Uncategorized
Новата палестинска влада положи заклетва
Вонредната
палестинска влада начело со економистот Салам Фајад денеска положи заклетва
пред претседателот Махмуд Абас во Рамала.
Вонредната
палестинска влада начело со економистот Салам Фајад денеска положи заклетва
пред претседателот Махмуд Абас во Рамала.
Владата има
засега 10 министри, покрај премиерот. Останатите ќе бидат назначени подоцна. Се
очекува владата да добие поддршка од меѓународната заедница.
Владата ќе треба
да ја ефектуира вонредната состојба, откако исламистичкото движење Хамас ја
презеде контрола над појасот Газа.
Новиот кабинет
нема да издржи повеќе од месец дена, смета Муса Абу Марзук, заменик-раководителот
на Политбирото на Хамас, чија влада беше распуштена во четвртокот.
Тој ова го
поткрепува со фактот дека мнозинство во Палестинскиот законодавен совет (парламент),
каде треба да биде одобрена владата, го имаат пратениците од Хамас .
Израел најави
уште поголема изолација на појасот Газа, преку обид да се разбие единството на Хамас
со спречување на шверцот на оружје, муниција и пари во појасот Газа. Израел веќе
го замрзна доставувањето на гориво за автомобилите во појасот Газа.
/крај/бгнес/хн/ил
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Uncategorized
Гаши на средба со амбасадорот на Австралија: Разговарано за билатералните односи меѓу двете земји
Претседателот на Собранието, Африм Гаши, се сретна со Даниел Џозеф Емери, амбасадор на Австралија за Република Северна Македонија (со седиште во Белград, Република Србија).
На средбата се разговараше за билатералните односи меѓу двете земји, а Гаши го запозна амбасадорот и со чекорите на Северна Македонија во насока на остварување на своите стратешки цели за што во континуитет имаме поддршка од нашите пријателски земји, меѓу кои и Австралија.
Гаши нагласи дека Северна Македонија и Австралија, иако се просторно многу далечни, всушност негуваат мошне блиски и пријателски односи и споделуваат слични вредности, особено во поглед на светскиот мир и демократијата.
Беше посочено дека наредната година се заокружуваат 30 години од воспоставувањето на билатералните односи меѓу двете земји. Тоа, како што беше заклучено, претставува дополнителен поттик за понатамошно продлабочување на соработката и во делот на економијата и инвестициите, особено ако се има предвид дека голем број граѓани по потекло од земјава живеат и работат во Австралија.
Соговорниците ја оценија како позитивна и продуктивна комуникацијата на ниво на парламенти и преку пратеничките групи за соработка, а во однос на мултилатералната соработка беше посебно истакнато партнерството во рамките на НАТО и членството во Обединетите нации.
Uncategorized
Таравари: Објавен тендер за компресорите во хируршките сали, кои не работат
Во моментот се работи и на изнаоѓање решение за дигитализација во здравството, како и за унапредување на дигиталната инфраструктура.
Uncategorized
Заев и Ципрас му врачија на награда на Нимиц: „Ни порача да го чуваме и целосно да го имплементираме Преспанскиот договор“
Експремиерите Зоран Заев и Алексис Ципрас му ја врачија Наградата за мир Преспа на поранешниот медијатор Метју Нимиц, најавувајќи дека традиционално оваа награда ќе се доделува секоја година на денот кога се одбележува Преспанскиот договор.
„Нимиц имаше трпение повеќе од две децении од својот живот да посвети на барање решение за спорот за името. Со неговата поддршка и посветеност изградивме меѓусебна соработка и дојдовме до решение не само за името, туку отворивме порта за соработка за двете земји за подобра иднина на нашите народи, но и за иднината на регионот. Му благодарам на амбасадорот Метју Нимиц кој ни помогна да стигнеме до решение кое денес е модел за решавање многу спорови“, напиша Заев на социјалните мрежи.
Нимиц им порачал да го чуваат и негуваат Преспанскиот договор и целосно да го имплементираат.
Во Атина се одржа Меѓународна конференција за мир и одржлив развој, по повод шестгодишнината од потпишувањето на Преспанскиот договор.