Uncategorized
Грузија нуди размена на територии со Азербејџан
Тбилиси му понуди на Азербејџан дел од грузиска територија во замена за архитектонскиот споменик на Давид-Гареџи, соопшти денеска грузиското Министерство за надворешни работи.
Тбилиси му понуди на Азербејџан дел од грузиска територија во замена за архитектонскиот споменик на Давид-Гареџи, соопшти денеска грузиското Министерство за надворешни работи.
Шефот на грузиската дипломатија Гела Бежуашвили денеска отпатува во Баку на разговори за утврдување на државната граница меѓу Грузија и Азербејџан, јавија руските гласила.
Според истите извори, главна тема на средбата ќе биде прашањето за грузискиот архитектонски комплекс од 6.век на Давид-Гареџи, чиј дел сега се наоѓа на територијата на Азербејџан.
“РИА Новости“ објави дека грузиската страна е подготвена да отстапи дел од својата територија во замена за локација каде се наоѓа дел од овој комплекс.
Овој комплекс се наоѓа на 60 километри североисточно од Тбилиси. Споменикот е подигнат во првата половина на 6.век, а во периодот од 10. до 13.век, се изградени и други манастири.
Фреските со ликови на историски личности датираат од периодот меѓу 8. до 14.век.
/Крај/бе/ис
/
б
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Uncategorized
Намалена видливост поради магла од 50 до 100 м во Битола, Прилеп, Гостивар, Штип и во Струмица
Намалена видливост поради магла од 50 до 100 м има во Битола, Прилеп, Гостивар, Штип и Струмица, соопштуваат од АМСМ.
„Сообраќајот на државните патишта се одвива во зимски услови, по наместа влажни коловози. Интензитетот на сообраќај на патните правци надвор од градските средини е умерен. На граничните премини од македонска страна нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево“, посочуваат од АМСМ.
Uncategorized
Северина објави нови фотографии од Малдивите, позира во костим за капење
Северина објави нови фотографии на Инстаграм од плажа на Малдивите каде што отпатува неодамна.
Таа позира во костим на капење, а покрај фотографиите, ги напиша стиховите од песната „Аритмија“ која ја сними со босанските рапери.
Таа претходно позираше во розов лелеав долг фустан од Макс Мара, чија цена на веб-страницата е околу 2.800 евра.
Uncategorized
Фатени бегалци од затвор барани со потерници
На 02.01.2025 околу 02 часот полициски службеници од Секторот за меѓународна полициска соработка- Отсек потраги и СВР Тетово во Тетово ги лишија од слобода Е.З. (24) од с. Грчец, скопско и А.О. (24) од с. Грчец, скопско, кои биле барани со потерници по наредба на Основен суд Скопје 1 поради бегство од КПУ Затвор Скопје.
Е.З. е осуден на казна затвор во траење од пет години за сторено кривично дело по чл.215 ст.3 во врска со ст.1 од КЗ, а А.О. на казна затвор од три години за сторено кривично дело по чл.215 ст.1 од КЗ.
Лицата ќе бидат предадени на надлежната казнено поправна установа.