Uncategorized
Стотици руски војници се борат со нафтената дамка во Црното море
Повеќе стотици руски војници се ангажирани во чистење на брегот на Црното море по испуштањето 2,000 тони мазут при несреќата на танкер во неделата.
Повеќе стотици руски војници се ангажирани во чистење на брегот на Црното море по испуштањето 2,000 тони мазут при несреќата на танкер во неделата.
Руските власти соопштија дека се уште има опасност од „еколошка катастрофа“.
Теснецот Керч, каде се случи несреќата на рускиот танкер Волганефт – 139, ги раздвојува Црното море и Азовското море и е важна зона за птиците преселници.
„Ги чистиме брегот и морето, и ја црпиме преостаната нафта од танкерот оштетен во невремето“, изјави вториот човек на руската Агенција за еколошки надзор Олег Митвол.
Тој наведе дека за чистење на брегот се мобилизирани околу 700 лица, од кои 500 војници.
„Доколку дамката од 2,000 тони мазут напредува кон Азовското море, ќе има тешки последици за животната средина. Нејзиниот еко состав е кревок“, посочи Митвол.
Судбината на 20 морнари кои се водат за исчезнати по несреќата во неделата на вкупно пет теретни бродови е се понеизвесна, додека телата на преостанатите тројца морнари се извадени.
/крај/х/ег/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Uncategorized
Мицкоски на средба со австрискиот амбасадор Памер: Идната влада ќе работи на уште позасилена соработка на економско поле помеѓу двете држави
Претседателот на ВМРО-ДПМНЕ, Христијан Мицкоски, заедно со потпретседателот Тимчо Муцунски денеска оствари средба со австрискиот амбасадор Мартин Памер.
Мицкоски му се заблагодари на Памер за поддршката што Македонија ја добива од Австрија на патот на евроинтеграциите.
Одличните односи помеѓу Македонија и Австрија на економско поле ќе бидат дополнително унапредувани и поттикнувано во наредниот период, истакна Мицкоски.
Воедно, беше потенциран и планот за борбата против корупцијата и криминалот, кои ќе бидат високо на агендата на идната влада.
Uncategorized
Силен земјотрес ја погоди Франција
Франција денеска ја погоди земјотрес со јачина од 4,1 степени според Рихтеровата скала, соопшти Европско-медитеранскиот сеизмолошки центар (EMSC).
Епицентарот на земјотресот бил на 10 километри југоисточно од градот Тарбес и 120 километри југозападно од Тулуз, на длабочина од четири километри, се наведува на веб-страницата ЕМСЦ.
Засега нема информации за повредени или материјална штета.
Uncategorized
Сончево и топло со мала до умерена облачност, попладне нестабилно време со пороен дожд и грмежи
Сончево и топло со мала до умерена облачност. Ќе дува слаб до умерен ветер од јужен правец. Попладне наместа, особено во северните делови ќе биде нестабилно со пороен дожд и грмежи, а ќе има и услови за краткотрајно невреме со силен ветер и изолирана појава на град. Минималната температура ќе биде во интервал од 7 до 14, а максималната ќе достигне од 24 до 29 степени.
Во Скопје сончево и топло со мала до умерена облачност. Попладне во делови од котлината ќе биде нестабилно со пороен дожд и грмежи, а ќе има и услови за краткотрајно невреме. Минималната температура ќе се спушти до 10, а максималната ќе достигне до 27 степени.
Во следните денови ќе се задржи топло време, но во попладневните часови наместа ќе биде нестабилно со пороен дожд и грмежи. Локално ќе има услови процесите да бидат поинтензивни во форма на краткотрајно невреме, со силен ветер, интензивен пороен дожд и изолирана појава на град.