Uncategorized
Избрани претставниците за официјалната програма на фестивалот „Војдан Чернодрински“
Претставата „Свето срце“ од Љубиша Георгиевски, во продукција на Македонскиот народен театар, ќе го отвори 44 Македонски театарски фестивал „Војдан Чернодрински“, кој ќе се одржува од 5 до 11 јуни, соопшти Петар Темелковски, претседател на Собранието на фестивалот и селектор на програмата
Од 28 понудени претстави на македонските театри, тој за официјалната фестивалска програма избрал десет, кои ќе се натпреваруваат за наградата за најдобра претстава на годинашната национална театарска манифестација.Покрај „Свето срце“, во трка за наградите се и претставите: „Црна се чума зададе” на Битолскиот театар, „Глогов жбун” на Штипскиот, „Тапани во ноќта“ на домаќинот – театарот од Прилеп, „Последниот ден на Мисирков” во продукција на Народниот театар од Струмица, „Кинегонда во Карлаленд” на Драмски театар – Скопје, „Тетовирани души” на Кумановскиот театар, „Тероризам“ на Народниот театар од Велес, „Албански ноќи” на Албанскиот театар – Скопје и претставата „Сијах Калем” на Турскиот театар – Скопје.Наградата за животно дело, според одлуката на Собранието на МТФ „Војдан Чернодрински“, ќе ја добијат актерите Димитар Костов од Македонскиот народен театар и Љубица Гојковиќ од Народниот театар Куманово.„Со радост констатирам дека театарот во Македонија оди по нагорна линија, творечки заздравува. Се трудев да ги одберам најдобрите претстави од тие што ги гледав, според мојот концепт. Оваа година ќе имаме пет-шест текстови од домашни автори, што е и целта и непишано примарно значење на овој фестивал“, истакна Темелковски на прес-конференцијата. Претставите тематски и жанровски се различни и тој се надева дека понудената програма ќе го задоволи истенчениот театарски вкус и остриот критериум на публиката.Во придружниот дел на фестивалската програма ќе има пет до осум претстави кои дополнително ќе бидат утврдени. Се договараат и четирите теми за кои ќе се дискутира, а ќе ги опфатат аспектите и проблемите на театарското творештво.Во чест на актерите кои ќе ги освојат наградите на 44. фестивалско издание, на свеченото затворање Драмски театар ќе ја изведе претставата „Лебедова песна“ од Чехов во режија на Бранко Ставрев, која премиерно беше изведена на матичната сцена пред една недела.Македонскиот театарски фестивал нема финансиски проблеми и ја има поддршката на Министерството за култура и прилепската локална самоуправа, кои се негови покровители.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Uncategorized
Возило паднало во водите на реката Радика, има загинати, во прекин сообраќајот Маврово-Дебар
Патничко моторно возило попладнево паднало во реката Радика, на локација кај Манастирот „Св. Јован Бигорски“.
„Од 18:30 часот, сообраќајот на регионалниот пат Маврово -Дебар е во прекин поради извлекување на патничко моторно возило од сообраќајната незгода со загинати лица од водите на реката Радика во близина на Манастирот св.Јован Бигорски, соопшти АМСМ.
Uncategorized
(Видео) Владата ги намали парите за загаден воздух за 50 отсто во споредба со лани, рече Лукаревска и праша кои конкретни мерки се преземени
Пратеничката на СДСМ, Сања Лукаревска, на денешната седница посветена на пратенички прашања го праша министерот за животна средина и просторно планирање, Мухамед Хоџа, за кратењето на буџетските средства за заштита на животната средина и за тоа како Владата планира да се справи со аерозагадувањето кога од година на година ги намалува средствата за оваа намена.
„Во ребалансот на буџетот за 2025 година – заштитата на животната средина како функција на државата има евидентно намалување на буџетските средства за 13,4 % во износ од 868 милиони денари помалку сведувајќи се од 6,4 милијарди на речиси 5,6 милијарди денари за фискалната година. Најголемата промена е во ставката – намалување на загадувањето, каде што првично планираните 3,2 милијарди денари се сведуваат на 2,6 милијарди денари, што претставува приближно 19 % намален буџет, а во однос на претходната година планирано е тој да се намали за 48,2 %, тоа е речиси 50 %“, рече Лукаревска.
Таа нагласи дека е несвојствено да се кратат средства за области кои се рак рана на општеството и изрази загриженост за тоа како ќе се справиме со загадувањето, кој ќе биде третманот за отпадни води, како ќе ја заштитиме природата, каков квалитет на воздухот ќе имаме, како ќе се зајакне надзорната функција на Државниот инспекторат за труд и како ќе се унапредува животната средина.
„Моето прашање е кои конкретни мерки ги преземате како Влада, односно како ресорно министерство во борбата против аерозагадувањето имајќи го предвид фактот дека од година на година со секој буџет и ребаланс на буџетот ги намалувате средствата за справување со овој огромен проблем ?“, праша Лукаревска.
Лукаревска постави прашање и до министерот за економија и труд, Бесар Дурмиши, за неисполнувањето на обврските од реформската агенда, односно обврските за три реформи, кои се однесуваат на подобрување на деловната клима за малите и средните претпријатија.
Uncategorized
Израелски напад врз училиште во Појасот Газа
Петмина Палестинци загинаа при израелскиот напад врз училиште во квартот Ал Туфа, источно од градот Газа, каде се сместени раселени лица.
Помеѓу загинатите има и деца. При нападот повредени се и повеќе лица кои се хоспитализирани.
Израелската армија соопшти дека неколку осомничени лица се идентификувани надвор од обележаната линија за прекин на огнот и оти отвориле оган врз нив.
Хамас нападот го оцени како „брутално злосторство“ и уште едно кршење на Договорот за прекин на огнот.
Според палестинското Министерство за здравство во Газа, од стапувањето во сила на Договорот за прекин на огнот, убиени се 400 Палестинци.

