Uncategorized
Родителите на Ходорковски велат дека судот се занимава со „глупости“
Родителите на Михаил Ходорковски, поранешниот газда на Јукос, ја напуштија судницата пред завршување на рочиштето на кое, веќе петти ден по ред, се читаше пресудата во обединетиот случај против Ходорковски, Платон Лебедев и Андреј Крајнов.
Родителите на Михаил Ходорковски, поранешниот газда на Јукос, ја напуштија судницата пред завршување на рочиштето на кое, веќе петти ден по ред, се читаше пресудата во обединетиот случај против Ходорковски, Платон Лебедев и Андреј Крајнов.
„Судот се занимава со глупости и се чини дека се подготвува да напише книга за тоа како да се развие бизнис во Русија“, им изјави на новинарите Борис Ходорковски, татко на шефот на Јукос.
Петтиот ден од читањето на пресудата, судиите, слично како и во изминатите четири денови, се менуваа при читањето на доказите што ги товарат обвинетите и не успеаја повторно да прочитаат повеќе од 30 страници, им изјави на новинарите адвокатот на Лебедев, Елена Липцер. Таа потврди дека објавувањето на пресудите ќе продолжи и во понеделник.
Читањето на пресудите на Ходорковски, челникот на „Менатеп Лебедев“ и на поранешниот главен директор на „Волна Крајнов“, според адвокатите, би можело да трае долго.
Ходорковски и Лебедев се обвинети за измама, проневера и затајување данок, со што, според наводите на обвинението, ја оштетиле државата за близу една милијарда долари. Тие, истовремено, се обвинети за здружување во злосторничка организација. Андреј Крајнов се товари за измама. /крај/ хин/тт
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Uncategorized
Мицкоски на средба со австрискиот амбасадор Памер: Идната влада ќе работи на уште позасилена соработка на економско поле помеѓу двете држави
Претседателот на ВМРО-ДПМНЕ, Христијан Мицкоски, заедно со потпретседателот Тимчо Муцунски денеска оствари средба со австрискиот амбасадор Мартин Памер.
Мицкоски му се заблагодари на Памер за поддршката што Македонија ја добива од Австрија на патот на евроинтеграциите.
Одличните односи помеѓу Македонија и Австрија на економско поле ќе бидат дополнително унапредувани и поттикнувано во наредниот период, истакна Мицкоски.
Воедно, беше потенциран и планот за борбата против корупцијата и криминалот, кои ќе бидат високо на агендата на идната влада.
Uncategorized
Силен земјотрес ја погоди Франција
Франција денеска ја погоди земјотрес со јачина од 4,1 степени според Рихтеровата скала, соопшти Европско-медитеранскиот сеизмолошки центар (EMSC).
Епицентарот на земјотресот бил на 10 километри југоисточно од градот Тарбес и 120 километри југозападно од Тулуз, на длабочина од четири километри, се наведува на веб-страницата ЕМСЦ.
Засега нема информации за повредени или материјална штета.
Uncategorized
Сончево и топло со мала до умерена облачност, попладне нестабилно време со пороен дожд и грмежи
Сончево и топло со мала до умерена облачност. Ќе дува слаб до умерен ветер од јужен правец. Попладне наместа, особено во северните делови ќе биде нестабилно со пороен дожд и грмежи, а ќе има и услови за краткотрајно невреме со силен ветер и изолирана појава на град. Минималната температура ќе биде во интервал од 7 до 14, а максималната ќе достигне од 24 до 29 степени.
Во Скопје сончево и топло со мала до умерена облачност. Попладне во делови од котлината ќе биде нестабилно со пороен дожд и грмежи, а ќе има и услови за краткотрајно невреме. Минималната температура ќе се спушти до 10, а максималната ќе достигне до 27 степени.
Во следните денови ќе се задржи топло време, но во попладневните часови наместа ќе биде нестабилно со пороен дожд и грмежи. Локално ќе има услови процесите да бидат поинтензивни во форма на краткотрајно невреме, со силен ветер, интензивен пороен дожд и изолирана појава на град.