Спорт
Рома тенко против Клуј, Баерн во Басел со пресврт го преболе Мајнц,
Во Е групата од Лигата на шампионите, баварците дојдоа до вредна рехабилитирачка победа на гости против негодните Швајцарци, а Рома со истиот резултат од 2:1 на „Олипмико“ го совлада романски Клуј
На „Сен Жакоб“ стадионот во Базел и овој меч не започна добро за Луис ван Гал и неговата екипа, затоа што само по 18. минути ига, Базел дојде во водство преку Фреи кој одлично соработуваше со Стрелер, откако претходно катастрофално згреши бекот на Баерн, ван Бајтен.Сепак, баварците докажаа се дека се голема екипа и без неколкуте првотимци, и со класичната германска упорност на крајот преку одличниот Баштиан Швајнштајгер дојдоа до трите бода. Милер во 56. минута беше фаулиран во домашниот шеснаесетник а Швајнштајгер од белата точка биеше неодбранливо. Во продолжение од мечот, без да покаже особен квалитет, Баерн со сите сили се трудеше да дојде до победата која многу значи за разнишаната самодоверба на играчите и таквите настојувања дадоа резултат во 89. минута, кога Швајнштајгер на втората статива во скок дочека нафрлување и итро ја проведе топката во мрежата. Во вториот меч од истата група, Рома за само три минути го реши победникот на мечот. Но тоа се случи во вториот дел, откако во првото полувреме и покрај целосната доинација на фудбалерите на „волчицата“, Клуј ја имаше најголемата можност да го открие резултатот откако Кулио кон средината на периодот биеше во стативата. Во вториот дел требаше да минат уште 25 минута, за да Рома конечно ја погоди мрежата на најголемиот аутсајдер во групата. Филипе Мексес во 69. минута од една карамбол ситуација низ нозете на повеќе играчи го најде патот на топката до противничката мрежеа, а веќе во 71. минута Марко Бориело зголеми на 2:0. Клуј доби малку надеж по само седум минути, кога Ионут Рада намали но Романците немаа сиал за изедначување, а римјаните за уште еден погодок и обезбедување на победата. Со оваа победа Рома бодовно се изедначи со Клуј во борбата за втората позиција со три бода, додека Баерн има шест бодови, а Базел е без бодови.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Сашко Кедев на Велигден го искачи Макалу (8.485), петтиот највисок врв на светот
Кардиологот и алпинист Сашко Кедев утрото на Велигден се искачи на врвот Макалу кој е висок 8.485 метри и е петти највисок планински врз во светот.
Кедев со експедиција од четворица меѓународни алпинисти и петмина шерпаси се искачи на Макалу. Тој е првиот акедонец кој се искачил на овој врв.
Беше во придружба на искусниот Кили Пемба Шерпа, кој беше еден од 10-те непалски планинари кои се искачија на К2 во 2021 година.
Во историскиот успех на Кедев се запишани и врвовите Монт Еверест (8.848), К2 (8.611), Далагири (8.167), Манаслу (8.163), Броуд пик (8.051), Анапурна (8.091 метри), Cho Oyu (8.201), Нанга Парбат (8.126).
Спорт
(Видео) Алкараз на удар: „Се распаѓа, изгледа како 78-годишен старец“
Шпанскиот тенисер Карлос Алкараз имаше проблеми со многу повреди во текот на својата кратка кариера.
Последна во низата е повредата на подлактицата која го мачи оваа пролет и поради неа ги пропушти турнирите во Монте Карло, Барселона и Рим.
На оваа тема се зборуваше и во подкастот „Super Moscato“ на добро познатиот RMC.
Водител на емисијата е поранешниот француски рагбист, денес актер и водител Винсент Москато, кој многу го критикуваше 21-годишниот Шпанец.
„Да не бидам досаден, добри супи се прават во стари тенџериња, па еве го Ѓоковиќ, со сите повреди типувам на Ѓоковиќ“, изјави Москато и додаде:
„Алкараз „се распаѓа“. Го боли подлактицата, изгледа како 78-годишен старец. На 20 години раката не ве боли многу. Го гледате ли Алкараз како наследник на Надал? Слушајте ме, ќе јадам стаорец ако се случи тоа“
Алкарас моментално е трет на АТП листата, а полуфиналето ќе го брани на Ролан Гарос.
Спорт
FourFourTwo: Пикси Стојковиќ е најлош од сите селектори на Евро 2024
Сезоната на клупскиот фудбал полека привршува, а стартот на Европското првенство во Германија е се поблиску. За точно 38 дена во Минхен ќе се одигра првиот натпревар на ЕП меѓу Германија и Шкотска.
Специјализираниот фудбалски магазин „FourFourTwo“ во пресрет на првенството објави список на селекторите на сите репрезентации кои според нивната проценка ги рангираше од најдобар до најлош. На првото место е Дидие Дешамп (Франција), а зад него се Лучијано Спалети (Италија) и Јулијан Нагелсман (Германија). Најлош од сите сите селектори според „FourFourTwo“ е Драган Стојковиќ.
Рангирање на сите екипи на Евро според „FourFourTwo“:
1. Дидие Дешамп (Франција)
2. Лучијано Спалети (Италија)
3. Јулијан Нагелсман (Германија)
4. Герет Саутгејт (Англија)
5. Златко Далиќ (Хрватска)
6. Роберто Мартинез (Португалија)
7. Доменико Тедеско (Белгија)
8. Луис де ла Фуенте (Шпанија)
9. Каспер Хјулманд (Данска)
10. Марко Роси (Унгарија)
11. Стив Кларк (Шкотска)
12. Роналд Куман (Холандија)
13. Силвињо (Албанија)
14. Винченцо Монтела (Турција)
15. Вили Сањол (Грузија)
16. Ралф Рангник (Австрија)
17. Франческо Калцона (Словачка)
18. Едвард Јорданеску (Романија)
19. Сергеј Ребров (Украина)
20. Матјаж Кек (Словенија)
21. Мурат Јакин (Швајцарија)
22. Михал Пробиерц (Полска)
23. Иван Хашек (Чешка)
24. Драган Стојковиќ (Србија)