Uncategorized
ЕК: Новите членки на ЕУ побрзо ќе се развиваат од старите
Комисијата прогнозира дека економскиот растеж во Турција, кандидат за ЕУ, ќе изнесува 5,1 насто во 2007 година, споредбено со пет насто во 2005 година.
Новите членки на Европската унија (ЕУ) ќе уживаат побрз економски развој од старите во периодот 2005-2007 година, меѓутоа, големите буџетски дефицити би можеле да им попречат да се префрлат на Еврото, оценува Европската комисија (ЕК).
Полска, во 2007 година ќе забележи економски раст од 4,5 проценти, по 3,4 насто оваа година и 4,3 насто наредната година, откако во оваа држава ќе почне да се “влева“ помошта на Унијата за поттик на домашната потрошувачка и увозот.
Слични стапки на развој Комисијата очекува и во Чешка, додека во Унгарија експанзијата ќе биде нешто послаба, но над просекот во зоната на Еврото од 1,9 насто во 2006 година и 2,1 насто во 2007 година.
Најголемиот растеж, повеќе од пет насто, ќе имаат трите балтички републики чии буџетски дефицити веќе се под три насто од Бруто општествениот производ (БДП) и кои, се очекува, да прејдат на Еврото околу 2007 година.
Комисијата прогнозира дека економскиот растеж во Турција, кандидат за ЕУ, ќе изнесува 5,1 насто во 2007 година, споредбено со пет насто во 2005 година. Растежот на останатите кандидати, Бугарија, Романија и Хрватска, исто така ќе биде нешто поголем, проценува Комисијата.
Инфлацијата во новите држави-членки ќе се стабилизира, а стапката на невработеност ќе се намали. Ова ќе ја поттикне приватната потрошувачка и инвестициите, предвидува законодавното тело на Комисијата во шестмесечните прогнози.
Сепак, Чешка, Унгарија и Полска, во 2007 година најверојатно ќе имаат буџетски дефицити поголеми од три насто на Бруто општестевниот производ, колку што е максимумот во ЕУ, така што се доведува во прашање нивниот влез во Евро-зоната.
Се претпоставува дека Полска, најголема меѓу новите членки, ќе го намали дефицитот до 2007 година од 3,6 насто на 3,4 насто, додека чешката ’загуба“ би можела да се зголеми од 3,2 на 3,3 насто од БДП.
Унгарскиот буџетски дефицит, исто така се проценува дека ќе се зголеми од 6,1 процент годинава на 6,9 насто од БДП во 2007 година.
Јавните финансии на новите членки ќе бидат оптеретени и со трошоците на кофинансирање на проекти – вредни повеќе милијарди евра во Европската унија (ЕУ), каде станува збор, пред се за инфраструктурни и еколошки проекти./Крај/бе/ис
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Uncategorized
Минчев – Жариќ-Ковачевиќ: Зајакнување на билатералната соработка меѓу Република Македонија и Република Србија во јавната администрација
Во рамки на зајакнување на регионалната соработка, Министерот за јавна администрација на Република Македонија, Горан Минчев, оствари билатерална средба со Министерката за јавна администрација и локална самоуправа на Република Србија, Јелена Жариќ Ковачевиќ, на која разговараа за областите на соработка насочени кон унапредување на системите на јавна администрација во двете земји.
На средбата беа истакнати одличните релации меѓу држави, при што двајцата министри изразија заедничка посветеност за продлабочување на соработката во областа на владеењето и административните реформи.
Во таа насока, заложбите на двете страни кулминираа со договор за потпишување на Меморандум за соработка во перидот кој следи, а кој ќе ја формализира размената на најдобри практики, заеднички иницијативи и споделена експертиза во јавната администрација.
„Потпишувањето на овој меморандум за соработка ќе означи ново поглавје во партнерството меѓу Република Македонија и Република Србија во областа на јавната администрација, едновремено истакнувајќи ја нашата заедничка цел, а тоа е модернизирање на јавна администрација и унапредување и зајакнување на процесите и капацитетите кои произлегуваат од неа.”- истакна министерот Минчев.
Министерката Жариќ Ковачевиќ ја потврди оваа иницијатива, истакнувајќи ја важноста на регионалните партнерства во поттикнувањето на реформите кои ќе ја подобрат испораката на јавните услуги за граѓаните во двете земји.
Двете министерства ќе се заложат преку редовни консултации и состаноци да работат на конкретни процеси кои ќе придонесат за ефективна имплементација на реформите во јавната администрација, а кои ќе бидат дел од Меморандумот за соработка.
Uncategorized
(Видео) Гори дел од касарна, голем пожар во Србија
Во делот од касарната лоциран во близина на болницата ВМА, во Бањица денеска во попладневните часови имало пожар.
View this post on Instagram
Како што се гледа на видеото кое е објавено на социјалната мрежа Инстаграм, во тој дел од градот се шири густ чад.
На терен се 12 пожарникари и четири противпожарни возила.
Uncategorized
Општина Аеродром доделува мали грантови за управување со отпад
Општина Аеродром објавува повик за доделување мали грантови за граѓанските организации на тема „Зајакнување на заедниците за одржливо управување со отпад од пакување“.
Целта на повикот е да се променат навиките на локалното население за селектирање отпад од пакувања во своите домаќинства и да се научат на правилна селекција на отпадот, пред сè, пластика и лименки.
Вкупниот износ на финансиските средства за грантот изнесува 25.000 евра обезбедени преку проектот финансиран од Европската Унија „Clean AirDrom – нула цврст отпад во Општина Аеродром“.
Минималната вкупна сума што може да ја добие една граѓанска организација е 2.500 евра, додека максималниот износ по грант изнесува 5.000 евра во денарска противвредност.
Јавниот повик е отворен за граѓански организации што се формално регистрирани на територијата на Град Скопје најмалку 2 (две) години пред објавата на овој повик.
Предност ќе имаат оние организации што во својата мисија и статут имаат заложби за зајакнување на заедниците за одржливо управување со отпад и кои во својот фокус ги имаат младите.
Проектите може да бидат со времетраење од 3 месеци, односно да се спроведат во периодот од ноември 2024 година до јануари 2025 година.
Предлог-проектите мора да се спроведуваат исклучиво на територијата на Општина Аеродром.
Рокот за поднесување на предлог-проектите е до 16.10.2024 година, најдоцна до 15:00 часот во Архивата на Општина Аеродром (соба број 7 на први кат) или електронски преку е-адресата [email protected]. Подетални информации за повикот може да се добијат на телефонскиот број 075/572-830.
Документацијата за поднесување на предлог-проектите може да се преземе на следниов линк.