интензитет кој го истакнува текот на трагедијата од почеток до крај.Во кореографска смисла тоа било грандиозно дело кое вклучувало игра , глума, изразност и големи масовни сцени. Многу познати кореографи подоцна го работеле ова дело.Кај нас „Ромео и Јулија“ е поставена за прв пат на 30 октомври 1962 година. Кореограф е Димитрије Парлиќ, а диригент Ино Перишиќ. Во главните улоги настапиле Натка Пенушлиска и Перица Маслаковски. На 14 мај 1969 година кореографијата ја обновил Градимир Хаџиславковиќ, а диригент бил Александар Лековски. Во 1987 година Хазарос Сурмејан ја обновил кореографијата за овој балет.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Uncategorized
(Видео) Гори дел од касарна, голем пожар во Србија
Во делот од касарната лоциран во близина на болницата ВМА, во Бањица денеска во попладневните часови имало пожар.
View this post on Instagram
Како што се гледа на видеото кое е објавено на социјалната мрежа Инстаграм, во тој дел од градот се шири густ чад.
На терен се 12 пожарникари и четири противпожарни возила.
Uncategorized
Општина Аеродром доделува мали грантови за управување со отпад
Општина Аеродром објавува повик за доделување мали грантови за граѓанските организации на тема „Зајакнување на заедниците за одржливо управување со отпад од пакување“.
Целта на повикот е да се променат навиките на локалното население за селектирање отпад од пакувања во своите домаќинства и да се научат на правилна селекција на отпадот, пред сè, пластика и лименки.
Вкупниот износ на финансиските средства за грантот изнесува 25.000 евра обезбедени преку проектот финансиран од Европската Унија „Clean AirDrom – нула цврст отпад во Општина Аеродром“.
Минималната вкупна сума што може да ја добие една граѓанска организација е 2.500 евра, додека максималниот износ по грант изнесува 5.000 евра во денарска противвредност.
Јавниот повик е отворен за граѓански организации што се формално регистрирани на територијата на Град Скопје најмалку 2 (две) години пред објавата на овој повик.
Предност ќе имаат оние организации што во својата мисија и статут имаат заложби за зајакнување на заедниците за одржливо управување со отпад и кои во својот фокус ги имаат младите.
Проектите може да бидат со времетраење од 3 месеци, односно да се спроведат во периодот од ноември 2024 година до јануари 2025 година.
Предлог-проектите мора да се спроведуваат исклучиво на територијата на Општина Аеродром.
Рокот за поднесување на предлог-проектите е до 16.10.2024 година, најдоцна до 15:00 часот во Архивата на Општина Аеродром (соба број 7 на први кат) или електронски преку е-адресата [email protected]. Подетални информации за повикот може да се добијат на телефонскиот број 075/572-830.
Документацијата за поднесување на предлог-проектите може да се преземе на следниов линк.
Uncategorized
(Видео) Руска вселенска капсула слета на Земјата, поставен нов рекорд: астронаутите поминале 374 дена во вселената
Руската вселенска капсула „Сојуз МС-25“ слета денеска во степите на Казахстан со двајца руски и еден американски астронаут, кои престојуваа на Меѓународната вселенска станица (МВС).
Капсулата „Сојуз“ со космонаутите на „Роскосмос“, Николај Чуб и Олег Кононенко, и астронаутот на НАСА, Трејси Дајсон, слета на Земјата во 11.59 часот по локално време, јавува „Ројтерс“.
Кононенко и Чаб заминаа кон вселенската станица на 15 септември 2023 година и во петокот го поставија рекордот за најдолга континуирана мисија на ISS поминувајќи вкупно 374 дена во вселената.
Welcome home!
The Soyuz MS-25 spacecraft, with NASA astronaut Tracy C. Dyson and cosmonauts Nikolai Chub and Oleg Kononenko aboard, landed in Kazakhstan at 7:59am ET today. More… https://t.co/RYIAX6voqf pic.twitter.com/HCAewHyjik
— International Space Station (@Space_Station) September 23, 2024